کنگ ایڈورڈ میڈیکل یونیورسٹی کے 73 ویں سینڈیکیٹ اجلاس کے موقع پر شرکاء کا گروپ فوٹو اس موقع پر جسٹس شہرام سرورچوہدری، ڈاکٹر عصمت طاہرہ، پروفیسر فرید احمد خان، پروفیسر محمد علی اور دیگر موجود
پریس ریلیز۔۔۔
کنگ ایڈورڈ میڈیکل یونیورسٹی کا 73 واں سینڈیکیٹ اجلاس منعقد ہوا اجلاس کی صدارت وائس چانسلر کنگ ایڈورڈ میڈیکل یونیورسٹی پروفیسر محمود ایاز نے کی جبکہ پروفیسر محمد عمران نے سیکرٹری سنڈیکیٹ کے فرائض سرانجام دئیے۔
اس موقع پرجسٹس شہرام سرورچوہدری، سابق گورنر اسٹیٹ بینک طارق باجوہ، کیمکلولین ڈاکٹر عصمت طاہرہ ممبر پبلک سروس کمیشن، کیمکلولین پروفیسر فرید احمد خان ممبر ہائیر ایجوکیشن کمیشن اسلام آباد، وائس چانسلر پنجاب یونیورسٹی پروفیسر محمدعلی،ایڈیشنل سیکرٹری ہائیر ایجوکیشن ڈیپارٹمنٹ، سابق پروفیسر آف پیڈیٹرکس پروفیسراشرف سلطان، چیف ایگزیکٹو آفیسر سندس فاونڈیشن فریدہ یاسین، پرو وائس چانسلر پروفیسر محمد معین، ڈینز پروفیسر ابرار اشرف، پروفیسر نبیلہ ریاض، پروفیسر نازش عمران سمیت یونیورسٹی سے ملحقہ ہسپتالوں کے ایم ایسز نے شرکت کی۔
وائس چانسلر نے یونیورسٹی میں جاری اور تکمیل شدہ منصوبہ جات پر روشنی ڈالی اور مستقبل کے لائحہ عمل بارے شرکاء کو تفصیلی آگاہ کیا انہوں نے طبی تحقیق، کیو ایس رینکنگ، ٹائمز ہائیر رینکنگ اور ورلڈ یونیورسٹی رینکنگ میں نمایاں کامیابی پر شرکاء کو آگاہ کیا۔ انہوں نے اینلز آف کے ای ایم یو بارے آگاہ کیا، وائس چانسلر نے بتایا کہ پچھلے تین سالوں میں یو ایس ریزیڈنسی میچ میں نمایاں پوزیشن حاصل کی، وائس چانسلر نے بائیو بینک، آرٹیفیشل انٹیلیجنس لیب اور جینیٹک سیکوئنسنگ سینٹر کی کارکردگی بارے بریفنگ دی۔ یونیورسٹی کے مقبول احمد بلاک اور جناح بلاک کی سولر پینل پر منتقلی، شعبہ پیڈیاٹرک میڈیسن اینڈ سرجری، انسٹیٹیوٹ آف ٹی بی سی ڈی، لیڈی ولنگڈن پراجیکٹ کی تعمیر، میو کینسر کیئر ہسپتال مناواں، نوازا شریف انسٹیٹیوٹ آف کینسر ٹریٹمنٹ اینڈ ریسرچ کے تعمیراتی کام، سٹوڈنٹس کے لئے کیمکانہ کی جانب سے 100 فیصد فری سکالرشپس، سٹوڈنٹس کے لئے فیسیلٹیشن سینٹر کا قیام، سکلز لیب، کیمپس مینجمنٹ سسٹم، انہوں نے بتایا کہ طبی تعلم اور تحقیق کے میدان میں بیرون ممالک سے وفود کے دورے اور تعلیمی سرگرمیاں تسلسل سے جاری رہی۔ وائس چانسلر کو ان کی بہترین کارکردگی پر گزشتہ تیں برس سے ایکڈیمک ایکسیلنس ایوارڈ سے بھی نوازا اور یہ یونیورسٹی کی کامیابیوں میں شامل ہے۔ پروفیسر محمود ایاز کا مزید کہنا تھا کہ مستقبل میں میو ہسپتال میں ربوٹک سرجری کے خواہاں ہیں،
