وزیر ہاؤسنگ اینڈ اربن ڈویلپمنٹ پنجاب بلال یاسین نے پارکس اینڈ ہارٹیکلچر اتھارٹی لاہور کے زیر اہتمام جوہر ٹاؤن گلوبل ویلیج میں پنجاب صنعتی نمائش کا دورہ کیا ۔ ڈائریکٹر جنرل پارکس اینڈ ہارٹی کلچر اتھارٹی لاہور محمد طاہر وٹو نے بلال یاسین کو صنعتی نمائش کے حوالے سے تفصیلی بریفنگ دی ۔ وزیر ہاؤسنگ اینڈ اربن ڈویلپمنٹ بلال یاسین نے صنعتی نمائش کے انعقادِ کو حکومت پنجاب کی مقامی صنعت کے فروغ کیلئے انقلابی اقدام قرار دیتے ہوئے کاکہا کہ حکومت پنجاب نے صنعتی نمائش میں خوبصورت تقریبات کا انعقادکرکے مقامی صنعتکاروں کیساتھ شہریوں کے دل بھی جیت لیے ہیں۔ بلال یاسین نے مز ید کہا کہ پنجاب صنعتی نمائش کے انعقاد کا مقصد مقامی صنعت کاروں کی حواصلہ افزائی بھی ہے ۔ وزیر اعلی پنجاب مریم نواز شریف کے ویژن کے مطابق پنجاب کی مقامی صنعت کو فروغ دینے کیلئے آئندہ بھی مزید اس طرح کی تقریبات کا انعقاد کیا جائےگا۔ انہوں نے کہا کہ شہریوں کی گلوبل ویلیج میں پنجاب کی ثقافت دیکھنے کی بڑی دلچسپی نمائش کو کامیاب بنارہی ہے جو ایک خوش آئندہ بات ہے ۔ یہاں شہریوں کیلئے بھرپور تفریح بھی موجودہے ۔ اس موقع پر بلال یاسین نےڈی جی پی ایچ اے محمد طاہر وٹو اور ان کی ٹیم کو مبارکباد بھی پیش کی جنہوں نے نمائش کے بہترین انتظامات کے ساتھ شہریوں کو بھرپور انٹرٹینمنٹ کا موقع فراہم کیا۔
