مشہور ناول نگار بیپسی سدھوا 11 اگست 1938ء کو کراچی میں مقیم ایک گجراتی پارسی خاندان میں پیدا ہوئیں۔ بعدازاں وہ اپنے خاندان کے ہمراہ لاہور شفٹ ہو گیئں۔ وہ بدقسمتی سے دو سال کی عمر میں پولیو کا شکار ہو گیئں۔ لیکن انہوں نے اپنی معذوری کے باوجود ہمت نہ ہاری اور اپنی تعلیم جاری رکھی۔ اور 1957ء میں لاہور کے کنیرڈ کالج برائے خواتین سے بی اے مکمل کیا۔
بپسی سدھوا نے 19 سال کی عمر میں شادی کی اور ممبئی چلی گئیں۔ بعدازاں 5 سال بعد طلاق کے بعد انہوں نے دوبارہ موجودہ شوہر نوشیر سے شادی کی اور لاہور منتقل ہو گیئں۔ پاکستان میں ناول نگاری کا آغاز کرنے سے قبل ان کے تین بچے تھے۔
سدھوا بعد میں فیملی سمیت ہوسٹن، امریکا چلی گیئں اور وہیں مستقل رہائش اختیار کر لی۔ لیکن وہ ہمیشہ خود کو ایک پاکستانی پنجابی پارسی کہلواتی ہیں۔ ان کی مادری زبان گجراتی اور گھر کی زبان اردو تھی جب کہ انگریزی میں لکھتی ہیں۔
ان کے مشہور ناولوں جیسے ائس کینڈی مین، جنگل والا صاحب وغیرہ پر مشہور فلمیں بنائی گیئں۔ انہیں بہت سے اعزازات سے پھی نوازا گیا جس میں پاکستان کا اعلی ترین اعزاز ستارہ امتیاز بھی شامل ہے۔
بیپسی سدھوا 25 دسمبر 2024ء کو ہوسٹن، ریاست ہائے متحدہ امریکا میں انتقال کر گئیں۔ ان کو انکے ادبی کام کے حوالے سے ہمیشہ یاد رکھا جاے گا۔
