اڑان پاکستان
تو شاہین ہے پرواز ہے کام تیرا
اڑان پاکستان
اہتمام رمضان 50 لاکھ افراد کے لیے افطاری کا انتظام
پاکستان بیت المال افطار باکس
پاکستان بیت المال ملک بھر میں پھیلے صوبائی اور ضلعی دفاتر اسکولوں شیلٹر ہوم اس یتیم خانوں وہ مین امپاورمنٹ سینٹرز اور موبائل وینز سے مفت افطار حاصل کریں جو سب کے لیے ہے
رمضان کا ہی فیضان ہے پاکستان مساوات کی فضاؤں میں بھر رہا ہے اڑان پاکستان
پاکستان بیت المال حکومت پاکستان
وزیراعظم پاکستان محمد شہباز شریف کی جانب سے عوام کے لیے اقدامات قابل تعریف ہیں رمضان المبارک میں عوام کا خیال رکھنا وزیراعظم کی عوام دوستی کا ثبوت ہے
=========================
چینی اور دیگر اشیا ء کی مناسب قیمتوں پر فراہمی کیلئے حکمت عملی بنائی جائے،وزیراعظم
نیوز ڈیسک
March 03, 2025
وزیراعظم محمد شہباز شریف نے چینی کی قیمتوں پر کنٹرول کے حوالے سے اقدامات کرنے اور ذخیرہ اندوزوں کے خلاف سخت کارروائی کرنے کی ہدایت کی ہے۔
وزیراعظم محمد شہباز شریف کی زیر صدارت ملک میں چینی کی فراہمی اور قیمت کے کنٹرول کے حوالے سے لاہورمیں اجلاس ہوا۔ اس موقع پر وزیراعظم نےکہاکہ عوام کو اشیائے خور و نوش کی ارزاں نرخوں پر فراہمی حکومت کی اولین ترجیح ہے۔ رمضان المبارک میں چینی اور دیگر اشیائے ضروریہ کی قیمتوں کے کنٹرول کے حوالے سے کوئی کوتاہی برداشت نہیں کی جائے گی۔ انہوں نےکہاکہ گزشتہ مہینوں میں حکومت نے چینی کی اسمگلنگ پر سخت کارروائی کی جس سے چینی کی اسمگلنگ کے خاتمے میں مدد ملی ہے۔ وفاقی اور صوبائی حکومتیں مل کر عام آدمی کو سستے داموں اشیائے خور و نوش کی فراہمی یقینی بنائیں۔ وزیراعظم نے رمضان المبارک میں چینی اور دیگر اشیائے خور و نوش کی مناسب قیمتوں پر فراہمی کے حوالے سے حکمت عملی بنانے کی بھی ہدایت کی۔ اجلاس میں وزیراعظم کو بتایا گیا کہ اس وقت ملک میں چینی کا وافر سٹاک موجود ہے۔ صوبائی سطح پر چینی کی ارزاں نرخوں پر فروخت کے لئے فیئر پرائس شاپس قائم کی گئی ہیں ۔
============================
وزیراعظم محمد شہباز شریف کا جنگلی حیات کے عالمی دن 2025 کے موقع پر پیغام
نیوز ڈیسک
March 03, 2025
اسلام آباد- وزیراعظم محمد شہباز شریف نے اپنے پیغام میں کہا ہے کہ جنگلی حیات کا عالمی دن انسانیت اور فطرت کے درمیان تعلق کی ایک یاد دہانی کے طور پر منایا جاتا ہے۔ یہ دن ہمیں یہ بھی یاد دلاتا ہے کی ہم غیر معمولی جنگلی حیات کے تحفظ کے لیے اپنی ذمہ داری پر غور کریں جو ہماری زندگیوں اور ماحولیاتی نظام کو تقویت بخشتی ہے۔
وزیراعظم کا کہنا تھا کہ ہمالیہ کے برفانی چیتے سے لے کر خطرے سے دوچار دریائے سندھ کی ڈولفن اور بحیرہ عرب کی شاندار وہیل شارک تک، پاکستان کو مسحور کن حیاتیاتی تنوع سے نوازا گیا ہے۔ یہ انواع صرف ہمارے قدرتی ورثے کا حصہ نہیں ہیں بلکہ یہ جاندار ماحولیاتی توازن کو برقرار رکھنے اور ہمارے ماحول اور معیشت کو برقرار رکھنے میں اہم کردار ادا کرتے ہیں۔
وزیراعظم شہباز شریف نے کہا کہ اس سال جنگلی حیات کے عالمی دن کا تھیم ’وائلڈ لائف کنزرویشن فنانس: لوگوں اور اپنے سیارے زمین میں سرمایہ کاری‘ صحت مند ماحولیاتی نظام، پائیدار معیشتوں اور انسانی بہبود کو برقرار رکھنے میں جنگلی حیات کے ناگزیر کردار کو تسلیم کرتے ہوئے جنگلی حیات کی نسلوں کے تحفظ کے لیے جدید مالیاتی طریقہ کار کی اہم ضرورت کو اجاگر کرتا ہے۔ انہوں نے کہا کہ اپنے لوگوں اور کرہ ارض دونوں کے لیے پائیدار مستقبل میں سرمایہ کاری کرتے ہوئے، ہمارا گرین پاکستان پروگرام مقامی کمیونٹیز کو معاشی مواقع فراہم کرتا ہے جو غیر قانونی شکار اور رہائش گاہوں کی تباہی کو روکتا ہے۔ خطرے سے دوچار جنگلی جانوروں کے حوالے سے بین الاقوامی تجارت کے کنونشن (CITES) پر دستخط کرنے سے جنگلی حیات کی غیر قانونی تجارت کے خلاف قانون سازی کو تقویت ملتی ہے۔ مزید برآں، اسلام آباد وائلڈ لائف مینجمنٹ بورڈ (IWMB)، وزارت موسمیاتی تبدیلی اور ماحولیاتی رابطہ کاری کے تحت، زخمی، یتیم اور جبر و زیادتی کا شکار جانوروں کی بحالی کے لیے وائلڈ لائف ریسکیو سینٹر قائم کیا گیا ہے، جس کا مقصد انہیں جنگلی میں دوبارہ شامل کرنا یا ان کی مخصوص ضروریات کو پورا کرنے والی پناہ گاہوں میں جگہ دینا ہے۔
وزیراعظم کانکہنا تھا کہ ہماری حکومت مقامی کمیونٹیز، ماحول کے تحفظ کرنے والوں اور بین الاقوامی شراکت داروں کے ساتھ مل کر حیاتیاتی تنوع کی اہمیت کے بارے میں بیداری پیدا کرنے کی کوششوں کو مضبوط بنا رہی ہے۔
انہوں نے قوم سے کہا کہ آئیے پاکستان کی خوبصورت جنگلی حیات کی بہتری کے لئے مل کر کام کریں اور عالمی برادری کے ایک فرض شناس رکن کے طور پر اپنی ذمہ داری پوری کریں۔
اس پوسٹ کو شیئر کریں
