پریس ریلیز
صدر این ڈی ایف عابد لاشاری کی نو تعینات ڈپٹی کمشنر شہید بے نظیر آباد سے ملاقات
نوابشاہ: نیشنل ڈس ایبلٹی اینڈ ڈوالپمنٹ فورم (این ڈی ایف) کے صدر عابد لاشاری نے آج نو تعینات ڈپٹی کمشنر شہید بے نظیر آباد، جناب عبدالصمد نظامانی سے ان کے دفتر میں ملاقات کی۔
عابد لاشاری نے نو تعینات ڈپٹی کمشنر کو پھولوں کا گلدستہ پیش کیا۔ ملاقات کے دوران عابد لاشاری نے معذور افراد کے لیے این ڈی ایف کی جاری خدمات سے آگاہ کیا، خاص طور پر این ڈی ایف بحالی مرکز نوابشاہ میں فراہم کی جانے والی مفت بحالی کی سہولیات پر روشنی ڈالی، جو کہ محکمہ برائے بااختیار افراد باہم معذوری، حکومت سندھ کے تعاون سے جاری ہیں۔ انہوں نے پبلک اور پرائیویٹ سیکٹر میں معذور افراد کے لیے مختص %5 ملازمتوں کے کوٹے پر مکمل عمل درآمد کی اہمیت پر زور دیا، اور مطالبہ کیا کہ مختص کوٹہ پر پالیسی کے مطابق عمل کیا جائے۔
ڈپٹی کمشنر عبدالصمد نظامانی نے این ڈی ایف کی قابلِ ستائش کاوشوں کو سراہا اور ضلع بھر میں معذور افراد کی شمولیت اور بااختیاری کے لیے ہر ممکن تعاون کی یقین دہانی کرائی۔
