کراچی( اسٹاف رپورٹر )
ڈیفنس میں بنگلے میں تعینات سیکورٹی گارڈ نے خود کو گولی مار کر خودکشی کر لی۔تفصیلات کے مطابق درخشاں تھانے کی حدود ڈیفنس فیز 6،26 اسٹریٹ پر واقع بنگلہ نمبر 50 سے ایک شخص کی گولی لگی لاش جناح اسپتال لائی گئی جہاں اسکی شناخت 24 سالہ ابراہیم ولد عبد الوحید کے نام سے ہوئی۔پولیس کے مطابق متوفی نجی سیکورٹی کمپنی کا گارڈ اور مذکورہ بنگلے پر تعینات تھا۔پولیس نے بتایا کہ متوفی اپنے گھر والوں سے کافی عرصے سے شادی کے لیے ضد کر رہا تھا ،منگل کو اس نے گھر والوں کو فون ملایا اور ان سے بات کرتے ہوئے اپنے پاس موجود رائفل سے گارڈ روم میں خود کو گولی مار کر خودکشی کر لی۔پولیس کے مطابق کرائم سین یونٹ کو طلب کر کے جائے وقوعہ سے شواہد اکٹھے کر لیے گئے ہیں۔متوفی کا آبائی تعلق لاڑکانہ سے تھا۔
۔۔۔۔۔۔۔۔۔۔۔۔۔۔۔۔
کراچی ( اسٹاف رپورٹر )
ابراہیم حیدری کے علاقے علی اکبر شاہ گوٹھ میں گھر کے اندر فائرنگ کے واقعے میں ایک شخص ہلاک ہوگیا،خون میں لت پت لاش اسپتال منتقل کی گئی ،ہلاک ہونے والا شخص اپنے ہی پستول سے حادثاتی طور پر گولی چلنے سے جان سے گیا،پستول بھی پولیس نے تحویل میں کرلی۔ تفصیلات کے مطابق ابراہیم حیدری تھانے کی حدودکورنگی سو کوارٹر علی اکبر شاہ گوٹھ گلی نمبر 18 گھر سے پیر اورمنگل کی شب ایک شخص کی خون میں لت پت لاش ملی ، اطلاع ملنے پر پولیس موقع پر پہنچ گئی اور جائے وقوعہ سے شواہد اکھٹے کرنے کے بعد لاش کارروائی کے لیے جناح اسپتال منتقل کی گئی،پولیس کے مطابق مقتول کی شناخت 40 سالہ محمد یونس ولد عبدالشکور کے نام سے کی گئی ، پولیس کی ابتدائی تحقیقات کے مطابق واقعہ اپنے ہی پستول سے اتفاقیہ طور پر گولی چلنے سے پیش آیا ، واقعے کے وقت گھر والے گئے ہوئے تھے ، واقعے کے وقت جاں بحق ہونے والا شخص گھر میں اکیلا تھا ، گھر والے جب واپس آئے تو خون میں لت پت لاش دیکھ کر شور مچایا ، علاقہ مکین جمع ہوگئے اور پولیس کو اطلاع دی ، پولیس کو لاش کے پاس سے جاں بحق ہونے والے شخص کی پستول بھی مل گئی۔ok
۔۔۔۔۔۔۔۔۔۔۔۔۔
کراچی( اسٹاف رپورٹر )
اورنگی ٹاو¿ن ڈسکو موڑ پر گذشتہ روز جوس سینٹر میں فائرنگ سے شہری کے جاں بحق اور ڈاکو کی ہلاکت کے واقعہ کا مقدمہ درج کر لیا گیا،جبکہ ہلاک ڈاکوعادی جرائم پیشہ نکلاجس کا آبائی تعلق کے پی کے سے تھا۔تفصیلات کے مطابق اورنگی ٹاو¿ن ڈسکو موڑ پر گذشتہ روز جوس سینٹر میں فائرنگ سے شہری کے جاں بحق اور ڈاکو کی ہلاکت کے واقعہ کا مقدمہ الزام نمبر 255/25 جوس سینٹر کے مالک فردوس اسلم خان کی مدعیت میں پاکستان بازار تھانے میں درج کیا گیا ہے۔