غیر ملکی سیاحوں کا عام پاکستانیوں اور سندھ پولیس کا شکریہ ، موبائل فون چھینے جانے کے واقعے کے بعد مقامی افراد اور پولیس نے بہت ساتھ دیا اور خیال رکھا جس پر ان کے مشکور ہیں ۔ یہاں پر قیام اور طعام کا بندوبست بھی کیا گیا اور متبادل فون کا انتظام کر کے ہمیں اپنی فیملی سے رابطہ کرنے کی سہولت بھی فراہم کی گئی ۔ اس خصوصی تعاون پر مقامی افراد اور سندھ پولیس کے شکر گزار ہیں پولیس افسر ہو تو ہمارے پاس پہنچے اور انہوں نے انتظامیہ کے بھرپور تعاون کی یقین دہانی کرائی ہے ہمیں مقامی لوگوں کا پرخلوص رویہ اور پولیس کا بھرپور تعاون دیکھ کر اچھا لگا ۔ یاد رہے کہ مختلف ملکوں سے ہو کر پاکستان پہنچنے والے دو غیر ملکی سیاحوں سے سجاول میں موبائل فون چھین لیے گئے تھے اس واقعے کی اطلاع ملنے پر وزیراعلی سید مراد علی شاہ نے سخت ایکشن لیا تھا اور سجاول پولیس کو فوری طور پر سیاحوں کے ساتھ رابطے میں انے اور فیملیز کے ساتھ رابطے کے لیے عارضی طور پر موبائل فون دینے کی ہدایت کی تھی وزیر اعلی کا کہنا تھا کہ یہ غیر ملکی سیاح ہمارے مہمان ہیں ان کے ساتھ اس قسم کا رویہ کسی صورت برداشت نہیں کیا جا سکتا ۔
