کچرے کو ری سائیکل کرنے کے دو پلانٹس کا انتظام کون سنبھالے گا ؟ حکومت نے تاجر برادری کو پیشکش کی تھی اب وزیر بلدیات کی سربراہی میں کیا فیصلہ ہوا؟
سندھ سولڈ ویسٹ مینجمنٹ بورڈ کی چوتھی اسٹیرنگ کمیٹی کا اجلاس/ وزیر بلدیات سندھ سعید غنی کی زیر صدارت
وزیر بلدیات سندھ و چیئرمین اسٹیرنگ کمیٹی سندھ سولڈ ویسٹ مینجمنٹ بورڈ سعید غنی کی زیر صدارت چوتھی اسٹیرنگ کمیٹی کا اجلاس منعقد ہوا۔
اجلاس میں ایڈیشنل چیف سیکرٹری لوکل گورنمنٹ سندھ سید خالد حیدر شاہ، کمیشنر کراچی سید حسن نقوی، ایم ڈی سندھ سولڈ ویسٹ مینجمنٹ بورڈ طارق علی نظامانی، مئیر شہید بینظیر آباد قاضی رشید بھٹی، مئیر میرپور خاص عبدالروف غوری، ویڈیو لنک پر مئیر سکھر بیرسٹر ارسلان شیخ، مئیر حیدرآباد کاشف شورو، مئیر لاڑکانہ علی انور نواز، ایڈیشنل سیکریٹری لوکل گورنمنٹ کنول نظام، ڈپٹی سیکرٹری فنانس ڈاکٹر عیسی خان، تمام ڈسٹرکٹ کے ڈپٹی کمیشنرز و دیگر افسران بھی موجود تھے۔
اجلاس میں تیسری اسٹیرنگ کمیٹی کے منٹس کی منظوری دی گئی، البتہ صوبائی وزیر نے ایم ڈی کو ہدایات دی کہ منٹس کی منظوری کے بعد تمام ممبران سے لازمی ان سے دستخط کروائے جائیں۔
اجلاس میں ممبران کی جانب سے اجلاس سے قبل ایجنڈے بروقت نہ ملنے کی شکایات پر بھی صوبائی وزیر نے ہدایات دی کہ ہر مٹینگ سے کم از کم دو دن قبل تمام ممبران کو ایجنڈے کی کاپی فراہم کرکے اس بات کی یقین دہانی کرلی جائے کہ ان کو کاپی پہنچ چکی ہے۔
اجلاس میں سالانہ بجٹ 2024-25 کی منظوری دی گئی۔
بجٹ 2024-25 میں اخراجات کا تخمینہ 39.5 ارب روپے جبکہ گذشتہ سال کے خسارے کو شامل کرکے 43.5 ارب روپے رکھا گیا ہے۔
گذشتہ سال 2023-24 میں بجٹ میں اخراجات کے تخمینہ 28.3 ارب کے مقابلے اخراجات 32.5 ارب روپے ہوا تھا۔
اجلاس میں سندھ سولڈ ویسٹ مینجمنٹ بورڈ کے رولز اینڈ ریگولیش کے لئے رپورٹ کو منطور کرتے ہوئے اسے لا ڈپارٹمنٹ بھیجنے کی منظوری دی گئی۔
اجلاس نے کراچی میں کچرے کو ری سائیکل کرنے کے دو پلانٹ کے انتظامات کو سنبھالنے کے لئے اخبارات کے ذریعے پیشکش طلب کرنے کی منظوری دی گئی۔
اجلاس میں اسٹیرنگ کمیٹی کو بتایا گیا کہ ڈسٹرکٹ ایسٹ کے لئے نئی کمپنی سے معاہدہ کے لئے ٹینڈر پراسیس کیا گیا ہے اور یہ بھی پاکستانی کرنسی میں ہوگا۔
شہید بینظیر آباد اور میرپورخاص کے حوالے سے ایک سب کمیٹی بنانے کی ہدایات دی گئی ہے، جس کی سربراہی ایڈیشنل چیف سیکرٹری لوکل گورنمنٹ سندھ کریں گے جبکہ ارکان میں مئیر میرپور خاص، مئیر شہید بینظیر آباد، ایم ڈی سندھ سولڈ ویسٹ، دونوں اضلاع کے ڈپٹی کمیشنرز اور سولڈ ویسٹ کے ٹیکنیکل ممبران شامل ہوں گے۔ جو وہاں گاربیج ٹرانسفر اسٹیشن اور لینڈ فل سائیڈ کے لئے زمین کی دستیابی سمیت دیگر پر رپورٹ مرتب کرے گی۔
مئیر سکھر بیرسٹر ارسلان شیخ کی جانب سے سندھ سالڈ ویسٹ مینجمنٹ بورڈ کے زیر انتظام کام کرنے والی نجی کمپنیوں کی جانب سے ملازمین کو سندھ حکومت کی جانب سے طے شدہ کم سے کم اجرت کی عدم ادائیگی کے حوالے سے تحفظات پر صوبائی وزیر نے ہدایات دی کہ تمام نجی کمپنیوں کو واضح طور پر احکامات دئیے جائیں کہ وہ اپنے ملازمین کو سندھ حکومت کے تحت مقرر کردہ کم سے کم۔اجرت کی ادائیگی کو ہر صورت یقینی بنائیں۔
اجلاس میں کراچی میں ڈسٹرکٹ سائوتھ اور ڈسٹرکٹ سینٹرل اور سکھر میں مردم شماری سے قبل کے کمپنیوں سے معاہدے کے بعد نئی مردم شماری میں آبادی میں اضافے اور وہاں کچرہ بڑھنے سے متعلقہ کمپنیوں کی جانب سے معاہدے سے زائد کچرہ اٹھانے کے حوالے سے تفصیلی تبادلہ خیال کیا گیا۔
اجلاس نے ہدایات دی کہ اس سلسلے میں ایڈیشنل چیف سیکرٹری لوکل گورنمنٹ سندھ کی سربراہی میں ایک کمیٹی اس تمام معاملات پر تفصیلی رپورٹ مرتب کرکے اس پر فیصلہ کرے۔
اجلاس میں کراچی میں یومیہ 4 ہزار ٹن ملبہ جو سڑکوں پر پھینکا جارہا ہے اس کی اسٹیڈی کرنے اور ان ملبہ کو قابل استعمال بنانے کے حوالے سے بھی اسٹیڈی کرنے کی منظوری دی گئی۔
تمام اضلاع میں سندھ سولڈ ویسٹ اپنے مانیٹرنگ کے نظام کو مزید مستحکم کرے اور عوام کو زیادہ سے زیادہ ریلیف فراہم۔کی جائیں۔ سعید غنی
جاری کردہ: زبیر میمن، میڈیا کنسلٹینٹ وزیر بلدیات سندھ سعید غنی 03333788079
