بھارت کا حقیقت چھپانے کے لیے جھوٹے بیانیے گڑھنا پرانی عادت ہے، پہلگام واقعے کے چند منٹ بعد بھارت نے پاکستان پر الزام تراشیوں کے انبار لگائے۔جب کہ ایسے شواہد موجود نہیں ،جس سے ثابت ہو کہ پاکستان قصور وار ہے۔

19 مئی 2025

راولپنڈی

بھارت کا حقیقت چھپانے کے لیے جھوٹے بیانیے گڑھنا پرانی عادت ہے، پہلگام واقعے کے چند منٹ بعد بھارت نے پاکستان پر الزام تراشیوں کے انبار لگائے۔جب کہ ایسے شواہد موجود نہیں ،جس سے ثابت ہو کہ پاکستان قصور وار ہے۔

عوام پاکستان پارٹی کے رہنما چوہدری انعام ظفر نے یہ بیان پاک بھارت کی موجودہ کشیدہ صورت حال پر دیا۔انھوں نے کہا کہ لگائے گئے الزامات پر ٹھوس شواہد پیش کرنے کے بجائے شہری آبادیوں پر میزائیل گرانا،مساجد شہید کرنا، ڈرون حملے کرنا ، بچوں اور خواتین کو شہید کرنا،انسانی حقوق و بین الاقوامی قوانین کی خلاف ورزی یے۔جو قابل مذمت ہے۔ چوہدری انعام ظفر نے کہا کہ پاکستانی افواج نے جس جواں مردی اور بہادری سے دشمن کے ناپاک عزائم خاک میں ملائے اس کی مثال نہیں ملتی،ہماری فورسز نے جرات کی نئی تاریخ رقم کردی۔دشمن کو اندازہ ہو چکا ہے کہ ہماری فورسز اپنی سرحدوں کی حفاظت کرنا باخوبی جانتے ہیں ۔انھوں نے کہا کہ عوام پاکستان پارٹی پاک افواج کے ہر بیانیے کو نہ صرف تسلیم کرتی ہے،بلکہ ان کے ہر موقف کے ساتھ کھڑی ہے۔ہماری جماعت عوامی سوچ کی حامل ہے۔پاکستان اور عوام کا دفاع ہماری پارٹی کی اولین ترجیح ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