جنگیں کبھی بھی کسی مسئلہ کا حل تھیں نہ ہیں اور نہ ہوں گی۔ مگر پاکستان پر کوئی جنگ مسلط کی گئی تو ہر سطح پر اُس کا دندان شکن جواب دیا جائے گا اور اس نازک وقت میں پاکستان میڈیکل ایسوسی ایشن پاکستان کی مسلح افواج کے ساتھ شانہ بشانہ کھڑی ہے۔

جنگیں کبھی بھی کسی مسئلہ کا حل تھیں نہ ہیں اور نہ ہوں گی۔ مگر پاکستان پر کوئی جنگ مسلط کی گئی تو ہر سطح پر اُس کا دندان شکن جواب دیا جائے گا اور اس نازک وقت میں پاکستان میڈیکل ایسوسی ایشن پاکستان کی مسلح افواج کے ساتھ شانہ بشانہ کھڑی ہے۔ ان خیالات کا اظہار پی ایم اے لاہور کا ہنگامی اجلاس میں کیا گیا اجلاس کی صدارت صدر پروفیسر ڈاکٹر شاہد ملک نے کی۔ اجلاس میں پروفیسر ڈاکٹر اشرف نظامی، ڈاکٹرارم شہزادی، ڈاکٹر واجد علی، ڈاکٹر بشریٰ حق،ڈاکٹر اظہار چوہدری، ڈاکٹر کامران سعید، ڈاکٹر تنویر انور،پروفیسرڈاکٹر جاوید چوہدری، ڈاکٹر نادر خان، ڈاکٹر احمد نعیم اختر، ڈاکٹر مریم فاطمہ نے شرکت کی۔
عہدیداران نے مزید کہا کہ بھارتی حملہ ایک شرمناک کاروائی ہے اور اقوام متحدہ کے چارٹر اور عالمی قوانین کی صریحاً خلاف ورزی ہے۔ دشمن ملک کی ہندوتوا سوچ دو ایٹمی طاقتوں کو بڑی جنگ کے دھانے پر لے آئی ہے جس کی ہر عالمی ادارے کو مذمت کرنا ہو گی اور اس سوچ کو لگام ڈالنی ہو گی۔