مقدمہ میں قتل ،ڈکیتی سمیت دیگر سنگین دفعات شامل کی گئی ہیں۔واضح رہے کہ گزشتہ روز اورنگی ٹاو¿ن ڈسکو موڑ پر واقع جوس کی دکان میں ڈاکوو¿ں کی فائرنگ سے 20 سالہ نوجوان عابد ولد محمد ارشاد جاں بحق اور مدعی فردوس خان کی فائرنگ سے ایک ڈاکو فرمان علی مارا گیا تھا۔جبکہ پولیس حکام کہنا ہے کہ واقعے میں ہلاک ہونے والا ڈاکو عادی جرائم پیشہ تھا، اور اس سے قبل بھی سنگین نوعیت کے 13 سے زائد مقدمات میں گرفتار ہوکر جیل جاچکا تھا۔ہیڈ محرر گل ولی کے مطابق ہلاک ملزم کی لاش ضابطے کی کارروائی کے بعد ورثاءنے ایدھی سردخانے سے وصول کرلی ہے ،جو منگھو پیر پختون آباد کا رہائشی اور اس کا آبائی تعلق خیبر پختونخواہ سے تھا۔ok
۔۔۔۔۔۔۔۔۔۔۔۔۔۔۔
کراچی( اسٹاف رپورٹر )
بلال کالونی پولیس نے دوران ڈکیتی شہریوں پر فائرنگ کر کے قتل و زخمی کرنے والے دو ملزمان کو گرفتار کر لیا۔ملزمان میں حمزہ عرف بندر اور نعمان عرف کالا شامل ہیں۔ملزمان کے قبضے سے وارداتوں میں استعمال ہونے والا اسلحہ اور موٹر سائیکل برآمد ہوئی۔پولیس نے بتایا کہ گرفتار ملزم حمزہ عرف بندر قتل کے مفرور ملزم کا ساتھی ہے۔23 اپریل کو گلشن بہار سیکٹر 16 تھانہ پاکستان بازار کی حدود میں دوران ڈکیتی 14 سالہ حافظ محمد حسین علی کو گولیاں مار کر قتل کیا گیا تھا۔دوران ڈکیتی مزاحمت پر موقع پر موجود شہری سید شہنشاہ کی فائرنگ سے مرکزی ملزم جمشید عرف فیاض ہلاک ہوا تھا۔ہلاک ملزم جمشید ڈسٹرکٹ سینٹرل بلال کالونی پولیس کے ہاتھوں ساتھیوں سمیت گرفتار ہو چکا تھا۔پولیس کے مطابق گرفتار ملزم حمزہ عرف بندر ہلاک ملزم جمشید کا دست راز جبکہ اسٹریٹ کرائم اور لوٹٹ مار کی درجنوں وارداتوں میں ملوث ہے۔پولیس نے بتایا کہ دوران ڈکیتی قتل کی سی سی ٹی وی فوٹیج حاصل کر لی گئی ہے۔ملزمان کا گروہ ڈسٹرکٹ سینٹرل اور ڈسٹرکٹ ویسٹ کے علاقوں میں موٹر سائیکل چھیننے کی متعدد وارداتوں میں بھی ملوث ہے۔ملزمان اس سے قبل بھی اسٹریٹ کرائم، چھینا جھپٹی، پولیس مقابلے کے متعدد کیسوں میں جیل کاٹ چکے ہیں۔ملزمان کے خلاف مقدمات درج کر کے انھیں شعبہ تفتیش کے حوالے کر دیا گیا ہے جبکہ دیگر ساتھیوں کی گرفتاری کے لیے چھاپہ مار کاروائیاں جاری ہیں
۔۔۔۔۔۔۔۔۔۔۔۔۔
کراچی( اسٹاف رپورٹر )
سچل پولیس نے منشیات فروشی میں ملوث 3 رکنی گروہ کو گرفتار کرلیا۔گرفتار ملزمان میں نظر ولد مظہر، سجاد علی ولد محمد عمر اور رب نواز ولد لعل ڈنو شامل ہیں۔پولیس نے بتایا کہ ملزمان رکشے کے ذریعے کراچی کے مختلف علاقوں میں منشیات فروخت کرتے تھے۔پولیس نے خفیہ اطلاع پر اسکیم 33 کے قریب کارروائی کرکے تینوں ملزمان کو گرفتار کیا۔ملزمان کے قبضے سے اعلیٰ کوالٹی کی آئس اور فروختگی کی رقم برآمد کی گئی۔ملزمان کے زیر استعمال رکشے کو ضابطے کے تحت قبضہ پولیس میں لے لیا گیا ہے۔ملزمان کے خلاف کنٹرول آف نارکوٹکس سبسٹینس ایکٹ کے تحت مقدمہ درج کر کے مزید تفتیش کا آغاز کردیا گیا ہے۔
