کمشنر کراچی سید حسن نقوی کی ہدایت پر بڑی کاروائی
سرشاہ سلیمان روڈ سے ضلع ایسٹ میں تجاوزات کا خاتمہ کیا گیا۔ کمشنر کراچی
شاہراہ فیصل سے لیاری ندی تک تمام تجاوزات ہٹادی گئی ۔ کمشنر کراچی
عیسی نگری کےکے قریب بکرا پیری کو بھی ہٹا دیا گیا ہے ۔ سید حسن نقوی
تجاوزات کا خاتمہ اور کوئی بھی غیر قانونی مویشی منڈی نہیں لگے گی۔ سید حسن نقوی
شہر میں مختلف مافیاز ہیں جنکا ہر حال میں جڑ سے خاتمہ ہوگا۔ سید حسن نقوی
===================
ٹرانسپورٹر زکے مسائل حل کرنا چاہتا ہوں ٹرانسپورٹرز بھی قوانین کی مکمل پاسداری کریں۔ یوم تشکر اور حلف برداری سے کمشنر
کر اچی سید حسن نقوی کا خطاب
کراچی(۔ )کمشنر کراچی سید حسن نقوی نے کہا ہے کہ میری دلی خواہش ہے کہ میں ٹرانسپورٹ کے شعبے کے تمام جائز مسائل حل کروں کیونکہ ٹرانسپورٹ کا شعبہ ملک کی معیشیت کے لئے اہم کر دار ادا کر رہا ہے ان خیالات کا اظہار انہوں نے مقامی ہوٹل میں گڈز ٹرانسپورٹرز ایسوسی ایشن کے زیر اہتمام یوم تشکر اور ایسوسی ایشن کی حلف برداری کی تقریب سے خطاب کرتے ہوئے کیا کمشنر کراچی نے کہا کہ آج ہم یوم تشکر کی اس باوقار تقریب میں اللہ تعالی اور افواج پاکستان سے اظہار تشکر کرتے ہیں کہ انھوں نے حالیہ پاک بھارت جنگ میں پاکستان کو کامیابی سے ہمکنار کیا کمشنر کراچی نے کہا کہ جس طرح افواج پاکستان نے سرحدوں پر بھارت کو شکست فاش دی وہاں پوری قوم اور خصوصاً ٹرانسپورٹ برادری نے عظیم کردار ادا کیا کمشنر کراچی نے اس موقع پر ٹرانسپورٹ برادری کو ہدایت دی کہ وہ دفعہ 144 کی پابندی کریں اور اپنے ڈ مپر ٹرالر اور ٹینکروں میں آ ئی ٹی سم اور ٹریکرکو جلد از جلد لگائیں انہوں نے کہا کہ ماری پور ٹرک اسٹینڈ کو شہر سے باہر شفٹ کیا جا رہا ہے جبکہ کراچی پورٹ ٹرسٹ کے اور کراچی بندرگاہ پر موجود مسائل کو حل کرنے کے لئے میں اور سندھ حکومت بھر پور کوشش کر رہی ہے جس کے نتائج جلد آپ کے سامنے آجائینگے قبل ازین ایسوسی ایشن کے صدر طارق گجر نے کمشنر کر اچی کے گوش گزار ٹرانسپورٹ برادری کے مسائل پیش کئے تقریب سے حاجی محمد یوسف خان اور حماس خان لودھی نے بھی خطاب کیا تقریب میں غلام یاسین نیازی ،ملک شیر اعوان، نثار جعفری اور ٹرانسپورٹ سے متعلق متعدد شخصیات نے شرکت کی اس موقع پر طارق گجر نے کمشنر کر اچی سید حسن نقوی کو خوبصورت سوونئیر پیش کیا۔کمشنر کراچی سید حسن نقوی نے اس موقع پر ٹرانسپورٹ برادری کی نمایاں شخصیات کوٹرانسپورٹ ایسوسی ایشن کی جانب سے ان کی خدمات پر حسن کارکردگی ایوارڈ دیئے ۔
