کراچی
مور خہ 09مئی 2025
برداشت اور رواداری پر مبنی معاشرے کے قیام کے لئے کوشاں ہیں ۔ راجویر سنگھ سوڈھا
کراچی 09 مئی ۔حکمہ انسانی حقوق حکومت سندھ اور ہمدرد یونیورسٹی کراچی کے اشتراک سے “طلباء کو بااختیار بنانا: UDHR اور بنیادی حقوق کے بارے میں آگاہی” کے عنوان سے ایک آگاہی پروگرام کا انعقاد کیا گیا ۔ اس پروگرام میں طلباء کی کثیر تعداد ، فیکلٹی ممبران ، اور مختلف تعلیمی اور انسانی حقوق کے اداروں سے تعلق رکھنے والے افراد نے شرکت کی ۔ پروگرام کا آغاز اسد اللہ لارک ڈین فیکلٹی آف سوشل سائنسز اینڈ ہیومینٹیز ، ہمدرد یونیورسٹی نے اپنے استقبالیہ سے کیا۔ بعد ازان حکومت سندھ کے محکمہ انسانی حقوق کے ڈائریکٹر آغا فخر حسین نے تقریب سے خطاب کیا ۔ دونوں مقررین نے نوجوانوں کو بااختیار بنانے کی اہمیت پر زور دیا خاص کر نوجوان خواتین کو ان کے بنیادی اور آئینی حقوق کے بارے میں معلومات فراہم کیں۔ انہوں نے آگاہی اور مکالمے کے لئے پلیٹ فارم بنانے میں تعلیمی اداروں اور حکومت کے مابین شراکت کی اہمیت پر زور دیا۔ راجویر سنگھ سوڈھا وزیر اعلی سندھ کے معاون خصوصی برائے انسانی حقوق نے بطور مہمان خصوصی اپنے اختتامی خطاب میں حکومت سندھ کی معاشرے کے کمزور طبقوں کے حقوق کے تحفظ اور فروغ کے لئے جاری کوششوں پر روشنی ڈالی گئی جس میں روادار اور حقوق پر مبنی معاشرے کی تعمیر میں محکمہ انسانی حقوق کے جامع کردار پر زور دیا گیا۔ ہمدرد یونیورسٹی کے وائس چانسلر پروفیسر ڈاکٹر سید شبیب الحسان نے وزیر اعلی ، سندھ کے معاون معاون راجویر سنگھ سوڈھا کے فعال کردار اور خصوصی اقدامات اور پروگرام کے معلوماتی اور دل چسپ ہونے کو سراہا۔ انہوں نے طلباء کی متعلقہ موضوع میں گہری دلچسپی کی بھی تعریف کی اور اسے نوجوانوں کی ترقی میں عوامی شعبے کی شمولیت کی ایک عمدہ مثال قرار دیا۔ اس موقع پر جمیل حسین جونجو (ای سی ٹیک) ، ڈاکٹر منیر موسیٰ (ایس ایم آئی یو) ، اقبال احمد ڈیتھو (چیئرپرسن ایس ایچ آر سی) ، بیرسٹر ردا طاہر ، پروفیسر انجم (آئی کیو آر اے یونیورسٹی) اور دیگر نے بھی تقریب سے خطاب کیا ۔
ہینڈآؤٹ نمبر 526۔۔۔ایم یو
کراچی
مور خہ 09مئی 2025
وزیر توانائی ناصر شاہ کا خصوصی توجہ کے حامل بچوں کے ادارے کا دورہ، تمام سینٹرز کی سولرائیزیشن کا اعلان
وزیراعلیٰ اور ناصر شاہ کی جانب سے آئی ایچ آر آئی سینٹرز کیلئے 21 ملین روپے ڈونیشن کا اعلان
کراچی 09 مئی ۔وزیر توانائی ترقیات و منصوبہ بندی سندھ سید ناصر حسین شاہ نے آج وزیراعلیٰ سندھ کے مشیر برائے پبلک ہیلتھ سلیم بلوچ کے ہمراہ کراچی میں واقع خصوصی توجہ کے حامل بچوں کے مرکز (IHRI) انسٹیٹیٹوٹ آف ہولسٹک ریہبلیٹیشن اینڈ انکوژن کا دورہ کیا۔ اس موقع پر ناصر شاہ نے ادارے کی کارکردگی کو سراہاتے ہوئے وزیراعلیٰ سندھ کی جانب سے 20 ملین اور اپنی جانب سے ایک ملین روپے ڈونیشن کا اعلان کیا۔ صوبائی وزراء نے سینٹر کا تفصیلی دورہ کیا اور وہاں موجود اساتذہ اور بچوں سے بات چیت کی۔ اس موقع پر ان کے ہمراہ آئی ایچ آر آئی کے بانی رزاق پردیسی، پروگرام ہیڈ عافیہ وجاہت ڈائریکتر پی آر آغا شیرازی، برانڈ ایمبیسڈر مظہر رضوی، راجہ محمد اشرف اور عباس دھاریجو بھی موجود تھے۔ وزیر توانائی نے کہا کہ اس طرح کے ادارے اور غیر سرکاری سماجی تنظیمیں عوام کی خدمت کرکے گویا حکومت کا ہاتھ بٹا رہے ہیں۔ ناصر حسین شاہ نے اس موقع پر اعلان کیا کہ 2 ہزار بچوں کو مدد فراہم کرنے والے اس ادارے کے تمام سینٹرز کو بتدریج سولرائیز کیا جائے گا۔ وزیر توانائی نے اس موقع پر کہا کہ وہ عوام کی دن رات خدمت کرنے والے تمام رفاعی و فلاحی اداروں ان کے بانیوں، منتظمین اور رضاکاروں کو خراج تحسین پیش کرتے ہیں۔ انھوں نے کہا کہ چیئرمین بلاول بھتو کے عوامی کدمت اور ریلیف فراہم کرنے کے وژن کے مطابق حکومت ایسے اداروں کی مکمل سرپرستی اور ان سے ہر ممکناً تعاون کیلئے ہر وقت تیار ہے۔
ہینڈآؤٹ نمبر 527۔۔۔ایم ایس ایس
