وزیر بلدیات،ہاوسنگ و ٹاٶن پلاننگ سندھ سید ناصر حسین شاہ نے کہا ہے کہ سندھ رواداری،درگذر برداشت امن اور محبت کی سرزمین ہے سندھ شاہ عبداللطیف بھٹاٸ سچل سرمست اور صوفیاء کی سرزمین ہے سندھی زبان اب گوگل پر بھی موجود ہے سندھی زبان کا آسانی سے ترجمعہ کیا جاسکتا ہے یہ بات انہوں نے ہفتے کے روز مقامی ہوٹل میں سندھ لٹریچر فاٶنڈیشن کے زیر اہتمام دو روزہ آٹھویں سندھ ادبی میلے کا افتتاح کے موقعے پر اپنے خطاب میں کہی افتتاحی تقریب میں مہتاب اکبر راشدی،سرفراز راجڑ،گھنور خان لغاری و دیگر نے بھی شرکت کی جبکہ تقریب میں سندھی ادب اور ثقافت کے بھرپور رنگ پیش کیےگئے ۔روایتی رقص اور اجرک رلی سندھی ٹوپی کے اسٹالز بھی قائم کیےگئے ناصر حسین شاہ نے کہا کہ چیئرمین بلاول بھٹو زرداری کا وژن ترقی اور
بہتری کا ہے سندھ حکومت کراچی کا پورا انفرااسٹریکچر بنا کر دے گی کراچی ہمارا دل ہے کراچی کی ہر گلی محلے کا انفرااسٹریکچر بنا کر دیں گے عوام کی تکلیف کا احساس ہے جس کے لیے معذرت خواہ ہیں ناصر شاہ نے میڈیا سے گفتگو کرتے ہوئے کہا کہ ہم خواتین کا حترام کرتے ہیں اکنامسٹ اور دیگر جریدوں کو پی ٹی آئی دور میں ہائی لائٹ کیا جاتا تھا بشریٰ بی بی کا احترام ہے لیکن باتیں حقیقت ہیں اکنامسٹ کی رپورٹ کو نظر انداز نہیں کیا جاسکتا اس زمانے میں فرح گوگی کا بھی کردار تھا ۔ناصر شاہ نے کہا کہ کراچی میں پبلک ٹرانسپورٹ کی ضرورت ہے وزیر ٹرانسپورٹ نے بسوں میں مذید اضافہ کیا ہے جلد ہی عوام کا یہ مسئلہ بھی حل ہوجائے گا۔
========================
صوبہ خیبرپختونخواہ کے اضلاع بنوں اور لکی مروت میں پولیس اور محکمہ انسداد دہشت گردی کے مشترکہ آپریشن میں 5 خوارج مارے گئے۔ میڈیا رپورٹس کے مطابق تختی خیل کے سرحدی علاقے میں فتنۃ الخوارج کی موجودگی کی اطلاع پر ضلعی پولیس اور سی ٹی ڈی نے مشترکہ طور پر ایک اہم اور فیصلہ کن آپریشن کیا، ڈی آئی جی بنوں سجاد خان نے کی قیادت میں ہونے والے آپریشن کے دوران فائرنگ کے تبادلے میں فتنۃ الخوراج کے 5 دہشت گرد ہلاک ہوگئے، آپریشن میں تمام پولیس اہلکار محفوظ رہے۔
بتایا گیا ہے کہ یہ آپریشن ریجنل پولیس افسر بنوں سجاد خان کی نگرانی میں ہوا، ان کا کہنا ہے کہ خیبرپختونخواہ پولیس کے جوان امن و امان کے قیام اور عوام کے تحفظ کے لیے ہر دم تیار ہیں اور یہ کارروائیاں اسی عزم کا عملی ثبوت ہیں، آپریشن کے دوران عوام کی بھرپور امداد اور تعاون پولیس کو حاصل رہا، علاقہ مکینوں نے پولیس کے شانہ بشانہ کھڑے ہو کر مشکوک سرگرمیوں سے متعلق مسلسل معلومات فراہم کیں جس سے کارروائی کو کامیاب بنانے میں بڑی مدد ملی۔
آئی جی پی خیبرپختونخواہ ذوالفقار حمید نے بنوں اور لکی مروت پولیس کی بروقت اور مؤثر کارروائی کو سراہتے ہوئے کہا کہ خوارج کے خاتمے کے لیے ایسی کامیاب کارروائیاں علاقے میں دیرپا امن کو یقینی بنائیں گی، خیبرپختونخواہ پولیس کی جانب سے اس طرح کی کارروائیاں جاری رہیں گی، جس کے ذریعے دہشت گردوں کو کہیں بھی محفوظ پناہ گاہ نہیں ملنے دی جائے گی اور مشترکہ آپریشن امن کے استحکام کے لیے جاری رہے گا۔
