تاریخ: 15 مئی 2025
مقام: سہون، این-55 سیکٹر-1
موٹروے پولیس ساؤتھ زون کی بڑی کارروائی، سہون میں بڑی مقدار میں غیر قانونی شراب برآمد
صبح 5:35 بجے کے قریب معمول کی گشت کے دوران پیٹرولنگ افسران نے لال باغ کے قریب ایک مشتبہ گاڑی کو روکا۔ دوران تلاشی، گاڑی سے 22 کارٹن وسکی اور 1 کارٹن بیئر برآمد ہوئے، جن میں کل 576 عدد وسکی کی بوتلیں اور 20عدد بیئر کین شامل تھے۔ برآمد شدہ شراب کی مالیت تقریباً 7 لاکھ روپے بتائی گئی۔
ایک ملزم کو موقع پر ہی گرفتار کر لیا گیا۔ ملزم کے خلاف مزید قانونی کارروائی کے لیے مقامی پولیس کو طلب کر لیا گیا۔ گرفتار ملزم اور برآمد منشیات مزید قانونی کارروائی کے لئے مقامی پولیس کے حوالے کر دیا گیا ۔ سیکٹر کمانڈر سہون SP خالد مخدومی نے بہترین کارکردگی پر افسران کو شاباش دی اور نقد انعام سے نوازا۔
موٹروے پولیس ساؤتھ زون ہائی ویز اور موٹرویز پر غیر قانونی سرگرمیوں کے خاتمے کے لیے پرعزم ہے اور شہریوں کی حفاظت و سلامتی کو یقینی بنانے کے لیے ہمہ وقت چوکس ہے۔
سب انسپکٹر قیصر نیازی
ترجمان، موٹروے پولیس ساؤتھ زون
