دفتر صوبائی الیکشن کمشنر سندھ
کراچی
سینیٹ ضمنی انتخاب کے لیئے ووٹوں کی گنتی کا عمل مکمل
پاکستان پیپلز پارٹی کے سید وقار مہدی 111 ووٹ لیکر کامیاب
ایم کیو ایم پاکستان کی نگہت مرزا نے 36 ووٹ حاصل کیئے
2 ووٹ غلط مارکنگ کے باعث مسترد ہوئے
ریٹرننگ افسر/صوبائی الیکشن کمشنر سندھ اعجاز انور چوہان نے نتائج کا اعلان کیا۔
پیپلز پارٹی کے وقار مہدی سندھ سے سینیٹر منتخب ہوگئے
سندھ سے سینیٹ کی خالی نشست پر ہوئے الیکشن کا نتیجہ سامنے آ گیا۔
الیکشن کمشنر سندھ اعجاز انور چوہان نے نتائج کا اعلان کر دیا جن کے مطابق پیپلز پارٹی کے وقار مہدی سندھ سے سینیٹ کی خالی نشست پر سینیٹر منتخب ہو گئے۔
یہ بھی پڑھیے
پی پی نے سندھ سے سینیٹ کی جنرل نشست کیلئے وقار مہدی کو امیدوار نامزد کردیا
12مئی ہماری قومی تاریخ کا سیاہ ترین دن ہے، وقار مہدی
الیکشن کمشنر سندھ کا کہنا ہے کہ پیپلز پارٹی کے وقار مہدی 111 ووٹ لے کر کامیاب ہوئے ہیں۔
نتائج کے مطابق ایم کیو ایم پاکستان کی نگہت مرزا نے 36 ووٹ حاصل کیے ہیں۔
الیکشن کمشنر سندھ نے یہ بھی بتایا ہے کہ غلط مارکنگ کے باعث 2 ووٹ مسترد ہوئے ہیں۔
=======================
اداکارہ نادیہ حسین کے شوہر کے خلاف بینک فراڈ کیس میں اہم پیش رفت
کراچی : اداکارہ نادیہ حسین کے شوہر کے خلاف بینک فراڈ کیس میں اہم پیش رفت سامنے آئی، عدالت نے ملزم کی درخواست ضمانت پر دلائل طلب کرلئے۔
تفصیلات کے مطابق ایڈیشنل سیشن جج ساوتھ کی عدالت میں 53 کروڑ سے زائد کا بینک فراڈ کیس میں اداکارہ نادیہ حسین کے شوہر ملزم عاطف خان کی درخواست ضمانت کی سماعت ہوئی۔
اداکارہ نادیہ حسین عدالت میں پیش ہوئیں، سماعت کے دوران ملزم کے وکیل مکیش کمار نے عدالت کو بتایا کہ عاطف خان بیماری میں مبتلا ہے جن دفعات کے تحت مقدمہ درج کیا گیا ہے انکا اطلاق نہیں ہوتا ہے اور ملزم کے خلاف کوئی ٹھوس شواہد نہیں ہیں۔
مکیش کمار کا کہنا تھا کہ ایف آئی اے کو دو پرائیویٹ فریقین کے درمیان تنازعے کی انکوائری کا اختیار نہیں ہے، اس کیس میں زیادہ سے زیادہ سزا ایک دن بنتی ہے۔
جس پر عدالت نے آئندہ سماعت پر مدعی مقدمہ اور ایف آئی اے پراسکیوٹر سے دلائل طلب کرتے ہوئے کیس کی مزید سماعت 8 مئی تک ملتوی کردی۔
یاد رہے فراڈ کی رقم کی بینیفشری اداکارہ نادیہ حسین نے ایف آئی اے کے سامنے شوہر کے اکاؤنٹ سے منتقل فنڈز کے ذرائع سے متعلق لاعلمی کا اظہار کرتے ہوئے کہا تھا کہ کسی دھوکا دہی سرگرمی میں راز دار نہیں۔
اداکارہ نے بیان میں کہا تھا کہ حلفیہ کہتی ہوں فنڈز کے ذرائع کے بارے میں کبھی علم نہیں تھا، فنڈز ذرائع کے سلسلے میں کبھی کوئی سوال نہیں کیا، میاں بیوی کے طور پر ہم ایک دوسرے پر بھروسہ کرتے ہیں۔
نادیہ نے بتایا تھا کہ عاطف خان نے میرا کاروبار قائم کرنےمیں میری مدد کی، کسی دھوکا دہی سرگرمی میں راز دار نہیں جس میں شوہر ملوث ہوسکتا تھا اور نہ ہی میں کسی فراڈ کا حصہ تھی۔
ان کا کہنا تھا کہ گوشواروں میں رقم اپنےشوہر سے قرض کے طور پر لی تھی اور اپنے ٹیکس ریٹرن میں بھی ان پیسوں کو ڈکلیئرکیا تھا، میں ایک ڈینٹسٹ اور25 سالوں سے میڈیا پرسن ہوں، ٹیلی ویژن اور متعلقہ میڈیا انڈسٹری میں بڑے پیمانے پر کام کیا۔
