25 دسمبر 2024
راولپنڈی ()
مرکزی انجمن تاجران لیاقت روڈ راولپنڈی کے صدر شیخ عبد الوحید نے کہا کہ قائد اعظم نے اپنی جرات مندانہ قیادت سے ہمیں ایک عظیم مسلم ریاست دی۔ہمیں چاہیے کہ بحیثیت قوم اس ملک کی حفاظت کریں۔بالخصوص نوجوان طبقہ کو پاکستان کی تعمیر وترقی میں اہم کردار ادا کرنا ہوگا۔
انھوں نے یہ بات بانی پاکستان قائد اعظم محمد علی جناح کی 148 ویں سالگرہ کے موقع پر کہی۔ شیخ عبد الوحید نے کہا کہ قائد اعظم محمد علی جناح نے مسلم لیگ کانفرنس کراچی سے 19 اکتوبر 1938 کے خطاب میں کہا تھا کہ”اگر مسلمانوں کو اپنے عزائم اور مقاصد میں ناکامی ہوگی تو مسلمانوں ہی کی دغا بازی کے باعث ہوگی، جیسا کہ گزشتہ زمانے میں ہوچکا ہے۔ میں دغا بازوں کا ذکر کرنا پسند نہیں کرتا، لیکن ہر انصاف پسند اور سچے مسلمان سے میری درخواست ہے کہ اپنی فلاح و بہبود کی غرض سے متحد و متفق ہوکر کام کریں”۔شیخ عبد الوحید کا مزید کہنا تھا کہ مسلمانوں کو اپنی حیثیت اور جذبہ ایمانی کو سمجھنا ہوگا۔قائد اعظم کے افکاروں کو اپنانا ہوگا،تاکہ وہ اپنی ملت روشن ستارہ بن سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
