اجلاس میں متعلقہ محکموں کے نمائندگان کی شرکت
کراچی 30 دسمبر۔ مشیر صوبائی محتسب سندھ و چیئرمین اسٹینڈنگ کمیٹی برائے خصوصی تعلیم (Inclusive Education) کے زیر صدارت اسٹینڈنگ کمیٹی برائے جامع تعلیم کا دوسرا اجلاس صوبائی محتسب سندھ کے دفتر میں منعقد ہوا۔ اجلاس میں ڈی جی سندھ پرسنز وتھ ڈس ایبیلیٹیز پریفکشن اتھارٹی (SPDPA) شبانہ کوثر، سندھ ایجوکیشن اینڈ لٹریسی ڈیپارٹمنٹ (SELD) سے محمد عامر، ماسٹر اسٹاف ٹرینر انگابین شیخ، چیف آٹزم کنسلٹنٹ C-ARTS ڈیپارٹمنٹ آف امپاورمنٹ آف پرسنز وتھ ڈس ایبیلیٹیز (DEPD) ارم رضوان و دیگر نے شرکت کی۔ اجلاس میں گزشتہ اجلاس کے نقاط کا جائزہ اور مستقبل کے لائحہ عمل پر تبادلۂ خیال کیا گیا۔ اجلاس میں انکلوسو ایجوکیشن کے لیے تیار اسکولوں کی فہرست فراہم کرنے، اسٹینڈنگ کمیٹی کے شرکاء کی آراء سے
انکلوسو ایجوکیشن سے متعلق معیار کو حتمی شکل دینے، سینٹر فار آٹزم، ری ہیبیلیٹیشن اینڈ ٹریننگ سندھ C-ARTS کے تحت تربیتی پروگرام میں ماسٹر ٹیچرز کی نشاندہی کے حوالے سے بات چیت کی گئی۔ اجلاس میں طے کیا گیا کہ ماسٹرز ٹیچرز تربیتی پروگرام کے پہلے مرحلے میں کراچی و حیدرآباد کے اساتذہ کو شامل کیا جائے گا جبکہ تمام پرائیویٹ اسکولوں کو انکلوسو ایجوکیشن سے متعلق صوبائی کابینہ کی جانب سے منظور شدہ میٹنگ منٹس بھی بھجوائے جائیں گے۔
