
کراچی دنیا کا پانچواں بڑا شہر بن گیا؟ جلال یا چیلنج؟ کراچی کا مستقبل بتا دیا۔
کراچی دنیا کا پانچواں بڑا شہر بن گیا؟ جلال یا چیلنج؟ کراچی کا مستقبل بتا دیا۔
Karachi Becoming World’s 5th Largest City? Glory or Challenge? Future of Karachi Explained
=======================
قومی ٹیم کے سابق کپتان بابر اعظم ٹی ٹونٹی کرکٹ میں زیادہ چھکے لگانے والے بیٹرز کی فہرست میں شاہد آفریدی اور محمد حفیظ سے آگے نکل گئے۔
پاکستان نے راولپنڈی میں کھیلے گئے سہ فریقی ٹی20 سیریز کے فائنل میں سری لنکا کو باآسانی 6 وکٹوں سے شکست دے کر سیریز جیت لی۔
سیریز کے فائنل میں سری لنکا نے پہلے بیٹنگ کرتے ہوئے 114 رنز بنائے اور پاکستان نے 4 وکٹوں کے نقصان پر 19 ویں اوور میں ہدف حاصل کر لیا، محمد نواز کو میچ اور سیریز کا بہترین کھلاڑی قرار دیا گیا۔
فائنل میچ میں اچھی فیلڈنگ کےعلاوہ بابراعظم نے بیٹنگ میں بھی نمایاں کردار ادا کیا، انھوں نے 34 گیندوں پر 2 چوکے اور ایک چھکے کی مدد سے 37 رنز بناکر جیت میں اپنا حصہ ڈالا۔
اس کے ساتھ ہی بابر اعظم پاکستان کے لیے ٹی ٹونٹی کرکٹ میں سب سے زیادہ چھکے لگانے والے ٹاپ تھری بیٹرز میں شامل ہوگئے۔
محمد رضوان 95 چھکوں کے ساتھ اس فہرست میں پہلے نمبر پر ہیں، فخر زمان 93 چھکے لگا کر دوسرے، بابر اعظم 77 چھکوں کے ساتھ تیسرے جب کہ محمد حفیظ 76 چھکوں کے ساتھ چوتھے نمبر پر ہیں۔
شاہد آفریدی نے پاکستان کے لیے 99 ٹی ٹونٹی میچز میں 73 چھکے لگا رکھے ہیں۔
پاکستان نے کلینڈر ایئر میں سب سے زیادہ ٹی20 انٹرنیشنل جیتنے کا ریکارڈ قائم کردیا، قومی ٹیم کی جیت کا تناسب 60 فیصد سے زائد رہا۔
قومی کرکٹ ٹیم نے سری لنکا کے خلاف ٹرائی نیشنل سیریز کا فائنل جیت کر اس کلینڈر ایئر میں سب سے زیادہ ٹی ٹونٹی میچز جیتنے کا نیا ریکارڈ بنا دیا، 2025ء میں پاکستان نے اب تک 34 میں سے 21 میچز جیتے ہیں۔
4 سال قبل 2021 میں بھی پاکستان کی قومی ٹیم نے ٹی ٹونٹی انٹرنیشنل میچز میں شاندار کارکردگی کا مظاہرہ کرتے ہوئے 26 میچز میں سے 20 میچز جیتے تھے اور 6 میں اسے شکست ہوئی تھی۔
اس کے علاوہ 2018ء میں گرین شرٹس نے 19 میں سے 17 مقابلے جیتے جبکہ 2022ء میں قومی کرکٹ ٹیم نے 26 میچز کھیل کر 14 میں فتح حاصل کی تھی اور 12 میچز میں اسے شکست کا سامنا کرنا پڑا تھا۔
جیت کے بعد گفتگو کرتے ہوئے پاکستان کے ٹی ٹونٹی کپتان سلمان علی آغا کا کہنا تھا کہ ہم نے پچھلے 2 ماہ میں بہترین کرکٹ کھیلی ہے، کوشش کریں گے اسی شاندار کارکردگی کا تسلسل برقرار رکھیں۔
سلمان آغا کا مزید کہنا تھا کہ ورلڈکپ سے پہلے کامیابیوں سے اعتماد میں اضافہ ہوا ہے، کوشش ہے بینچ اسٹرینتھ بھی مضبوط کریں، ورلڈکپ کے لیے 15 بہترین کھلاڑی فائنل کرنے کے قریب ہیں۔