۔۔۔۔۔۔۔۔۔۔۔۔۔۔۔
کراچی ( اسٹاف رپورٹر )
کلفٹن پولیس نے پوش علاقوں کے تعلیمی اداروں میں منشیات سپلائی کرنے والے ملزم کو گرفتار کر لیا۔گرفتار ملزم سجاد عرف کاشف ولد شیراز خان کے قبضے سے 54 گرام آئس (منشیات) برآمد ہوئی۔پولیس کے مطابق ملزم سجاد عرف کاشف ولد شیراز خان کا نام اسپیشل برانچ کی جاری کردہ فہرست میں فعال منشیات فروشوں میں شامل ہے جس میں اس کا اندراج سیریل نمبر 4 پر ہے۔ ملزم کے خلاف مقدمہ نمبر 275/2025، جرم دفعہ 9(2)3 کے تحت درج کر لیا گیا ہے۔
۔۔۔۔۔۔۔۔۔۔۔۔۔۔
کراچی ( اسٹاف رپورٹر )
ضلع ویسٹ میں گذشتہ روز ڈاکوو¿ں کی فائرنگ سے شہید کانسٹیبل محمد فاروق کی نماز جنازہ پولیس ہیڈ کوارٹر گارڈن جنوبی میں ادا کردی گئی۔کانسٹیبل محمد فاروق کنیز فاطمہ سوسائٹی سرجانی ٹاو¿ن تھانہ کی حدود میں پولیس مقابلے کے دوران شہید ہوئے۔ نماز جنازہ میں آئی جی سندھ غلام نبی میمن، ایڈیشنل آئی جی کراچی،ڈی آئی جیز، ویسٹ،ٹریفک، اور ایس ایس پی ویسٹ،کورنگی،کیماڑی، سٹی،کے علاوہ دیگرپولیس افسران و جوان اور شہید کانسٹیبل کے ورثائ ،دوست احباب دیگر رشتداران و اہلیان علاقہ نے شرکت کی۔آئی جی سندھ نے بعد نماز جنازہ شہید کے ورثائ سے تعزیت و اظہار یکجہتی کی اور شہید کے درجات بلندی کی دعا اور فاتحہ خوانی کی۔آئی جی سندھ نے کہا کہ سندھ پولیس اپنے شہدائ کے ورثائ کیساتھ تھی اور رہے گی۔آپ کسی بھی لمحہ خود کو تنہا نہ سمجھیں ،محکمہ پولیس سندھ آپکو درپیش ممکنہ مسائل و مشکلات کے لیئے ہمہ وقت آپکے ساتھ ہے۔غلام نبی میمن نے کہا کہ شہیدکی قتل میں ملوث ملزمان کو جلد کیفر کردار تک پہنچایا جائے گا
۔۔۔۔۔۔۔۔۔۔۔۔۔۔۔
کراچی ( اسٹاف رپورٹر )
ایڈیشنل آئی جی کراچی جاوید عالم اوڈھو سے چئیرمین(FOAP) رانا عاصم شکور کی قیادت میں سات رکنی وفد نے کراچی پولیس آفس میں ملاقات کی۔وفد میں ظہور اقبال اعوان، مرتضیٰ احمد علی اور کرنل گلستان بھی ہمراہ تھے۔اجلاس میں زونل ڈی آئی جیز ، ضلعی ایس ایس پیز و ایس ایس پیز انویسٹی گیشن بھی موجود تھے۔پولیس چیف سے ملاقات میں وفد نے مسرت کا اظہار کیا اور شہر میں موجود مرکزی شاہراوں اور ہائی ویز پر سیکیورٹی کے حوالے سے کیئے جانے والے اقدامات کو سراہا۔وفد نے پولیس چیف سے ملاقات کے دوران شہر میں جرائم و دیگر امور کے حوالے سے تفصیلی بات چیت کی اور درپیش مسائل سے اگاہ کیا جنھیں پولیس چیف نے ترجیحی بنیادوں پر حل کرانے کی یقین دہانی کرائی اور متعلقہ افسران کو ہدایت جاری کیں۔ لملاقات کے اختتام پر وفد نے پولیس چیف کا شکریہ ادا کیا نیک خواہشات کا اظہار کیا۔ok
