آرٹس کونسل آف پاکستان کراچی
22 نئی تصاویر شامل کی ہیں۔
Onesmus Okamar، ورلڈ کلچر فیسٹیول 2025 میں ایک نمایاں مندوب، ایک انٹرایکٹو فائن آرٹس ورکشاپ کے ذریعے گرین وچ یونیورسٹی کے نوجوان فنکاروں سے جڑا۔
یہ میلہ 07 دسمبر 2025 تک آرٹس کونسل کراچی میں جاری رہے گا۔ مزید تفصیلات اور ٹکٹوں کے لیے www.acpkhi.com/events ملاحظہ کریں۔
#ArtsCouncil #ACPKHI #WorldCulture Festival #WCFK
=================
حیدرآباد، پٹاخوں کی فیکٹری میں آگ، زبردست دھماکے، علاقہ لرز اٹھا، 6 افراد جاں بحق
حیدرآباد، پٹاخوں کی فیکٹری میں آگ، زبردست دھماکے، علاقہ لرز اٹھا، 6 افراد جاں بحق
حیدرآباد (بیورو رپورٹ) لطیف آباد میں بچاؤ بند پر گھر میں قائم آتش بازی اور پٹاخوں کی فیکٹری میں آتش گیر مواد میں آگ لگنے کے باعث زبردست دھماکے‘ علاقہ لرز اٹھا‘ گھروں و عمارتوں کے شیشے ٹوٹ گئے‘ شدید دھماکوں کے باعث عمارت زمیں بوس ہوگئی‘ ابتدائی اطلاعات کے مطابق فیکٹری میں کام کرنے والے نوجوانوں سمیت 6 افراد جاں بحق‘ خاتون سمیت 10 سے زائد افراد جھلس کر شدید زخمی ہوگئے‘ مقامی افراد نے موقع پر پہنچ کر اپنی مدد آپ کے تحت امدادی کارروائیاں شروع کیں‘ ایمبولینسوں کی عدم موجودگی پر جاں بحق و زخمی ہونے والوں کو پولیس موبائل کے ذریعے بھٹائی اور سول اسپتال منتقل کیا‘ مقامی افراد کے مطابق متعدد افراد ملبے تلے دبے ہوئے ہیں‘ بڑے حادثے پر بھٹائی اسپتال لطیف آباد اور سول اسپتال میں ایمرجنسی نافذ کردی گئی‘ حادثے کی اطلاع پر بم ڈسپوزل اسکواڈ کو طلب کرلیا گیا جبکہ رینجرز‘ پولیس کی بھاری نفری کے ساتھ فائر بریگیڈ‘ ریسکیو 1122 ‘ ایدھی رضا کار بھی موقع پر پہنچ گئے اور امدادی کارروائیاں شروع کردیں‘ حادثے کی اطلاع پر ڈپٹی کمشنر‘ میئر حیدرآباد‘ رکن سندھ اسمبلی صابر حسین قائم خانی و دیگر سیاسی و سماجی رہنما بھی جائے حادثہ پر پہنچ گئے۔ تفصیلات کے مطابق بی سیکشن تھانے کی حدود لطیف آباد نمبر 10 بچاؤ بند پر لغاری گوٹھ میں کھیتوں کے درمیان ایک عمارت میں قائم آتش بازی کا سامان‘ پٹاخے اور بم بنانے والی ایک غیر قانونی فیکٹری میں ہفتہ کو ساڑھے چار بجے کے قریب آتش گیر مواد میں آگ لگنے کے بعد زوردار دھماکوں کا سلسلہ شروع ہوا تھا جس کے باعث لطیف آباد نمبر 10 ‘ قائم خانی گوٹھ‘ مہر علی ہاؤسنگ سوسائٹی‘ لطیف آباد نمبر 11 کے علاقے دھماکوں سے لرز اٹھے‘ متعدد گھروں اور عمارتوں کے شیشے ٹوٹ گئے‘ دھماکوں اور آگ لگنے کے باعث دو منزلہ عمارت جس میں آتش بازی کے سامان کی فیکٹری قائم تھی زمیں بوس ہوگئی اور ملبہ چاروں طرف بکھر گیا تاہم عمارت میں ذخیرہ کئے گئے پٹاخے اور دیسی ساختہ شادی بیاہ‘ شب برات میں پھوڑے جانے والے بم وقفے وقفے سے پھٹتے رہے‘ دھماکوں کے باعث علاقہ مکین گھروں سے نکل آئے اور فوری طورپر جائے حادثہ پر پہنچ کر اپنی مدد آپ کے تحت امدادی کارروائیاں شروع کیں اور پولیس‘ ریسکیو 1122 ‘ فائر بریگیڈ اور ضلعی انتظامیہ کو اطلاع کی
====================
بھارتی کپتان شبھمن گل ہسپتال داخل، جنوبی افریقہ کے خلاف ٹیسٹ سے بھی باہر
بھارت کے کپتان شبھمن گل گردن میں تکلیف کے باعث اسپتال منتقل کر دیے گئے ہیں اور وہ جنوبی افریقہ کے خلاف جاری پہلے ٹیسٹ میچ میں مزید حصہ نہیں لیں گے۔
ہفتے کو کولکتہ میں ایڈن گارڈنز میں کھیلے جانے والے میچ کے دوسرے روز چوکا لگانے کے فوراً بعد شبھمن گل نے گردن میں درد محسوس کیا اور میدان چھوڑ دیا۔
بھارتی کرکٹ بورڈ بی سی سی آئی کے مطابق دن کے اختتام پر انہیں طبی معائنے کے لیے اسپتال لے جایا گیا، جہاں وہ اس وقت زیرِ مشاہدہ ہیں۔
بورڈ نے کہا کہ شبھمن گل آئندہ میچ میں شرکت کے لیے بھی غیر یقینی کا شکار ہیں اور ان کی صحت کا جائزہ بی سی سی آئی کی میڈیکل ٹیم مسلسل کر رہی ہے۔
دو ٹیسٹ میچوں کی سیریز کا پہلا میچ اتوار کو تیسرے دن ہی ختم ہونے کے قریب ہے، جب جنوبی افریقہ اپنی دوسری اننگز 93 رنز سات کھلاڑی آؤٹ کے اسکور سے دوبارہ شروع کرے گا۔ میزبان ٹیم کو مشکل وکٹ پر محض 63 رنز کی برتری حاصل ہے۔
شبھمن گل کی قیادت میں دوسرا ٹیسٹ 22 نومبر سے گوہاٹی میں شروع ہونا ہے، تاہم گردن کی تکلیف کے باعث ان کی دستیابی اب ایک بڑا سوال بن گئی ہے۔
