
پریس ریلیز
اعلیٰ ثانوی تعلیمی بورڈ کراچی کے تحت انٹرمیڈیٹ کے سالانہ امتحانات برائے 2025ء کے چوتھے روز صبح کی شفٹ میں سائنس پری انجینئرنگ اور پری میڈیکل گروپس کا کیمسٹری پرچہ دوم، ہوم اکنامکس کا ہوم مینجمنٹ جبکہ شام کی شفٹ میں سائنس جنرل کا کمپیوٹر سائنس پرچہ دوم لیا گیا۔ چیئرمین اعلیٰ ثانوی تعلیمی بورڈ کراچی غلام حسین سوہو نے کہا کہ امتحانی مراکز کے سینٹرسپرنٹنڈنٹس نے طلبہ کی سہولت اور امتحانات کے شفاف انعقادکے لئے بہترین انتظامات کیے اس کیلئے وہ مبارکباد کے مستحق ہیں۔ علاوہ ازیں ناظم امتحانات زرینہ راشد نے سپلا کے مرکزی صدر منور عباس، صدر کراچی ریجن پروفیسر رسول قاضی و دیگر ارکان پروفیسر عبدالرشید ٹالانی، پروفیسر مقبول احمد میمن اور پروفیسر محمد عدیل خواجہ کے ہمراہ سراج الدولہ گورنمنٹ کالج نمبر ون ایف سی ایریا کا دورہ کیا جہاں پرامن ماحول میں امتحانی عمل جاری تھا۔























