لاہور: 19 اکتوبر 2025۔
وزیرِ اعظم محمد شہباز شریف سے وزیرِ داخلہ محسن رضا نقوی کی ملاقات
ملاقات میں وزیرِ داخلہ نے وزیرِ اعظم کو ملک میں امن و امان کی صورتحال پر بریفنگ دی.
وزیرِ اعظم کو اسلام آباد میں جاری ترقیاتی منصوبوں پر بھی بریفنگ دی گئی.
==================
وزیر اعظم شہباز شریف کی جاتی امرا آمد، بھائی نواز شریف سے ملاقات
October 19, 2025
وزیر اعظم شہباز شریف اور صدر مسلم لیگ ن اور سابق وزیر اعظم نواز شریف کے درمیان ملاقات جاتی امرا میں ہوئی۔
ذرائع کے مطابق اس موقع پر وزیر اعلیٰ پنجاب مریم نواز بھی موجود تھیں۔
نواز شریف کا کہنا تھا کہ پاکستان ہماری ریڈ لائن ہے، پاکستان کی طرف کسی کو بھی میلی آنکھ سے دیکھنے نہیں دیں گے۔
ملاقات کے دوران دونوں رہنماؤں کے درمیان ملکی اور علاقائی سیاسی صورتحال پر تبادلہ خیال کیا گیا۔
شہباز شریف نے نواز شریف کو پاکستان اور افغانستان کے درمیان ہونے والے مذاکرات کی تفصیلات سے آگاہ کیا۔
یاد رہے کہ پاکستان اور افغانستان کے درمیان جنگ بندی معاہدہ طے پا گیا ہے۔ پاکستان کی سرزمین پر افغانستان سے دہشتگردی کا سلسلہ فی الفور بند ہو گا۔
اس دوران نواز شریف نے کہا کہ پاکستان کی طرف کسی کو بھی میلی آنکھ سے دیکھنے نہیں دے گے، یہ ملک ہماری ریڈ لائن ہے، قوم کے بیٹے اپنی جانوں کی پرواہ کیئے بغیر پاک وطن کی حفاظت کررہے ہیں۔
