بھارتی آبی دہشت گردی پر صفورا ٹاؤن کی جانب سےتاریخی احتجاجی مظاہرہ
احتجاج کے دوران بھارتی وزیراعظم کا پتلا بھی نظر آتش کیا گیا
آبی جارحیت نامنظور ،ہر پاکستانی پاک افواج کے شانہ بہ شانہ ملک کے دفاع کیلئے تیار ہے،چئیرمین صفورا ٹاؤن راشد خاصخیلی
قوم کا ایک ایک فرد فوجی ہے ،ملک کے دفاع کیلئے اپنی جان لڑا دے گا،راشد خاصخیلی
اعلی حکام ملکی دفاع کیلئے آگے بڑھیں پوری قوم کو اپنے پیچھے پائیں گے،راشد خاصخیلی
کراچی …….چئیرمین صفورا ٹاؤن راشد خاصخیلی کی سربراہی میں صفورا ٹاؤن کی جانب سے تاریخی احتجاجی مظاہرہ کیا گیا جس میں میونسپل کمشنر امتیاز حسین مگسی ودیگر سمیت بڑی تعداد میں افسران وملازمین اور خواتین ملازمین نے بڑی تعداد میں شرکت کرکے دو ٹوک الفاظ میں بھارت کو باآور کروایا کہ مودی سرکار نے غیر قانونی طور پر آبی بندش کی یا پاکستان کی جانب میلی آنکھ سے دیکھا تو اس کا بھرپور جواب دیا جائے گا.
چئیرمین صفورا ٹاؤن راشد خاصخیلی نے اس موقع پر کہا کہ آج کا تاریخی احتجاج یہ ثابت کر رہا ہے کہ بھارت یا کسی نے بھی اس ملک کی جانب میلی آنکھ سے دیکھا تو ملک کا ہر فرد فوجی بن کر اس کا جواب ے گا ،اگر آبی جارحیت اور سندھ طاس معاہدے کی معطلی کو واپس نہیں لیا گیا تو اعلی حکام سے گزارش کرتے ہیں کہ وہ سخت فیصلے لیں ملک کا ایک ایک فرد پاک افواج کے ساتھ سرحدوں اور ملک کی حفاظت کو یقینی بنائے گا.اس موقع پر شرکاء سے انہوں نے پوچھا کہ اگر ضرورت پڑی تو وہ ملک کے دفاع کیلئے جان مال قربان کرنے کیلئے تیار ہیں جس پر شرکاء نے فلک شگاف الفاظ میں انہیں یقین دلایا کہ وہ ملک کے دفاع کیلئے جان ومال قربان کرنے کیلئے تیار ہیں انہوں نے مزید کہا کہ 1960 میں طے پایا جانے والا سندھ طاس معاہدہ یک طرفہ معطل نہیں کیا جاسکتا یہ کھلی آبی دہشت گردی ہے جس پر اقوام متحدہ سمیت دیگر کو فوری نوٹس لینا چاہیئے.
میونسپل کمشنر امتیاز حسین مگسی نے اس موقع پر کہا کہ یہ ملک ہمارا ہے کوئ بھی اس پر میلی نگاہ ڈالے گا تو اس کو انجام بھگتنا ہوگا بھارت کی جانب سے سندھ طاس معاہدے کی معطلی نامنظور ہے اگر ضرورت پڑی تو قوم کا ایک ایک فرد ملکی دفاع کیلئے سیسہ پلائ دیوار ثابت ہوگا.
احتجاجی مظاہرے کے شرکاء نے فلک شگاف اور لہو گرما دینے والے نعرے لگا کر بھارتی جارحیت پر نفرت اور ملکی دفاع کیلئے پاک افواج سے یکجہتی کا اظہار کیا اس موقع پر بھارتی وزیراعظم نریندر مودی کا پتلا بھی نظر آتش کیا گیا.
=========================
پاکستان کی طرف میلی نگاہ سے دیکھنے والوں کو نشان عبرت بنا دینگے۔۔ بھارت دنیا کا سب سے زیادہ انتہا پسند ملک ہے جہاں ہندو توا نظریات کے بعد بھارتی فالس فلیگ آپریشن کے ڈرموں کے فلاپ ڈرامے پاکستان فوبیا کی دشمنی پر مبنی ہیں۔ نرنیند ر مودی گجرات کے قصائی سے ترقی کرکے پورے بھارت کا قصائی بن گیا ہے۔ پاکستانی قوم اور افواج پاکستان کا جزبہ بھارت کی چولیں ہلا دے گا۔ پاکستان 25کروڑ عوام کی ریڈ لائن ہے۔ فوج کے شانہ بشانہ جارحیت ہوئی تو منہ توڑ اور نشان عبرت بنا دیں گے۔ رضوان خان
کراچی (اسٹاف رپورٹر) آزاد رائٹرز فورم (پاکستان) سپریم کونسل کے کووا کے چیئرمین اور پیپلز آفیسرز ایسوسی ایشن کے اولین چیئرمین محمد رضوان خان نے کہا ہے کہ پاکستان کی طرف میلی نگاہ سے دیکھنے والوں کو نشان عبرت بنا دینگے۔۔ بھارت دنیا کا سب سے زیادہ انتہا پسند ملک ہے جہاں ہندو توا نظریات کے بعد بھارتی فالس فلیگ آپریشن کے ڈرموں کے فلاپ ڈرامے پاکستان فوبیا کی دشمنی پر مبنی ہیں۔ نرنیند ر مودی گجرات کے قصائی سے ترقی کرکے پورے بھارت کا قصائی بن گیا ہے۔ پاکستانی قوم اور افواج پاکستان کا جزبہ بھارت کی چولیں ہلا دے گا۔ پاکستان 25کروڑ عوام کی ریڈ لائن ہے۔ فوج کے شانہ بشانہ جارحیت ہوئی تو منہ توڑ اور نشان عبرت بنا دیں گے۔انہوں نے کہاکہ پاکستان کو ترنوالہ نہ سمجھا جائے۔ ہم جب اللہ اکبر کا نعرہ لگاتے ہیں تو ہمارا جنون کہیں اور ہوتا ہے۔ اللہ کی للکار کے آگے بھارت ریت کی دیوار ہے۔ پانی بند کرنے کا خواب دیکھنے والے قانونی اور ہر طرح کی جنگ کا بھی سامنا کرینگے۔ پوری قوم کے حوصلے بلند ہیں۔ ہمارے آرمی چیف کی گفتگو ہی قوم میں ایک روح پھونک دیتی ہے۔ بھارت کے پاس نا ثبوت ہے نہ حقائق بلکہ وہ پاکستان میں بلوچستان اور ملک کے دیگر شہروں میں کاروائیاں کر رہے ہیں۔کلبھوش یادیو اسکی کھلی مثال ہے۔ اب اقوام متحدہ، عالمی عدالت انصاف، عالمی ضمیر، ورلڈ بنک اور انسانی حقوق کی تنظیمیں کیا کردار ادا کرتی ہیں۔ اسوقت پورے ملک کی جماعتوں کا ایک ہونا خوش آئند ہے۔ اسرائیل کا شر انگیزی میں ہاتھ ڈالنے کی اطلاعات بھی مسلمانوں کے خلاف کھلی سازش ہے۔لیکن ضرورت اس امر کی ہے کہ اسلامی ممالک اب حد طے کرلیں۔ بھارت اور اسرائیل کے خلاف متحد ہوکر پوری قوم کردار ادا کرے گی۔ افواج پاکستان ہماری آن جان شان ہیں وہ ہر طرح سے نمٹنے کے لئے تیار ہیں۔
