شہزاد بھٹہ و بیگم شہزاد بھٹہ آج 8 مئی کو پاک فوج سے یکجہتی کے لیے لاھور کی ڈیفنس لائن بی آر بی نہر پر گئے
اور پاکستان کے دفاع کے لیے ھر قسم کی قربانی دینے کا اعادہ کیا
پاکستان زندہ باد
پاک فوج پائندہ باد
========================
سوئی میں پاکستان ہاؤس کی عظیم الشان ریلی، پاک افواج سے بھرپور اظہارِ یکجہتی بھارتی جارحیت کے خلاف شدید مذمت، عوام کا جوش و خروش قابل دید
سوئی , 08 مئی
وزیر اعلیٰ بلوچستان میر سرفراز احمد بگٹی کی خصوصی ہدایت پر پاکستان ہاؤس سوئی کی جانب سے ایک عظیم الشان ریلی کا انعقاد کیا گیا، جس کی قیادت امن فورس کے کمانڈر دل مراد بگٹی اور ٹاؤن چیئرمین سوئی عزت اللہ امان بگٹی نے مشترکہ طور پر کی۔ ریلی کا مقصد حالیہ بھارتی جارحیت کے خلاف آواز بلند کرنا اور مادرِ وطن کی حفاظت پر مامور پاک افواج کی جرات و قربانی کو خراجِ تحسین پیش کرنا تھا۔ شرکاء نے پرجوش انداز میں “پاکستان زندہ باد” اور “پاک فوج پائندہ باد” کے نعرے لگائے، جب کہ بھارتی پرچم اور وزیراعظم نریندر مودی کا پتلا نذرِ آتش کر کے شدید غم و غصے کا اظہار کیا گیا ریلی سے خطاب کرتے ہوئے مقررین نے کہا کہ بھارت کی جانب سے پاکستان کے مختلف علاقوں میں کی گئی جارحیت قابل مذمت ہے، تاہم پاک افواج نے بروقت اور مؤثر جواب دے کر دشمن کو واضح پیغام دیا کہ پاکستانی قوم اور افواج ہر حملے کا منہ توڑ جواب دینے کی صلاحیت رکھتی ہیں سوئی کے عوام کی بڑی تعداد نے ریلی میں شرکت کر کے اتحاد، یکجہتی اور وطن سے والہانہ محبت کا مظاہرہ کیا
=========================
خبرنامہ نمبر4327/2025
کوئٹہ 08 مئی 2025۔ بلوچستان کے سینئر صوبائی وزیر،، پیپلز پارٹی کے سینٹرل کمیٹی کے رکن و پارلیمانی لیڈر اور صوبائی وزیر آبپاشی میر محمد صادق عمرانی نے کہا ہے کہ بھارت نے عالمی اصولوں کے خلاف پاکستان کی سالمیتی اور خود مختاری کو پامال کرتے ہوئے جس طرح سے دراندازی کے ذریعے آج ملک کے مختلف علاقوں میں ڈرونز کے ذریعے جاسوسی کرنے کی ناکام کوشش کی وہ اس بات کا منہ بولتا ثبوت ہے کہ بھارتی حکمران اور ان کے افواج اپنے گزشتہ رات کے حملوں کی ناکامی اور جگ ہنسائی پر بوکھلاہٹ کا شکار ہو گئے ہیں، میر محمد صادق عمرانی نے کہا کہ پاکستان ایک ذمہ دار ملک ہے اور پاکستان کے عوام اور مسلح افواج دہشت گردی کے خلاف جنگ میں گزشتہ دو دہائیوں سے صف اول کا کردار ادا کر رہے ہیں اور یہ جنگیں ہمارے لیے کوئی نئی بات نہیں لہذٰا اب بھی وقت ہے کہ ہندوستان ہوش کے ناخن لے ورنہ, اگر پاکستان نے جنگی اصولوں سے ہٹ کر ہندوستان پر حملہ کیا تو ان کی اگلی نسلیں بھی یاد رکھیں گی، صوبائی وزیر نے کہا کہ مساجد اور نہتے لوگوں میں معصوم بچوں کو جس طرح نشانہ بنایا گیا ہم اپنے ان شہیدوں کا خون رائیگاں نہیں جانے دیں گے اور انشاء اللّٰہ جلد ہی بھارت سے ان بے گناہوں کے خون کا حساب لیا جائے گا، میر صادق عمرانی نے کہا کہ اس جنگی حالت میں پاکستان کے عوام کا جوش و جذبہ اور فوج کے شانہ بشانہ لڑنے کے عزم نے ماضی کی یاد تازہ کی ہے اور انشاء اللّٰہ وہ دن دور نہیں جب بھارت کو سفارتی، جنگی اور دیگر محاذوں پر ہمیشہ کی طرح شکست کا سامنا کرنے پڑے گا۔
