ڈی جی سندھ بلڈنگ کنٹرول اتھارٹی اسحاق کھوڑو کو نوٹس جاری کیا گیا ہے اس وقت وہ ملک میں نہیں ہیں اور خاموشی کے ساتھ ملک سے باہر چلے گئے ہیں ۔

کراچی (رپورٹ ۔ شمس کیریو )
سندھ کے چیف سیکرٹری آصف حیدر شاہ نے سندھ بلڈنگ کنٹرول اتھارٹی کے ڈی جی کو شوکاز جاری کیا ہے جس میں ان پر لگائے گئے الزامات کا جواب دینے کیلئے 7 دن کی مہلت دی گئی ہے ۔ گریڈ 20 کے افسر محمد اسحاق کھوڑو کو دوسری مرتبہ ڈی جی سندھ بلڈنگ کنٹرول اتھارٹی کے عہدے پر مقرر کیا گیا ہے ۔ شو کاز نوٹس کے زریعے آگاہ کیا گیا ہے کہ آپ قانون کے خلاف ورزی کے مرتکب پائے گئے ہیں اور آپ کے قانون کے خلاف ثبوت بھی ملے ہیں لحاذا قانون کے تحت آپ کے خلاف ایکشن لیا جائے گا ۔ انکوائری کمیٹی نے آپ کے خلاف یہ فیصلہ کیا ہے کہ آپ کے خلاف مزید کوئی انکوائری نہیں کی جائے گی اور نہ ہی آپ کو زاتی طور پر چیف سیکرٹری کے سامنے پیش ہو کر صفائی کا موقع دیا جائے گا۔ کمشنر کراچی کی رپورٹ کے مطابق کہ آپ سندھ بلڈنگ کنٹرول اتھارٹی کے سربراہ ہیں اور آپ نے تاریخی عمارات کا تحفظ نہیں کیا اور نہ ہی آپ اس انکوائری کمیٹی کے سامنے پیش ہوئے لحاذا فیصلہ کیا گیا ہے کہ آپ کے خلاف سندھ سول سرونٹ رولز کے تحت ایکشن لیا جائے ۔ واضح رہے کہ جب ڈی جی سندھ بلڈنگ کنٹرول اتھارٹی اسحاق کھوڑو کو نوٹس جاری کیا گیا ہے اس وقت وہ ملک میں نہیں ہیں اور خاموشی کے ساتھ ملک سے باہر چلے گئے ہیں ۔

کراچی
شہر میں تاریخی عمارات کا تحفظ نہ کرنے اور ان عمارتوں کو مسمار کرنے کی اجازت دینے پر ایڈیشنل چیف سیکریٹری بلدیات خالد حیدر شاہ نے سندھ بلڈنگ کنٹرول اتھارٹی کے ڈائریکٹر اشفاق حسین کھوکھر اور ڈپٹی ڈائریکٹر ہاؤسنگ ٹائون پلاننگ محکمہ بلدیات آغا کاشف کو معطل کردیا ہے ۔ اس سلسلے میں نوٹیفکیشن جاری کردیا گیا ہے