۔۔۔۔۔۔۔۔۔۔۔۔۔۔۔۔
کراچی ( اسٹاف رپورٹر )
ضلع کورنگی پولیس نے قتل کے تین واقعات میں ملوث دو کم عمر بھائیوں سمیت 6 ملزمان کو گرفتار کرنے کا دعویٰ کیا ہے۔ایس ایس پی کورنگی طارق نواز نے منگل کو پریس کانفرنس کرتے ہوئے بتایا کہ 17 مارچ کو تھانہ کورنگی کی حدود میں فرحان نامی شہری سے 25 لاکھ روپے کی ڈکیتی کی گئی تھی اور دوران ڈکیتی سیکورٹی گارڈ امیر حسین کو ڈاکوو¿ں نے فائرنگ کر کے قتل کر دیا تھا۔پولیس نے گزشتہ شب کورنگی ضیائ کالونی میں کارروائی کرتے ہوئے مقابلے کے بعد ایک ملزم ممتاز کو ہلاک جبکہ دو ملزمان ساجد اور شبیر کو گرفتار کر کے ان کے قبضے سے دو پستول ،125 موٹر سائیکل اور تین موبائل فون برآمد کر لیے،انہوں نے بتایا کہ سیکورٹی گارڈ پر فائرنگ ہلاک ملزم ممتاز نے کی تھی۔ملزم شبیر کا سابقہ کرمنل ریکارڈ بھی موجود ہے۔ایس ایس پی کورنگی نے بتایا کہ تھانہ کورنگی کی حدود میں 9 مئی کو کپڑے کی فیکٹری کے مالک خالد حسین کو قتل کیا گیا تھا اور اس کی لاش فیکٹری کے واش روم میں چھپا دی گئی تھی۔واقعہ کے بعد ٹیکنیکل ٹیمیں تشکیل دی گئیں جنہوں نے دو ملزمان سید عاصم حسین عرف عظیم اور محمد علی کو گرفتار کر کے ان کے قبضے سے فیکٹری سے چوری کیا گیا کپڑا برآمد کر لیا۔انہوں نے بتایا کہ 2 مئی کو زمان ٹاو¿ن تھانے کی حدود میں دوران ڈکیتی ملزمان کی فائرنگ سے ثاقب نامی شہری قتل ہوا تھا ،اس واقعہ میں ملوث دو ملزمان محمد اسامہ اور محمد کریم کو گرفتار کر کے ملزمان کے قبضے سے دو پستول ، 10 موبائل فون اور موٹر سائیکل برآمد کی گئی ہے،دونوں ملزمان کم عمر اور سگے بھائی ہیں۔ان کا کہنا تھا کہ ضلع کورنگی پولیس ہر ممکن کوشش کررہی ہے عوام کو تحفظ فراہم کیا جائے۔انہوں نے بتایا کہ ضلع کورنگی میں رواں برس اب تک 10 افراد ڈکیتی مزاحمت پر قتل ہوئے ہیں۔انہوں نے بتایا کہ زمان ٹاو¿ن پولیس کے ہاتھوں گرفتار ملزم کمسن اور سگے بھائی ہیں۔دونوں بھائی سات آٹھ سال سے وارداتیں کررہے تھے اور کم عمر ہونے کی وجہ سے گرفتار نہیں ہوئے تھے۔ایس ایس پی کورنگی نے ضلع کورنگی میں پانچ روز کے دوران معصوم بچے سمیت تین افراد کی ہلاکت پر پوچھے گئے سوال پر بتایا کہ حالیہ ہونے والے واقعات تھانہ لانڈھی اور کورنگی کی حدود میں ہوئے ہیں جس پر کام کیا جارہا ہے اور پولیس جلد ان واقعات میں ملوث ملزمان کو گرفتار کر لے گی۔
۔۔۔۔۔۔۔۔۔۔۔۔۔۔۔۔
کراچی( اسٹاف رپورٹر )
