رپورٹ بیورو چیف جیوے پاکستان نیوز
زاہد اختر زمان چیف سیکرٹری پنجاب نے ایک پر وقار تقریب میں
محکمہ صنعت و تجارت پنجاب کی جانب سے تاریخ ساز بلڈنگ پونچھ ھاؤس لاھور کو اپنی اصلی تاریخی حالت میں بحال کرنے اور سردار بھگت سنگھ گیلری کا باقاعدہ افتتاح کردیا
اس موقع پر ڈاکٹر محمد احسان بھٹہ سیکرٹری صنعت و تجارت پنجاب نے زاہد اختر زمان چیف سیکرٹری کو پونچھ ھاؤس بحالی پراجیکٹ کے بارے تفصیلات سے آگاہ کیا انہوں نے بتایا کہ پونچھ ھاؤس بلڈنگ لاھور ایک تاریخی بلڈنگ ھے جس کے ساتھ پوری ایک تاریخ وابستہ ھے 
احسان بھٹہ نے بتایا کہ پونچھ ھاؤس دراصل ایک رہائشی عمارت تھی جو 1849ء میں مہاراجہ دلیپ سنگھ کے عہد میں فرانسیسی جنرل لارڈ لارنس کی قیام گاہ کے طور پر اس وقت تعمیر کی گئی جب وہ سکھ فوج کے ساتھ لاہور میں مقیم تھا۔ ریونیو ریکارڈ کے مطابق پونچھ ھاوس کی زمین خسرہ نمبر 4552 پر مشتمل ھے جو راجہ جگت دیو سنگھ مہاراجہ ریاست پونچھ کی ملکیت تھی اس لئے اس بلڈنگ کو پونچھ ھاؤس کا نام دیا گیا تھا
انگریز دور حکومت میں پونچھ ھاؤس چیف کورٹ کے بیرسٹر چارلس بولنوائس کے قبضے میں رہا جس کے بعد یہ چیف جج سرمیڈتھ پلوڈن کے زیرِ تصرف رہا۔
ڈاکٹر محمد احسان نے بتایا کہ پونچھ ھاؤس کی ازسر تزہین ؤ آرائش اور ضروری تعمیر و مرمت کے دوران اس بات پر خصوصی طور پر توجہ دی گئی ھے کہ تعمیر و مرمت کے دوران قدیمی طرز تعمیر کے اصولوں کو مدنظر رکھا جائے تاکہ اس کے حقیقی حسن کو بحال رکھا جائے 
ڈاکٹر محمد احسان بھٹہ سیکرٹری صنعت و تجارت پنجاب نے چیف سیکرٹری کو بتایا کہ پونچھ ھاؤس لاھور میں انگریز سرکار کے باغی پنجابی ہیرو سردار بھگت سنگھ شہید کا ٹرائل کورٹ کیا گیا تھا اور سردار بھگت سنگھ کو موت کی سزا دی گئی بعد ازاں سردار بھگت سنگھ کو پھانسی دی گئی 
سردار بھگت سنگھ کی انگریز سامراج کے خلاف جرات مندانہ جدوجہد سے نئی نسل کو آگاہ کرنے کے لیے پونچھ ھاؤس میں بھگت سنگھ گیلری قائم کی گئی ھے جس میں بھگت سنگھ سے متعلقہ تصاویر تاریخی دستاویزات رکھی گئی ھیں
زاہد اختر زمان چیف سیکرٹری پنجاب نے ڈاکٹر محمد احسان بھٹہ سیکرٹری،اصف علی فرخ ڈی جی انڈسٹری، ملک ظہیر عباس ڈی جی آرکیالوجی پنجاب، محمد حسن ڈائریکٹر آرکیالوجی پنجاب، مقصود احمد سابقہ ڈائریکٹر آرکیالوجی اور ان کی تمام ٹیم کے کو پونچھ ھاؤس کی شاندار انداز سے ازسر نو بحالی اور پونچھ ھاؤس میں دھرتی کے بیٹے پنجابی سورما سردار بھگت سنگھ گیلری قائم کرنے پر خراج تحسین پیش کرتے ھوئے پنجاب کی تاریخ کو محفوظ کرنے پر مبارکباد دی
افتتاحی تقریب میں محمد فرید تارڑ سیکرٹری ٹوازم، مس حمیرہ اکرم ایم ڈی ٹورازم کارپوریشن پنجاب، محمد ظہیر عباس ڈی جی آرکیالوجی، بریگیڈیئر ساجد کھوکھر چیرمین ٹیوٹا، عاصم ایڈیشنل سیکرٹری جیل جانہ جات پنجاب ،مس سارہ عمر ڈی جی سمال انڈسڑی کارپوریشن ، آصف علی فرخ ڈی جی انڈسٹری، محمد حسن ڈائریکٹر آرکیالوجی، محمد خرم حمید ڈپٹی سیکرٹری، ڈپٹی ڈائریکٹر لاھور میوزیم، جاوید قریشی، شہزاد بھٹہ سابقہ ڈائریکٹر اسپشل ایجوکیشن، اشفاق ڈوگر ٹورازم ڈویلپمنٹ کارپوریشن لاھور ، سید قمر عباس شاہ، عابد ھاشمی و دیگر نے شرکت کی
قبل ازیں محکمہ صنعت و تجارت پنجاب اور پنجاب ٹورازم کارپوریشن کے درمیان ایک تقریب میں ایک ایم او یو پر دستخط کئے گئے
محکمہ صنعت و تجارت کی جانب سے آصف علی فرخ ڈی جی اور مس حمیرہ اکرم ایم ڈی ٹورازم کارپوریشن پنجاب نے دستاویز پر دستخط کیے جس کے مطابق ٹورازم کارپوریشن پنجاب پونچھ ھاؤس کی تاریخی اہمیت کے پیش نظر لاھور آنے سیاحوں کے لئے انتظامات کرے گئی تاکہ ملکی و غیر ملکی سیاح پونچھ ھاؤس لاھور کی سیر کر سکیں
