
مانسہرہ: سڑک حادثے میں 4 خواتین کی موت،
مانسہرہ کے علاقے کن چھجڑی میں ایک المناک سڑک حادثے میں 4 خواتین جاں بحق ہوگئیں۔ پولیس کے مطابق، یہ واقعہ اُس وقت پیش آیا جب جیپ سنڈی سے جبوڑی جا رہی تھی اور راستے میں کھائی میں گر گئی۔
جبکہ مقامی لوگوں نے سڑکوں کی بہتر حالت اور حفاظتی اقدامات پر فوری توجہ دینے کی اپیل کی ہے۔
اللہ تعالیٰ مرحومین کو اپنی رحمت میں جگہ دے اور زخمیوں کو جلد صحت یاب کرے۔ آمین۔
(خبر: مانسہرہ/بٹگرام)
طیارے میں فنی خرابی، کراچی گوادر کی پروازوں میں تاخیر
فلائٹ شیڈول کے مطابق طیارے میں فنی خرابی کے سبب آج کراچی گوادر کی پروازوں میں 8 گھنٹے کی تاخیر متوقع ہے۔
ایوی ایشن ذرائع کے مطابق پرواز پی کے 735 کا اے ٹی آر طیارہ گزشتہ روز کراچی سے سکھر گیا تھا تاہم طیارے میں فنی خرابی کے باعث طیارہ سکھر سے کراچی نہ آسکا۔
ذرائع کا کہنا ہے کہ اسی طیارے کو آج صبح 7 بجے کراچی سے پرواز پی کے 503 کے طور گوادر جانا تھا۔
طیارے کی عدم دستیابی کی وجہ سے گوادر کی پرواز میں 8 گھنٹے تاخیر کردی گئی۔
گوادر سے کراچی کی واحد پرواز پی کے 504 بھی غیر یقینی صورتحال کا شکار ہے























