تجمل عباس رانا اسپشل سیکرٹری ھائر ایجوکیشن پنجاب کو زیر التوا پروموشن کیسز نپٹنے پر خراج تحسین
رپورٹ
اسپشل ایجوکیشن ویلفیئر ایسوسی ایشن آف پروفیشنلز نے اپنے ایک اجلاس میں تجمل عباس رانا اسپشل سیکٹریری محکمہ ھائر ایجوکیشن پنجاب کی مختلف کالجز کے اساتذہ کی تین سال سے زیر التوا پروموشن کیسز کو کامیابی سے مکمل کروانے کے لیے خصوصی کاوشوں کو زبردست خراج تحسین پیش کیا ھے
اجلاس میں سجاد احمد خان ایڈیشنل سیکرٹری اسپشل ایجوکیشن پنجاب کی خصوصی طلبہ کے استاد گریڈ 18 کے پرموشن کیسز کی تیاری کے سلسلے میں خدمات کو بھی شاندار الفاظ میں خراج تحسین پیش کیا گیا
سیپ پاکستان کے ایگزیکٹو کمیٹی اجلاس میں سردار ہمایوں علی خان ملک فاروق اعوان سید قمر عباس شاہ، شہزاد بھٹہ ظہیر ہمایوں،ڈاکٹر فریحہ لق چشتی، جمیشد اقبال ، ڈاکٹر عائشہ بٹ، ایڈووکیٹ عمران بھٹہ، عابد ھاشمی، شیخ کاشف، عثمان بھٹی، جمیشد علی، ڈاکٹر نور الزماں رفیق، علیم الدین و دیگر نے شرکت کی
سیکریٹری سروسز محکمہ ایس اینڈ جی ڈی حکومت پنجاب کے دفتر میں 11 نومبر کو پری صوبائی سلیکشن بورڈ 2 کے ایک اھم اجلاس میں مختلف محکموں کے گریڈ 18 سے گریڈ 19 کے پروموشن کیسز پر غور کیا گیا اور خوش اسلوبی سے پروموشن کیسز کو نپٹایا گیا
صوبائی سلیکشن بورڈ 2 کے جاری اجلاس میں محکمہ ہائر ایجوکیشن ،اسپشل ایجوکیشن پنجاب اور محکمہ صحت پنجاب کے مختلف کیڈرز کے پروموشن کیسز پر غور کیا گیا
تفصیلات کے مطابق محکمہ ھائر ایجوکیشن پنجاب کے تقربیا ساڑھے پانچ سو خواتین و مرد اسٹینٹ پروفیسر بی ایس 18 کو ایسوسی ایٹ پروفیسر بی ایس 19 میں محکمانہ ترقیاں دی گئی ان میں 237 خواتین اسٹینٹ پروفیسر اور 283 مرد اسٹینٹ پروفیسر شامل ہیں
اسپشل ایجوکیشن ویلفیئر ایسوسی ایشن آف پروفیشنلز نے محکمہ ھائر ایجوکیشن پنجاب اور محکمہ اسپشل ایجوکیشن پنجاب کے اعلی افسران خصوصاً تجمل عباس رانا اسپشل سیکرٹری ھائر ایجوکیشن پنجاب اور انکی انتھک ٹیم خصوصاً عمر ریاض گجر ڈپٹی ڈائریکٹر کانفیڈشیل، کاشف شیخ اسٹینٹ ڈائریکٹر کانفیڈشیل ڈی پی آئی کالجز و دیگر عملے کی کوششوں سے تین سال سے زیر التوا پروموشن کیسز کی تیاری اور صوبائی سلیکشن بورڈ 2 محکمہ ایس اینڈ جی اے ڈی سے کامیابی سے ھم کنار کیا اور سالوں سے ترقی کے منتظر اسٹینٹ پروفیسرز کو ایسوسی ایٹ پروفیسر کے عہدے پر پروموٹ کیا گیا
یاد رہے کہ تجمل عباس رانا نے کچھ عرصہ پہلے اسپشل سیکرٹری ھائر ایجوکیشن پنجاب کے عہدے کا چارج سنبھالا تھا اور انہوں نے مختصر عرصہ میں تین سالوں سے زیر التوا پروموشن کیسز کے مسلہ کو اپنی قائدانہ صلاحیتوں سے حل کروایا
سیپ پاکستان کے اجلاس میں سجاد احمد خان ایڈیشنل سیکرٹری اسپشل ایجوکیشن پنجاب, ڈاکٹر فیاض جتالہ ڈپٹی سیکرٹری اسپشل ایجوکیشن پنجاب، شاھد رفیق سکیشن آفیسر و دیگر سٹاف ممبران کی خصوصی طلبہ کے پچاس سے زائد گریڈ 18 کے اساتذہ کی پرموشن کیسز کی تیاری کے سلسلے میں خدمات کو شاندار الفاظ میں خراج تحسین پیش کیا گیا
سیپ پاکستان گریڈ 19 میں ترقی پانے والے تمام اساتذہ کرام کو مبارکباد پیش کرتی ھے
