سندھ پیپلز ہاؤسنگ فاؤنڈیشن کا سیلاب متاثرین کے لیے مثالی اقدام
اسلام آباد میں ورلڈ بینک کے زیر اہتمام ESF فورم 2025 کے موقع پر، سندھ پیپلز ہاؤسنگ فاؤنڈیشن (SPHF) کے سی ای او خالد محمود شیخ نے تکنیکی سیشن “اسٹیک ہولڈرز کے ساتھ مشغولیت اور اعتماد کی تعمیر” میں پینلسٹ کے طور پر شرکت کی۔
انہوں نے SPHF کے تجربات شیئر کرتے ہوئے اس بات پر زور دیا کہ فاؤنڈیشن نے خواتین سمیت تمام اسٹیک ہولڈرز کے ساتھ موثر مشغولیت کو ترجیح دی ہے، جہاں 8 لاکھ سے زائد خواتین براہ راست اس پروگرام سے منسلک ہیں۔ انہوں نے ٹیکنالوجی اور ڈیجیٹل میڈیا کے استعمال کو بھی اجاگر کیا، جس کے ذریعے عوامی شرکت، فیڈ بیک اور منصوبوں کی شفافیت کو یقینی بنایا جا رہا ہے۔
یہ اقدامات سیلاب متاثرین کی بحالی اور پائیدار ترقی کے لیے SPHF کی عزم کی واضح مثال ہیں۔
