پریس ریلیز
ڈاکٹر عشرت العباد خان
سابق گورنر سندھ و بانی “میری پہچان پاکستان”
بھارت کے بزدلانہ میزائل حملوں کے اس نازک لمحے پر، میں اپنی جری اور بہادر مسلح افواج کے شانہ بشانہ کھڑا ہوں۔ ہماری افواج دشمن کے مقابل ایک آہنی دیوار کی مانند سینہ سپر ہیں، اور پوری قوم ان کے ہر فیصلے اور ہر قدم پر بھرپور اعتماد کے ساتھ متحد ہے۔
یہ محض ایک جنگ نہیں، بلکہ ہمارے ایمان، غیرت اور وطن سے بے پناہ محبت کا حقیقی امتحان ہے۔ میں “میری پہچان پاکستان” کے چاہنے والوں سے پُرزور اپیل کرتا ہوں کہ یکجہتی اور ثابت قدمی کا عزم مضبوط رکھیں اور اپنے جوانوں کا حوصلہ بڑھائیں۔ یاد رکھیں، جب ایک قوم متحد ہو، دنیا کی کوئی طاقت اس کے عزم کو متزلزل نہیں کرسکتی۔
ہم سب ایک آواز اور ایک جذبے کے ساتھ تیار ہیں اور اپنے پیارے وطن کے دفاع کے لیے ہر قربانی دینے کو تیار ہیں۔
پاکستان ہمیشہ زندہ باد!
میری پہچان پاکستان (ایم پی پی) کا اہم اجلاس۔ ایک ایک کارکن پاکستانی فوج کے شانہ بشانہ ہے۔اپنی شہادت کو ترجیح دیں گے۔ افواج پاکستان نے قوم کا سر بلند کردیا۔
بھارت کی جارحیت کا منہ توڑ جواب دے کر ملک کاوقار بلند کیا۔ بہاولپور سمیت چھ حملوں اور مساجد کو نشانہ بنانے کے عمل نے انتہا پسندانہ سوچ بھی واضع کردی۔ تمام حملوں میں شہید پاکستانیوں کو سلام تحسین پیش کرتے ہیں۔ بھارت دہشت گرد ثابت ہوگیا
5طیاروں اور ڈرون سمیت جنگی طیاروں کو مار گرا کر اپنی فوجی برتری ثابت کردی۔ پاکستانی افواج نے بھارتی حدود میں داخل ہوئے بغیر سبق دیا۔ مرکزی کیٹی ایم پی پی
کراچی (ایم پی پی میڈیا سیل) ایم پی پی (میری پہچان پاکستان) کی مرکزی کمیٹی کا اہم اجلاس منعقد ہوا۔ جس میں بھارتی حملوں کی شدید مذمت کی گئی۔پاکستانی افواج کے منہ توڑ جواب کا خیر مقدم کیا گیا۔ نہال صدیقی کی سربراہی میں منعقدہ اجلاس میں کہا گیا کہ ایک ایک کارکن پاکستانی فوج کے شانہ بشانہ ہے۔اپنی شہادت کو ترجیح دیں گے۔ افواج پاکستان نے قوم کا سر بلند کردیا۔ بھارت کی جارحیت کا منہ توڑ جواب دے کر ملک کاوقار بلند کیا۔ بہاولپور سمیت چھ حملوں اور مساجد کو نشانہ بنانے کے عمل نے انتہا پسندانہ سوچ بھی واضع کردی۔ شہید پاکستانیوں کو سلام تحسین پیش کرتے ہیں۔ بھارت دہشت گرد ثابت ہوگیا۔ مظفر آباد، سیالکوٹ اور دیگر علاقوں میں بھارتی حملوں نے ثابت کردیا کہ بھارت رات کے اندھیروں میں پاکستان کی سول آبادی پر حملہ کرکے انسانی حقوق کی خلاف ورزی کے ساتھ ساتھ انتہا پسند اور فاشسٹ ملک ثابت ہوگیا ہے۔ پاکستان نے اپنے دفاع میں بھارت کی چولیں ہلا دیں۔ لائن آف کنٹرول پر بھارت کا سفید پرچم لہرانا شکست تسلیم کرنا ہے۔ بھارت جان لے کہ افواج پاکستان کے ساتھ ساتھ پوری قوم شہادت کے لئے تیار ہے وہ اپنے ملک کی حفاظت کرنا جانتے ہیں۔ مساجد کو نشانہ بنا کر ہندو توا نظریات اور بھارتی قصائی ہونے کا مودی نے ثبوت دے دیا۔ ہم جزبہ ایمانی کے ساتھ اللہ اکبر کے نعرے کے ساتھ اپنی فوج کے شانہ بشانہ ہیں۔ پاکستان ناقابل شکست ہے۔ بھارت کو بڑا نقصان دے کر پاکستان نے اپنی برتری ثابت کردی۔ تمام کارکنان، ہمدرد اپنے سربراہ ڈاکٹر عشرت العباد خان کے ہمراہ ہمہ وقت تیار ہیں۔پاکستان زندہ باد۔۔۔پاک فوج پائندہ باد کے نعروں کے ساتھ پر جوش انداز میں اجلاس میں پاکستان کی افواج کے ساتھ یکجہتی کا اظہار کیا گیا۔ اجلاس میں شہیدوں کو خراج عقیدت اور فاتحہ خوانی کی گئی۔زخمیوں کے لئے دعائے صحت کی گئی۔ آرمی چیف اور چاروں مسلح افواج کے سربراہان، سیکورٹی فورسز کو زبردست خراج تحسین پیش کیا گیا۔
