*کوئٹہ: قبائلی اچکزئی ملیزئی قوم کے رہنما کمانڈر حاجی لالو خان نے بھارت کی جانب سے پاکستان پر کئے گئے بزدلانہ حملے کی شدید الفاظ میں مذمت کرتے ہوئے کہا کہ بھارت کا یہ حملہ نہ صرف عالمی قوانین کی خلاف ورزی ہے بلکہ یہ خطے کے امن کو سبوتاژ کرنے کی ایک گھناؤنی سازش ہے۔ پاکستان ایک پرامن ملک ہے لیکن ہم اپنے دفاع کی مکمل صلاحیت رکھتے ہیں۔ اگر دشمن نے دوبارہ ایسی کسی حرکت کی جرآت کی تو اسے منہ توڑ جواب دیا جائے گا۔ پوری قوم اپنی افواج کے ساتھ چٹان کی طرح کھڑی ہے اور ہم کسی بھی جارحیت کا بھرپور جواب دینے کے لیے تیار ہیں۔•کمانڈر حاجی لالو خان نے اقوام متحدہ اور عالمی برادری سے بھی مطالبہ کیا کہ وہ اس بزدلانہ حملے کا نوٹس لیے اور بھارت کو باز رکھنے کے لیے مؤثر اقدامات اٹھائے