پاکستان رینجرز (سندھ)اور پولیس نے انٹیلی جنس معلومات کی بنیاد پر مشترکہ کارروائی کرتے ہوئے لیاری سے کالعدم بلوچ ملیٹنٹ آگنائزیشن سے تعلق رکھنے والے ملزم درویش عرف ساگر کو گرفتار کر لیا۔ ملزم کے قبضے سے اسلحہ و ایمونیشن اور دستی بم بھی بر آمد کر لیا گیا۔ ابتدائی تفتیش کے مطابق ملزم درویش عرف ساگر، محلہ سرگواد لیاری کراچی کا رہائشی ہے۔ ملزم 2015 میں بی ایس او آزاد میں شامل ہوا اور 2018 میں ملزم کالعدم بی ایل اے کے کارندے فاروق بلوچ کے گروپ میں شامل ہوا۔ ملزم نے اپنے دیگر ساتھیوں فاروق بلوچ اور مجید عرف بابا کے ساتھ ملکرکالعدم بی ایل اے اور بی ایل ایف کے کارندوں کی سہولت کاری میں ملوث رہا ہے۔دوران تفتیش ملزم نے اعتراف کیا ہے کہ وہ بلوچ مسنگ پر سنز کی سرگرم رکن حیام بلوچ کا فرنٹ مین تھا اور حیام بلوچ کے ساتھ ملکر خود کش خاتون ماہل بلوچ کی ذہن ساز ی اور سہولت کاری کرنے میں بھی ملوث رہا۔ گرفتار ملزم بلوچ عسکریت پسندتنظیموں کا علاج معالجہ کروانے اور محفوظ پناہ گاہیں مہیا کرنے میں بھی ملوث رہا ہے۔ ملزم نے مزید انکشاف کیا کہ اس کے قریبی ساتھی فاروق بلوچ، مجید عرف بابا، فراز عرف گنج، ناصر ذکری، شہزاد ذکری اور بلوچ عسکریت پسند تنظیموں کے دہشت گردوں کے ساتھ مل کر بلوچستان اور کراچی میں سیکیورٹی فورسز پر متعدد دہشت گردی کی کاررائیوں میں ملوث ہیں اور بلوچستا ن میں سرگرم ہیں،جبکہ ملزم کے دو ساتھی پرویز ذکری اور ظفر عرف ماما جعفر ایکسپریس ٹرین حملے میں سیکیورٹی فورسز کے ہاتھوں مقابلے میں ہلاک ہو چکے ہیں۔ ملزم حوالہ ہنڈی کے ذریعے رقم وصول کر کے مختلف بلوچ دہشت گرد تنظیموں کو تقسیم کرنے میں ملوث رہا ہے۔ اس کے علاوہ ملزم سوشل میڈیا پر پاکستان مخالف اور فورسز کے خلاف مہم جوئی میں بھی ملوث رہا ہے۔گرفتارملزم کو بمعہ اسلحہ و ایمونیشن مزید قانونی کاروائی کے لیے پولیس کے حوالے کر دیا گیا ہے۔
۔۔۔۔۔۔۔۔۔۔۔۔۔۔
کراچی( اسٹاف رپورٹر )
مومن آباد پولیس نے چار مطلوب منشیات فروشوں سمیت 5 ملزمان کو گرفتار کر لیا۔پولیس کے مطابق گرفتار چار ملزمان کے نام انتہائی مطلوب منشیات فروشوں کی مختلف فہرستوں میں شامل تھے۔گرفتار ملزمان میں ظہور اللہ عرف ظاہر، شاہ جہان عرف بابا جانی، محمد اختر عرف چنگاری، محمد اسلم عرف سمی بابو اور غلام علی شامل ہیں۔پولیس نے فقیر کالونی اور ایرانی کیمپ میں تحن مختلف کارروائیوں کے دوران ملزمان کو گرفتار کیا۔ملزمان سے 114 گرام کرسٹل (مختلف پڑیاو¿ں میں موجود) اور نقد رقم برآمد ہوئی۔ملزمان کے خلاف کنٹرول آف نارکوٹیکس ایکٹ کے تحت مقدمات کا اندراج کرلیا گیا ہے۔