اجلاس میں پچھلی میٹنگ کے منٹس کی تصدیق،
ٹیچنگ فیکلٹی کی پروموشن، انویسٹمنٹ فنڈز کی منظوری، ہوسٹلز میں مقیم طالبعلموں کے لئے باربر شاپ، پارلر شاپ، لانڈری شاپ کی منظوری، میو کینسر کیئر ہسپتال مناواں لاہور کی ری ویمپنگ کے لیے نظرثانی شدہ لاگت کے تخمینے کی منظوری، مناواں کینسر ہسپتال کے لئے ٹرانسپورٹ کی خریداری، کے ای ایم یو سینٹرل ڈائیگناسٹک لیب ٹیسٹ کے آغاز اور مارکیٹ کی نسبت کم سے کم ریٹ کی منظوری دی گئی یہ ٹیسٹ پبلک پرائیویٹ لیبز کی نسبت سب سے کم ریٹ مقرر کرنے پر شرکاء کی جانب سے اس اقدام کو سراہا گیا اور وائس چانسلرپروفیسرمحمودایاز اور پیتھالوجی ڈیپارٹمنٹ کی کاوشوں کو سراہا گیا۔ جے کیٹ شئیر ڈسٹریبیوشن کی منظوری، ٹی ٹی ایس سٹاف کی تنخواہوں پر انکریمنٹ کی منظوری، ٹیچنگ فیکلٹی کی نئی اسامیوں کی منظوری۔
یونیورسٹی کیڈر کے تحت کام کرنے والی ٹیچنگ فیکلٹی کے پروموشن کی منظوری، ہاوس نے متفقہ طور پر مریدکے نارووال روڈ پر نیو کیمپس میں انٹرنیشنل میڈیکل کالج کے قیام کی منظوری بھی دی اور اس اقدام کو بھر پور سراہا گیا۔ اس سلسلے میں اجلاس کے شرکاء نے پراجیکٹ ڈائریکٹر پروفیسر ابرار اشرف کی کاوشوں کو بھی سراہا۔
شرکاء نے اس عزم کا اظہار کیا کہ ان کی تمام تر کاوشیں مریضوں اور ڈاکٹرز کی بہتری کے لئے ہیں اور ان کی خواہش ہے کہ کنگ ایڈورڈ میڈیکل یونیورسٹی کا نام اور مقام پہلے کی نسبت اور بلند ہو۔
سینڈیکیٹ ممبران نے وائس چانسلر پروفیسر محمود ایاز کی سربراہی میں ان کی یونیورسٹی کے لئےکارکردگی خاص طور پر بائیو بینک، آرٹیفیشل انٹیلیجنس لیب کے قیام اور دیگر کاوشوں کو سراہا جبکہ یونیورسٹی کے جاری ترقیاتی منصوبوں، اکیڈمک اور ریسرچ پروگرامز کی تعریف بھی کی۔ اس موقع پر ممبران نے کہا کہ وائس چانسلر پروفیسر محمود ایاز ایک متحرک شخصیت ہیں جن کی انتھک کاوشوں سے یونیورسٹی اور اس سے ملحقہ ہسپتال مثالی خدمات دے رہے ہیں جس پر ہم ان کو اور ان کی فیکلٹی کو مبارکباد پیش کرتے ہیں۔ انہوں نے اس عظم کا اظہار کیا کہ دعا ہے کہ ترقی کا یہ سفر اسی تسلسل کے ساتھ جاری رہے۔اجلاس کے اختتام پر رجسٹرار پروفیسر محمد عمران نے تمام شرکاء کا شکریہ ادا کیا۔
