کرپٹ حکمرانوں نے تمام نظام کو کرپٹ بنا دیا ہے، ٹریفک پولیس کا کام ٹریفک قوانین پر عملدرآمدکرانا ہے ریونیوکلیکشن کرنا ہرگز نہیں (شفیق جان درانی )
سندھ حکومت جرمانوں میں اضافے کے بجائے ٹریفک پولیس کو ملنے والا اضافی 30 فیصد کمیشن ختم کرے،
ٹریفک چلان میں 5 ہزار سے لیکر 5 لاکھ تک کے جرمانوں کا فیصلہ کراچی کی مظلوم عوام کیساتھ دشمنی کے مترادف ہے، ٹریفک قوانین پر عمل درآمد کرانے کی ضرورت ہے ناکہ جرمانے بڑھانے کی (عزیرشاہ )
کراچی(اسٹاف رپورٹر )تحریک جوانان پاکستان کراچی ڈویژن کے صدر شفیق جان درانی اور صدر ھیومن رائیٹس و لیبر ونگ عزیر شاہ نے اپنے جاری ایک مشترکہ بیان میں کہا کہ ٹریفک کی ابتر صورتحال اور کرپٹ پولیسنگ کے نظام نے شہریوں کی زندگی اجیرن بنادی ہے پولیسنگ کاقانون عوام کو سہولیات فراہم کرنے کے بجائے قوانین میں سختی اور ٹریفک جرمانوں میں اضافے کا مقصد عوام کیلئے آسانیاں نہیں بلکہ رشوت ستانی کا ذریعہ ہیں،کرپٹ حکمرانوں نے تمام نظام کو کرپٹ بنادیا ہے، ٹریفک چالان کے جرمانوں میں کیا جانے واالا اضافہ کراچی کی مظلوم عوام سے دشمنی کے مترادف ہے جسے مسترد کرتے ہیں۔
شفیق جان درانی نےاپنے جاری بیان میں مزید کہا کہ کہا کہ گزشتہ روز ڈی آئی جی ٹریفک کی جانب سے کی گئی پریس کانفرنس میں ٹریفک قوانین کی خلاف ورزی پر کم از کم جرمانے کی فیس5ہزار جبکہ زیادہ سے زیادہ 5لاکھ کا جرمانہ کا فیصلہ کیا گیا جو کہ کراچی کی مظلوم عوام کیساتھ انتہائی ظالمانہ اقدام ہے ٹریفک پولیس کا کام ٹریفک قوانین پر عمل درآمد کرانا ہے ریونیو کلیکشن کرنا ہرگز نہیں ایسے اقدام عوام اور حکومت میں تقسیم کی لکیرگہری کرنے کا سبب بن سکتے ہیں ۔ پولیسنگ کے نظام کو بہتر بنانے کیلئے جرمانوں میں اضافے کے بجائے ٹریفک چلان کی مد میں پولیس اہلکاروں کو ملنے والے 30فیصد اضافی کمیشن کو ختم کیا جائے تاکہ پولیس اہلکا ر اپنا کمیشن بنانے کے بجائے اپنی ڈیوٹی کو بہتر انداز میں انجام دیں محکمہ ٹریفک حادثات میں کمی سے متعلق نئی پالیسیاں مرتب کریں جس سے ناصرف ا نسانی جانوں کو بچائیں بلکہ ٹریفک کی روانی کو بہتر بنا کر عوام کے وقت اور فیول کو غیر ضروری ضیاع سے بھی بچایا جاسکے۔
