بھارت کی آبی جارحیت عالمی معاہد وں کی خلاف ورزی ہے جسے ہم یکسر مسترد کرتے ہیں؛ فراز حسیب
پوری پاکستانی قوم سا لمیت پاکستان کے لئے افواج کے شانہ بشانہ کھڑی ہے: فراز حسیب
مورخہ 25 اپریل 2025
کراچی( ) چیئرمین لیاقت آباد ٹاؤن فراز حسیب،وائس چیئرمین اسحاق تیموری، میونسپل کمشنر دریا خان پتافی اور اسسٹنٹ کمشنر لیاقت آباد محمد عثمان کی قیادت میں بھارتی بربریت کے خلاف احتجاجی ریلی، بھارت کے خلاف ریلی لیاقت آباد نمبر 10 سے نکالی گئی، چیئرمین لیاقت آبادٹاون فراز حسیب نے ریلی سے خطاب کرتے ہوئے کہا بھارتی جارحیت کا منہ توڑ جواب دینے کیلئے پوری قوم متحد ہے، بھارت میدانی، فضائی و ڈیجیٹل جنگوں سے بدترین شکست کھانے کے بعد اب آبی جارحیت کے اوچھے ہتھکنڈوں پر اتر آیا ہے اور پاکستانی قوم اس جارحیت کے خلاف سیسہ پلائی دیوار بن کر کھڑی ہے بھارت پاکستان کے حوالے سے کسی غلط فہمی میں نہ رہے، آج کا پاکستان بھارت اور اس کے گٹھ جوڑ دشمن طاقتوں کو نیست و نابود کرنے کیلئے کافی ہے، انہوں نے مزید کہا کہ بھارت کی آبی جارحیت عالمی معاہد وں کی خلاف ورزی ہے جسے ہم یکسر مسترد کرتے ہیں،پانی پاکستان کا بنیادی حق ہے جسے بھارت چاہتے ہوئے بھی بند نہیں کر سکتا ہے۔انہوں نے کہا کہ ہم قومی سلامتی کمیٹی کے بروقت اور نڈر فیصلوں کی بھرپور تائید کرتے ہیں۔پوری پاکستانی قوم اپنی پاک افواج کے شانہ بشانہ کھڑی ہے اس لیے بھارت کسی بھی ایڈونیچر سے گریز کرے ورنہ منہ توڑ جواب کیلئے تیار رہے، اس موقع پر یوسی چیئرمینز، وائس چیئرمینز، کو آرڈینٹر انور جمال، صغیر احمد انصاری، ڈائریکٹر پارکس ریحان ہمدانی، ڈپٹی ڈائریکٹر ایڈورٹائزمنٹ مظہر امام، ڈپٹی ڈائریکٹر ایڈمنسٹریشن لیاقت حسین، و دیگر بلدیاتی افسران اور عوام کی بڑی تعداد موجود تھی، ریلی کے دوران شرکاء نے پاکستانی پرچم کو لہراتے ہوئے افواج پاکستان کے حق میں اور بھارتی حکومت کے خلاف فلک شگاف نعرے لگاتے رہے۔ریلی کا آغازلیاقت آباد نمبر10 سے ہوا اورفردوس شاپنگ سینٹر سے ہوتے ہوئے ڈاکخانہ لیاقت پر اختتام پزیر ہوا۔
جاری کردہ
فہیم مصطفی
ڈائریکٹرانفارمیشن
لیاقت آباد ٹاون
