افغانستان کرکٹ ٹیم کے کپتان راشد خان نے دوسری شادی کی تصدیق کردی ہے۔
غیر ملکی میڈیا کے مطابق راشد خان کی نئی دلہن افغان نژاد ہیں تاہم پہلی بیوی کے حوالے سے وہ خاموش ہیں۔
راشد خان نے نیدر لینڈ میں چیریٹی ایونٹ کی ایک تقریب کے دوران ایک خاتون کے ساتھ تصاویر وائرل ہونے پر تصدیق کی تھی۔
اپنی حالیہ انسٹا گرام پوسٹ میں افغان ٹی 20 کپتان نے لکھا کہ انہوں نے 2 اگست 2025ء کو زندگی کے ایک نئے سفر کا آغاز کیا ہے۔
انہوں نے مزید لکھا کہ انہوں نے ایسی عورت سے نکاح کیا جو محبت کی مثال ہے۔
راشد خان نے وضاحت کی کہ ’میں حال ہی میں اپنی بیوی کو ایک تقریب میں لے کر گیا اور بدقسمتی سے اتنی سادہ سی بات پر مفروضے بنائے جا رہے ہیں۔‘
قبل ازیں گزشتہ سال اکتوبر 2024ء میں راشد خان نے افغان دارالحکومت کابل میں پہلی شادی میں کی تھی۔ اس تقریب میں انکے دوستوں اور ساتھی کرکٹرز نے بھی شرکت کہ تھی۔
=============================
کیڈٹ کالج وانا میں آپریشن مکمل، تمام خوارج جہنم واصل
حملہ آور ایک خوارج نے خود کش حملہ کیا، باقی 4 خوارج کو سیکورٹی فورسز نے جہنم واصل کر دیا
کیڈٹ کالج وانا میں آپریشن مکمل، تمام خوارج جہنم واصل
وانا ۔ 11 نومبر 2025ء) کیڈٹ کالج وانا میں آپریشن مکمل، تمام خوارج جہنم واصل، حملہ آور ایک خوارج نے خود کش حملہ کیا، باقی 4 خوارج کو سیکورٹی فورسز نے جہنم واصل کر دیا۔ تفصیلات کے مطابق دہشت گردوں کی جانب سے وانا میں کیڈٹ کالج پر کیا گیا حملہ ناکام بنا کر کلیئرنس آپریشن مکمل کر لیا گیا۔ سکیورٹی ذرائع کا کہنا ہے کہ کیڈٹ کالج میں موجود تمام طلبہ اور اساتذہ کو ریسکیو کرلیا گیا ہے اور تمام حملہ آور خوارج جہنم واصل کر دیئے۔
سکیورٹی ذرائع کے مطابق آپریشن کے دوران تمام کیڈٹس محفوظ رہے، سکیورٹی فورسزکا آپریشن نہایت احتیاط اورحکمتِ عملی سے جاری رہا۔ سکیورٹی ذرائع کے مطابق افغان خوارج کی کالج میں موجودگی اور کیڈٹس کی جانوں کی حفاظت کے پیش نظر آپریشن احتیاط سے کیا گیا۔
سکیورٹی ذرائع نے بتایاکہ آخری دہشتگرد کے خاتمے تک سکیورٹی فورسزکا آپریشن جاری رہا۔
واضح رہے کہ ایک روز قبل افغان خوارج نے وانا کیڈٹ کالج کے مرکزی دروازے پر بارود سے بھری گاڑی دے ماری تھی، جس کے نتیجے میں زوردار دھماکا ہوا، دھماکے سے کالج کا مرکزی گیٹ مکمل طور پر تباہ ہوگیا جبکہ قریبی عمارتوں کو بھی شدید نقصان پہنچا۔ سکیورٹی ذرائع کے مطابق وانا کیڈٹ کالج پر حملہ کرنے والے خوارج کا تعلق افغانستان سے بتایا گیا ہے اور حملہ آور وہاں سے ٹیلیفون کے ذریعے ہدایات حاصل کر رہے تھے۔
اطلاعات کے مطابق یہ خوارج کالج کی ایک ایسی عمارت میں چھپے ہوئے ہیں جو کیڈٹس کی رہائش گاہوں سے خاصی دور واقع ہے۔ ذرائع کے مطابق پاک فوج کے جوانوں نے بروقت اور مؤثر کارروائی کرتے ہوئے دو خوارجیوں کو ہلاک کر دیا۔ اس کے بعد سکیورٹی فورسز نے پورے علاقے کو گھیرے میں لے کر ایک فیصلہ کن کلیئرنس آپریشن کا آغاز کر دیا ہے، سکیورٹی فورسز نے واضح کیا ہے کہ آخری دہشتگرد کے خاتمے تک یہ آپریشن پوری قوت سے جاری رہے گا۔
Live
