مرتضٰٰی جتوئی نواب شاہ میں اپنے دیرینہ دوست پولیٹیکل ایڈوائزر کامران ابڑو کی رہائش گاہ پر ورثاء سے تعزیت کر رہے ہیں
پاک فوج نے مودی کی نیندیں حرام کردی ہیں،سابق وفاقی وزیر مرتضٰی جتوئی
نواب شاہ میں اپنے دیرینہ دوست پولیٹیکل ایڈوائزر کامران ابڑو کی رہائش گاہ پر ورثاء سے گفتگو
پیپلز پارٹی سے جان چھڑانا ہے تو پولنگ ڈے پر عوام اپنے ووٹ کی خود حفاظت کریں،ساتھیوں سے ملاقات
نواب شاہ ( بیورورپورٹ ) نیشنل پیپلزپارٹی کےچیئرمین سابق وفاقی وزیر غلام مرتضٰی جتوئی نے کہا کہ بھارت نے پاکستان کے پانچ مقامات پر حملہ کیا جس میں خواتین اور بچے جاں بحق ہوئے، بزدل بھارت کا شہری آبادی کو نشانہ بنانا انتہائی افسوسناک ہے،پاکستان دہشت گردی کے خلاف جنگ میں فرنٹ لائن اسٹیٹ ہے ہم کئی سالوں سے دہشت گردوں سے لڑ رہے ہیں اس جنگ میں پاک فوج کے جوانوں نے 90 ہزار جانیں قربان کیں، جعفر ایکسپریس واقعہ ہوا یا امریکا، کینیڈا اور آسٹریلیا میں سکھوں کا قتل عام کیا اس ساری دہشتگردی میں بھارت خود ملوث ہے،مرتضٰی جتوئی کا کہنا تھا کہ وقت ثابت کرے گا پاکستان کا دفاع ایک مضبوط ہاتھوں میں اور پاکستان ہمیشہ قائم و دائم رہے گا بھارت نے کل بھی شکست کھائی آج بھی منہ کی کھائے گا ، پاک فوج اور قوم کا جذبہ دیکھر کر مودی کی نیندیں حرام ہوچکی وہ سفید جھنڈا لگاکر دم دباکر بھاگ رہا ہے،مرتضٰی جتوئی نے گزشتہ روز 7 مئی بروز بدھ ایسر پورہ نواب شاہ میں اپنے دیرینہ دوست اپنے پولیٹیکل ایڈوائزر اور سینئر صحافی کامران ابڑو کے انتقال پر ان کے بھائی حبیب اللہ ابڑو، بیٹوں کاشف ابڑو،فرقان حیدرابڑو،شاہ زیب ابڑو اور اہل خانہ سے ان کی رہائش گاہ ایسرپورہ لیاقت آباد پہنچ کر تعزیت کا اظہار کیا اس موقع پر میڈیا سے گفتگو میں سابق وفاقی وزیر مرتضٰی جتوئی کا کہنا تھا کہ پاک فضائیہ کے شاہینوں نے بھارت کے تین رافیل سمیت پانچ جنگی طیارے اورسات ڈرون مار گرائے، جوابی کارروائی میں بھارتی فوج کا بریگیڈ ہیڈ کوارٹر اور متعدد چوکیاں تباہ کیں ۔۔ پاکستان کے شیروں کے سامنے بھارت نے گھٹنے ٹیک دیئے اور مودی نے شکست تسلیم کرتے ہوئے چورا کمپلیکس کے مقام پر سفید جھنڈے لہرادیا مگر مودی سن لے ہمارے عزم اور حوصلے فولاد ہیں قوم کو اپنی بہادر فوج پر ہیمشہ ناز ہے اور رہے گا ایک سوال پر مرتضی جتوئی کا کہنا تھا کہ نواب شاہ کسی زمانے میں میرے داد اور والد کا حلقہ رہا ہے یہاں کی عوام سے پرانا رشتہ ہے انہوں نے کہا کہ میری طرح میرے بیٹے جلا وطنی کی زندگی گزار رہے ہیں اگر سندھ کی عوام پیپلز پارٹی سے جان چھڑانا چاہتی ہے تو پولنگ ڈے پر اپنے ووٹ کی خود حفاظت کرنا ہوگی علاوہ ازیں مرتضی جتوئی نے کنب لیما جمالی میں فنکشنل لیگ کے رہنماء فقیر محب جمالی سے ان کے بھائی، تحریک انصاف کے ضلعی صدر عنایت رند سے ان کی ہمشیرہ۔ارسلان قریشی سے ان کے والد مرحوم ستار قریشی کے انتقال پر تعزیت کی جبکہ تاجر رہنماء و سابق این پی پی سٹی نواب شاہ کے صدر رہنماء پیپلزپارٹی عبدالقیوم قریشی سے ان کی خیریت دریافت کی،مرتضی جتوئی کے ہمراہ سابق ایم پی اے ڈاکٹر احمد علی شاہ، شکیل احمد جلبانی،فاروق لودھی،کامریڈ علی جان رند،پرویز چانڈیو،عالم شر، سید باغ علی شاہ، اسد ذاکر آرائیں و دیگر سیاسی شخصیات بھی موجود تھیں
