بھارتی میڈیا کا جھوٹ، پہلگام حملے میں مرنے کا دعویٰ، متاثرین زندہ نکلے
پہلگام حملے میں مبینہ طور پر ہلاک بھارتی نیول افسر سے منسوب تصاویر اور ویڈیوز جعلی نکلیں۔
زندہ بھارتی جوڑے کی پرانی تصاویر مبینہ طور پر ہلاک افراد کے ساتھ منسوب کی گئیں۔
متاثرہ لڑکی نے اپنے بیان میں کہا ہے کہ ہم زندہ ہیں، معلوم نہیں ہماری تصاویر کو بھارتی میڈیا پر کیوں چلایا جا رہا ہے؟
بھارت نے اٹھائے گئے اقدامات سے پاکستان کو تحریری طور پر آگاہ کر دیا
بھارتی جوڑے نے کہا ہے کہ ہماری تصاویر کو نیول افسر اور ان کی اہلیہ کے طور پر دکھایا جا رہا ہے جو سمجھ سے بالاتر ہے، ان تصاویر کے میڈیا پر چلنے سے ہم اور ہمارے اہلِ خانہ بہت پریشان ہیں۔
بھارتی جوڑے کا کہنا ہے کہ بھارتی عوام تمام بھارتی نیوز چینلز اور اخبارات کو رپورٹ کریں کہ ہماری جعلی تصاویر نہ چلائیں۔
واضح رہے کہ 2 روز قبل مقبوضہ کشمیر کے ضلع پہلگام کے سیاحتی مقام پر فائرنگ کے واقعے میں 26 افراد ہلاک ہوئے تھے۔
ترجمان دفترِ خارجہ کی جانب سے پہلگام واقعے میں ہونے والے جانی نقصان پر افسوس کا اظہار کرتے ہوئے زخمیوں کی جلد صحت یابی کی دعا بھی کی گئی ہے
======================
بھارتی جارحیت اور جھوٹ پر مبنی بیانیہ بعض زندہ افراد کو مردہ قرار دینا، فالس آپریشن، بھارت اپنی آخری حدوں پر آگیا۔ ہندو توا نظریات کے بعد اب پانی پر جنگ کی کوشش ہو رہی ہے۔سندھ طاس معاہدہ معطل کرنے کا بھارتی اقدام غیر قانونی اور عالمی دنیا کے لئے چیلنج ہے۔ ورلڈ بنک اور اقوام متحدہ کو بھارت کے خلاف ایکشن لینا ہوگا، کسی بھی ناگہانی صورتحال میں وطن نے پکارا تو تحریک جوانان پاکستان کا ہر کارکن سر پر کفن باندھ کر وطن عزیز کے دفاع کیلئے اپنے چئیرمین و سالار عبداللہ حمیدگل کی قیادت میں پاک فوج کے شانہ بشانہ کھڑا ہوگا (شفیق جان درانی، عزیرشاہ )
کراچی (اسٹاف رپورٹر) تحریک جوانان پاکستان کراچی ڈویژن کے صدر شفیق جان درانی و صدر ھیومن رائیٹس و لیبر ونگ عزیر شاہ نے بھارتی جارحیت اور جھوٹ پر مبنی بیانیہ بعض زندہ افراد کو مردہ قرار دینا، فالس آپریشن، بھارت اپنی آخری حدوں پر آگیا۔ ہندو توا نظریات کے بعد اب پانی پر جنگ کی کوشش ہو رہی ہے۔سندھ طاس معاہدہ معطل کرنے کا بھارتی اقدام غیر قانونی اور عالمی دنیا کے لئے چیلنج ہے۔ ورلڈ بینک اور اقوام متحدہ کو بھارت کے خلاف ایکشن لینا ہوگا۔بھارتی ردعمل مکمل طور پر چورمچائے شور کے مترادف ہے۔ پوری پاکستانی قوم متحد اور اپنی پاک فوج کے شانہ بشانہ ہے۔ ہم قومی سلامتی کے اجلاس میں ہونے والے فیصلوں کی تائید کرتے ہوئے افواج پاکستان کے ساتھ ہیں۔ ریاست پر آنچ نہیں دینے دیں گے اور کسی بھی ناگہانی صورتحال میں وطن عزیز نے پکارا تو تحریک جوانان پاکستان کا ہر کارکن سر پر کفن باندھ کر اپنے چئیرمین و سالار عبداللہ حمید گل کی قیادت میں پاک فوج کے شانہ بشانہ کھڑا ہوگا ،بھارت کسی خوش فہمی نہ رہے اسکے اقدامات کا منہ توڑ جواب ملے گا۔ اب بین الاقوامی برادری کی ذمہ داری ہے کہ بھارت کو اسکی دہشت گردانہ کاروائیوں سے روکا جائے اور آبی جارحیت پر بھارت کے خلاف کاروائی کی جائے جو خطے میں امن کو خطرے میں ڈال رہا ہے۔ بھارت کی جھوٹی مہم اور اسکی امریکہ کے نائب صدر کے دورے کے موقع پر ڈرامے اور ازخود بے گناہ سیاحوں کو نشانہ بنانے کا نوٹس لے۔ ہم پاکستان کی حفاظت اور اسکے حق کے لئے پوری قوم ایک ہوں گے۔ پہلگام واقعہ دھوکا ہے۔ حکومت پاکستان کا بھارتی شخصیات کو واپس کرنے اور بھارتی سفارت کاروں کی تعدا کم کرنے افواج پاکستان کو تیار رہنے اور واہگہ بارڈر بند کرنے اور سخت ردعمل کا خیر مقدم، پاکستانی حدود کے حوالے سے بھی فیصلہ درست ہے۔ بھارت کو بتانا ہوگا کہ بھارت انتہا پسند عمل ہے۔ اس سے تجارت ختم کرنے کا فیصلہ بھی درست ہے۔ پاکستان کا جرات مندانہ موقف پوری قوم کی آواز ہے۔ جس پر پوری قوم متحد ہے۔
