
کراچی( )سی ای او واٹر کارپوریشن انجینئر سید صلاح الدین احمد اور سی او او واٹر کارپوریشن انجینئر اسداللہ خان نے اپنے جاری کردہ پیغام میں کراچی پریس کلب کے سالانہ انتخابات میں دی ڈیموکریٹس پینل کو کلین سویپ کرنے پر تمام عہدیداران و میمبران کو مبارکباد اور نیک خواہشات کا اظہار کرتے ہوئے کہا کہ دی ڈیموکریٹس پینل کی مسلسل کامیابی اراکین کراچی پریس کلب کا دی ڈیموکریٹس پر اعتماد کا واضح ثبوت ہے جبکہ دی ڈیموکریٹس پینل کی کامیابی صحافی حضرات کی جانب سے ان پر اعتماد کی عکاسی کرتی ہے انکا کہنا تھا کہ کراچی پریس کلب کا پاکستان سمیت شہر قائد کی ترقی میں اہم کردار ہے کیونکہ کراچی پریس کلب کی ملک میں ایک الگ اور اپنی پہچان ہے انہوں نے کہا ہمیں پوری امید ہے کہ
نو منتخب باڈی کراچی پریس کلب کی سابقہ بہترین روایات کی فضا کو قائم رکھتے ہوئے صحافی تنظیموں کی بہتری کے لیے ایک متحرک اور جامع ماحول کی راہ ہموار کرے گی اور نو منتخب عہدیداران تمام صحافیوں کی فلاح و بہبود اور صحافتی اداروں کی مظبوطی کے لیے اپنا کردار ادا کریں گے انہوں مزید کہا کہ ہمیں پوری امید ہے کہ نو منتخب تمام اراکین وطن عزیز پاکستان کی ترقی و خوشحالی اور استحکام سمیت صوبہ سندھ خصوصاً شہر قائد کے مسائل حل کے لیے اپنا بھرپور کردار ادا کرتے رہیں گے واٹر کارپوریشن حکام نے کراچی پریس کلب کے سالانہ انتخابات میں دی ڈیموکریٹس پینل کے کامیاب ہونے والے صدر فاضل جمیلی نائب صدر ارشاد کھوکھر جنرل سیکریٹری محمد سہیل افضل خان جوائنٹ سیکریٹری محمد منصف خزانچی عمران ایوب سمیت گورننگ باڈی میمبران حفیظ بلوچ حماد حسین کفیل احمد مونا صدیقی منظور شیخ محمد فاروق اور قاضی محمد یاسر کو مبارکباد پیش کرتے ہوئے نیک خواہشات کا اظہار کیا۔























