ناظم آباد ٹاؤن کی جانب سے ماہر القادری پارک میں پاکستان کی فتح پر یومِ تشکر و یومِ فتح کی تقریب کا شاندار انعقاد
ناظم آباد میں تعلیم کے فروغ کے لیے شاندار پروگرام، تین ہزار سے زائد طلبہ میں مفت کورس، اسکول بیگز اور شیلڈز کی تقسیم
علیم ہی وہ زینہ ہے جو قوموں کو ترقی کی طرف لے جاتا ہے: منعم ظفر
پاک فوج کی جرات مندانہ کاروائیوں نے قوم کا سر فخر سے بلند کر دیا:طحہ سلیم
تعلیم ہی وہ شمع ہے جس سے جہالت کے اندھیرے مٹ جاتے ہیں:سید محمد مظفر
مورخہ: 20 مئی 2025
کراچی ( ) ناظم آباد ٹاؤن کی جانب سے ماہر القادری پارک میں پاکستان کی فتح پر یومِ تشکر و یومِ فتح کی تقریب کا شاندار انعقاد کیا گیا، جس میں افواجِ پاکستان کو زبردست خراجِ تحسین پیش کیا گیا۔ چیئرمین ناظم آباد ٹاؤن سید محمد مظفراور وائس چیئرمین محمد نعمان صدیقی کی زیر نگرانی ماہرا لقادری پارک میں ناظم آباد کے تمام اسکولوں کے 3 ہزار سے زائد بچوں میں مفت کتابیں /کورس،اسکول بیگ اور نمایاں پوزیشن حاصل کرنے والے بچوں کی حوصلہ أفزای کے لیے شیلڈز دینے کے سلسلے میں ایک بہت بڑے اور شاندار پروگرام کا اہتمام کیا گیا،جس میں مہمان خصوصی امیر جماعت اسلامی کراچی منعم ظفر، امیر جماعت اسلامی ضلع وسطی وجہیہ الحسن، ڈپٹی کمشنر ضلع وسطی طحہ سلیم،اسسٹنٹ ڈپٹی کمشنر عاصم عباسی، اسسٹنٹ کمشنر محترمہ شائستہ جبیں،میونسپل کمشنر ناظم آباد اطہرسعید خان، ناظم آباد ٹاؤن کے تمام محکمو ں کے سربراہ و ملازمین، عوام کی بہت کثیر تعداد اور خوصوصی میڈیا نمائندگان نے شرکت کی۔امیر جماعت اسلامی کراچی منعم ظفر نے پروگرام کا افتتاح کرتے ہوئے کہاتعلیم ہی وہ زینہ ہے جو قوموں کو ترقی کی طرف لے جاتا ہے۔ ہمیں بچوں کو تعلیم کے ساتھ ساتھ رضاکارانہ جذبہ، اسکاوٹنگ اور ہنگامی حالات سے نمٹنے کی تربیت بھی دینی ہوگی۔ انہوں نے مزید کہا کہ پاک فوج نے جس جرات مندی سے دشمن کے ناپاک عزائم کو خاک میں ملایا، وہ ہمارے بچوں کے لیے مشعل راہ ہے۔ڈپٹی کمشنر ضلع وسطی طحہ سلیم نے کہا کہ چیئرمین ناظم آباد سید محمد مظفر کی تعلیم دوست پالیسیوں کی جتنی تعریف کی جائے کم ہے۔ ناظم آباد کے اسکول دیگر علاقوں کے لیے ایک عملی مثال بن چکے ہیں۔ تقریب کے دوران اسکول کے طلبہ نے رنگا رنگ ٹیبلو اور ملی نغمات پیش کر کے ماحول کو خوشگوار اور جذبہ حب الوطنی سے بھرپور بنا دیا، جسے حاضرین نے بے حد سراہا ایجوکیشن ناظم آباد کی جانب سے گیسٹ آف آنر کی شیلڈز تمام معزز مہمانانِ گرامی کو پیش کی گئیں۔چیئرمین ناظم آباد ٹاؤن سید محمد مظفر نے اس موقع پر ناظم آباد کے اسکولوں کے بچوں کو نمایاں کامیابی حاصل کرنے والے طلبہ اور طالبات کو شیلڈز سے نوازا، تمام اسکولوں کو سنگل شفٹ (صبح) میں منتقل کر دیا گیاتمام بچوں کا یونیفارم یکساں کر دیا گیاتمام اسکولوں کو انگلش میڈیم میں تبدیل کیا جا رہا ہے تمام اساتذہ کو ایریئرز اور ٹائم اسکیل دینے کا اعلان بھی کیا۔ وائس چیئرمین ناظم آباد ٹاؤن محمد نعمان صدیقی نے تمام مہمانانِ گرامی، محکمہ تعلیم کے عملے، ٹاؤن کے محکموں اور عملے کی انتھک محنت کو سراہتے ہوئے کہا کہ آج کا یہ نظم و ضبط اور شاندار پروگرام، اجتماعی کوششوں کا نتیجہ ہے پروگرام کے دوران تمام طلبہ اساتذہ اور حاضرین نے فلسطینی بچوں سے اظہار یکجہتی کے لیے ایک منٹ کی خاموشی اختیار کی تقریب کا اختتام شاندار آتش بازی سے ہواجو حاضرین کے لیے یادگار لمحہ ثابت ہوئی۔
فہیم مصطفی
ڈائریکٹر انفارمیشن
ناظم آباد ٹاون
