ایرانی مجلسِ شورائے اسلامی کے اسپیکر ڈاکٹر محمد باقر قالیباف جمعہ کے روز اپنے اعلیٰ سطحی پارلیمانی وفد کے ہمراہ کراچی پہنچے، جہاں اسپیکر صوبائی اسمبلی سندھ سید اویس قادر شاہ نے جناح انٹرنیشنل ایئرپورٹ پر اُن کا پُرتپاک استقبال کیا

ایرانی مجلسِ شورائے اسلامی کے اسپیکر ڈاکٹر محمد باقر قالیباف جمعہ کے روز اپنے اعلیٰ سطحی پارلیمانی وفد کے ہمراہ کراچی پہنچے، جہاں اسپیکر صوبائی اسمبلی سندھ سید اویس قادر شاہ نے جناح انٹرنیشنل ایئرپورٹ پر اُن کا پُرتپاک استقبال کیا اس موقع پر ایرانی قونصل جنرل اکبر عیسیٰ زادہ بھی ایرانی اسپیکر کے استقبال میں موجود۔
سید اویس قادر شاہ نے ڈاکٹر محمد باقر قالیباف کو خوش آمدید کہتے ہوئے گلدستہ پیش کیا۔
ایرانی اسپیکر اسلام آباد کے سرکاری دورے کے بعد کراچی پہنچے۔
اسپیکر سندھ اسمبلی کے ہمراہ اراکین صوبائی اسمبلی میر طارق تالپور منسٹر سوشل ویلفیئر سندھ، قاسم سومرو اور محمد آصف موسیٰ بھی موجود تھے جنہوں نے معزز مہمانوں کا خیرمقدم کیا۔
ایرانی اسپیکر ڈاکٹر محمد باقر قالیباف نے کہا کہ وہ اسپیکر سندھ اسمبلی سید اویس قادر شاہ اور عوامِ سندھ کے محبت بھرے استقبال پر دلی شکر گزار ہیں۔
کراچی میں قیام کے دوران ایرانی پارلیمانی وفد بانیِ پاکستان قائدِ اعظم محمد علی جناحؒ کے مزار پر حاضری دے گا۔
بعد ازاں، اسپیکر صوبائی اسمبلی سندھ سید اویس قادر شاہ، ایرانی اسپیکر اور وفد کے اعزاز میں عشائیہ دیں گے، جس میں اراکین سندھ اسمبلی اور کاروباری برادری کی نمایاں شخصیات شریک ہوں گی۔
اسپیکر سندھ اسمبلی کے ہمراہ سیکریٹری صوبائی اسمبلی جی ایم عمر فاروق اور ڈائریکٹر جنرل عرفان احمد میمن بھی موجود تھے۔
ایرانی پارلیمانی وفد میں فدا حسین مالیکی، محمد نور دہانی، رحمدل بامیری، مہرداد گودرزوند چگینی، فضل اللہ رنجبر، ابوالفضل عمویی، واحد جلال زادہ، محمد سعید احدیان، مهدی محمدی اور مهدی مسکینی سمیت دیگر اراکین شامل تھے۔