امیرجماعت اسلامی لاہور ضیاء الدین انصاری ایڈووکیٹ نے کہا ہے کہ بھارت نےپاکستان پر حملہ کرکے اپنی تباہی کا آغاز کردیا ہے

امیرجماعت اسلامی لاہور ضیاء الدین انصاری ایڈووکیٹ نے کہا ہے کہ بھارت نےپاکستان پر حملہ کرکے اپنی تباہی کا آغاز کردیا ہے ۔ پاکستانی قوم کا بچہ بچہ پاکستان کے دفاع کیلئے اپنی فوج کیساتھ کھڑا ہے ۔ پوری قوم افواج پاکستان کے ساتھ کھڑی ہے۔ ملک کے دفاع کیلئے ہر قربانی دینے کیلئے تیار ہیں۔بھارتی جارحیت کیخلاف پوری پاکستانی قوم کا مورال اور جذبہ قابل ستائش ہے۔پاک فوج بھارت کےبزدلانہ حملوں کا بھرپور جواب دیکر عوام کے جذبات کی ترجمانی کررہی ہے ۔ پوری پاکستانی قوم کا مورال اور جذبہ بلند ہے۔ پاک فوج نے اورپاکستانی قوم اپنے مکار دشمن کو اپنے مزموم مقاصد میں کبھی کامیاب نہیں ہونے دیگی۔ ان خیالات کا اظہار انہوں نے مال روڈ مسجد شہداء پر جماعت اسلامی لاہور کے زیر اہتمام بھارتی جارحیت کیخلاف اور پاک فوج سے اظہار یکجہتی کیلئے مال روڈ پر پاکستان زندہ باد ریلی کےشرکاء سے خطاب کرتے کیا۔ ریلی کے شرکاء کی جانب سے پاک فوج زندہ باد ، پاکستان زندہ باد کے کے نعروں سے گونج اٹھا۔ ریلی میں سیکرٹری جنرل جماعت اسلامی اظہر بلال ، سیکرٹری اطلاعات جماعت اسلامی لاہور عبدالعزیز عابد ، نائب امراء جماعت اسلامی لاہور چوہدری محمدشوکت ، خالد احمد بٹ ، وقاص احمد بٹ ، ملک شاہد اسلم ،ڈپٹی سیکرٹری جماعت اسلامی لاہورعامر نثا رخان ، صدر جےآئی یوتھ لاہور جبران بٹ سمیت نوجوانوں کی بڑی تعداد موجود تھے ۔