نوجوانوں کو مایوسی سے نکال کر ایک روشن اور خودمختار مستقبل دینا چاہتے ہیں۔احمدندیم اعوان
مرکزی مسلم لیگ کے ڈیجیٹل روزگار پروگرام ،صلاحیت بڑھاؤاپناکماؤ، میں ہزارون نوجوان رجسٹرڈ ہوچکے۔
پریس ریلیز
کراچی ( )پاکستان مرکزی مسلم لیگ کراچی کے صدر احمد ندیم اعوان نے کہا ہے کہ مرکزی مسلم لیگ کے ڈیجیٹل روزگار سہولت پروگرام کے تحت “صلاحیت بڑھاؤ، اپنا کماؤ” پروگرام نوجوانوں کے لیے ایک سنہری موقع ہے کہ وہ جدید مہارتیں سیکھ کر اپنے قدموں پر کھڑے ہو سکیں اور ایک روشن مستقبل کی طرف بڑھیں۔ یہ پروگرام کسی بھی فیس کے بغیر مکمل طور پر مفت فراہم کیا جا رہا ہے تاکہ ہر طبقے سے تعلق رکھنے والے نوجوان آسانی سے اس سے فائدہ اٹھا سکیں۔احمد ندیم اعوان نے کہا کہ مرکزی مسلم لیگ کراچی نوجوانوں کو صرف روزگار ہی فراہم نہیں کررہی بلکہ طلبہ اور نوجوانوں کو ہنر مند اور باصلاحیت بھی بنانا چاہتی ہے تاکہ وہ اپنی صلاحیتوں سے خود کفالت حاصل کر سکیں اور ملک کی ترقی میں فعال کردار ادا کریں۔انہوں نے بتایا کہ یکم مئی سے “صلاحیت بڑھاؤ، اپنا کماؤ” کورسز کا آغاز ہو رہا ہے، جن کی کلاسز روزانہ رات 9 بجے سے 11 بجے تک ہوں گی۔ اس مقصد کے لیے صرف کراچی شہر میں 80 سے زائد مقامات پر خصوصی کلاس رومز قائم کیے جا رہے ہیں تاکہ زیادہ سے زیادہ نوجوان بہ آسانی اپنی قریبی جگہ پر تربیت حاصل کر سکیں۔احمد ندیم اعوان نے کہا کہ یہ کورسز نوجوانوں کو ڈیجیٹل دور کی ضروری مہارتیں سکھائیں گے، جن کے ذریعے وہ گھر بیٹھے آن لائن روزگار کے مواقع حاصل کر سکیں گے۔ انہوں نے نوجوانوں سے اپیل کی کہ وہ فوری طور پر پروگرام میں رجسٹریشن کروائیں اور اپنی زندگی کو کامیابی کی نئی راہوں پر ڈالیں۔کیونکہ ہم نوجوانوں کو مایوسیوں سے نکال کر ایک روشن اور خود مختار مستقبل دینا چاہتے ہیں۔
جاری کردہ:
شعبہ نشر و اشاعت، پاکستان مرکزی مسلم لیگ کراچی
