پروفیسر ڈاکٹر سید اصغر نقی کنگ ایڈورڈ میڈیکل یونیورسٹی میں رجسٹرار تعینات ۔
حکومت پنجاب نے محکمہ سروسز اینڈ جنرل ایڈمنسٹریشن کی سفارش پر
نوٹیفکیشن نمبر SOEII(S&GAD)PF-317-A/2025 جاری کردیا جس کے مطابق ، پروفیسر ڈاکٹر سید اصغر نقی،جو اس وقت علامہ اقبال میڈیکل کالج لاہور میں پروفیسر آف سرجری (BS-20) کی حیثیت سے خدمات انجام دے رہے تھے، ان کو کنگ ایڈورڈ میڈیکل یونیورسٹی لاہور میں رجسٹرار کے عہدے پر تین سالہ ڈیپوٹیشن کی بنیاد پر تعینات کر دیا گیا ہے۔ ان کی تعیناتی فوری طور پر نافذالعمل ہو گئی ہے۔اسی نوٹیفکیشن کے تحت، پروفیسر ڈاکٹر توصیف فاطمہ، جو کہ پروفیسر آف سرجری (BS-20) کے طور پر تقرری کی منتظر تھیں، کو علامہ اقبال میڈیکل کالج لاہور میں پروفیسر آف سرجری کی حیثیت سے تعینات کر دیا گیا ہے۔ یہ تقرری ڈاکٹر اصغر نقی کی خالی کردہ آسامی پر عمل میں لائی گئی ہے۔
محکمہ صحت کے ذرائع کے مطابق، یہ تبادلے تعلیمی و انتظامی بہتری کے پیش نظر کیے گئے ہیں تاکہ دونوں اداروں میں تدریسی اور انتظامی سرگرمیوں کو مزید مؤثر بنایا جا سکے۔
