کراچی( )میئر کراچی بیرسٹر مرتضیٰ وہاب کی کاوشوں سے ضلع غربی اور ضلع کیماڑی میں پانی کے مزید اضافے کے لیے نئی حب کینال کی تعمیر اور پرانی حب کینال کی بحالی کا منصوبہ شروع کردیا گیا ہے منصوبے پر کام تیزی سے جاری ہے جو اگلے ایک سال میں مکمل کرلیا جائے گا حب کینال منصوبے میں حب پمپنگ اسٹیشن رائزنگ مین اور حب فلٹر پلانٹ کو 80 سے 100 ایم جی ڈی تک اپگریڈ کیا جائے گا منصوبے کی لاگت 12.76 بلین ہے جو فکس لاگت ہے اس منصوبے سے کراچی شہر خصوصاً ضلع غربی اور کیماڑی میں پانی کی فراہمی میں نمایاں بہتری آئے گی ان خیالات کا اظہار سی او او واٹر کارپوریشن انجینئر اسداللہ خان نے جمیعت علمائے اسلام کے صوبائی نائب امیر قاری محمد عثمان کی قیادت میں آنے والے وفد سے ملاقات کے دوران کیا اس موقع پر رہنما جے یو آئی نے واٹر کارپوریشن حکام کو سائٹ ماڑی پور بلدیہ مومن آباد اورنگی اور منگھو پیر ٹاؤن میں درپیش فراہمی و نکاسی آب کے مختلف مسائل سے آگاہ کرتے ہوئے اس بات پر زور دیا کہ تمام مسائل ترجیحی بنیادوں پر حل کیے جائیں سی او او واٹر کارپوریشن نے رہنما جے یو آئی کو تمام شکایات کے فوری حل کی یقین دہانی کراتے ہوئے متعلقہ افسران کو موقع پر احکامات جاری کرتے ہوئے پابند کیا کہ تمام مسائل ترجیحی بنیادوں پر حل کیے جائیں انکا کہنا تھا کہ میئر کراچی کی ہدایات
پر شہر کی بہتری کے لیے مختلف منصوبوں پر کام جاری ہے جن کی تکمیل سے نمایاں بہتری آئے گی انہوں نے کہا شہر کو موجودہ وقت یومیہ 1200 ملین گیلن پانی کی ضرورت ہے لیکن اس کے برعکس واٹر کارپوریشن کے سسٹم میں موجودہ وقت صرف یومیہ 650 ملین گیلن پانی دستیاب ہے جو پورے شہر میں منصفانہ تقسیم کیا جا رہا ہے جبکہ واٹر کارپوریشن شہر بھر میں فراہمی و نکاسی آب کی بہتری کے لیے دن رات کوشاں ہے کیونکہ شہریوں کو بہتر سہولیات فراہم کرنا ہماری اولین ترجیحات میں شامل ہے ملاقات کے دوران رہنما جے یو آئی نے واٹر کارپوریشن حکام کا شکریہ ادا کرتے ہوئے اس امید کا اظہار کیا کہ واٹر کارپوریشن موجودہ وقت ضرورت سے کم پانی ہونے کے باوجود شہر میں منصفانہ تقسیم کو یقینی بنانے کے لیے مزید مؤثر اقدامات اٹھانے میں کوئی کسر نہیں چھوڑے گا اس موقع پر انہوں نے قانون نافذ کرنے اداروں سے مطالبہ کرتے ہوئے کہا کہ ایسے عناصر کے خلاف سخت قانونی کاروائی عمل میں لائی جائے جنہوں نے کچھ روز قبل پانی کے ٹینکرز روک کر اور والوز کھول کے پانی ضائع کیا تھا تاکہ آئندہ ایسا غلط عمل دہرایا نہ جا سکے جبکہ مستقبل میں اس طرح کے غلط کاموں پر قابو پانے کے لیے بھی موثر حکمت عملی اپنائی جائے کیونکہ پانی ضائع کرنا ایک غیر قانونی اور غیر اخلاقی فعل ہے انہوں نے مزید کہا کہ واٹر کارپوریشن عوام کو سرکاری ہائیڈرنٹس کے ذریعے جنرل پبلک سروس کے تحت رعایتی نرخوں پر پانی فراہم کرتا ہے جو مختلف مساجد مدارس امام بارگاہون ہسپتالوں سکولوں اور عوامی ٹینکوں میں فراہم کیا جاتا ہے جس میں رکاوٹ کسی صورت برداشت نہیں کی جائے گی ملاقات کے دوران سید اکبر شاہ ہاشمی قاضی امین الحق آزاد مولانا عظیم اللہ عثمان سید عبدالسلام شاہ قاری اشرف مینگل عبداللہ بسمل انعام الرحمٰن مولانا عقیل عبدالولی خان سميت واٹر کارپوریشن کے ظفر پلیجو اور آفتاب عالم چانڈیو موجود تھے۔
