وزیراعلیٰ مریم نواز کی فری سولر پینل سکیم میں کامیاب خوش نصیب صارفین کو مبارکباد،انسٹالیش پراسیس کوجلد از جلد مکمل کرنے کی ہدایت
فزیکل ویری فکیشن کے بعد مارچ کے آخر تک صوبہ بھر میں سولر سسٹم کی انسٹالیشن شروع، جولائی کے آخرتک فری سولر پینل سکیم انسٹالیشن کا پہلا فیز مکمّل ہو جائیگا
عوام کومہنگی بجلی سے ریلیف دینا چاہتے ہیں، ہرگز تاخیر نہ کی جائے، فری سولر پینل سکیم کو جلد از جلد پایہ تکمیل تک پہنچا یا جائے:مریم نوازشریف
سولر پینل سکیم کے تحت پہلے فیزمیں 94483 سولر سسٹم لگائے جائیں گے،صوبہ میں ماہانہ 100اور200 یونٹ تک بجلی صرف کرنیوالے صارفین کیلئے سولر سسٹم مفت انسٹال کیا جائیگا: بریفنگ
فری سولر پینل سکیم کیلئے 861000 صارفین نے اپلائی کیا، سکیم کا تمام پراسیس اینڈ ٹو اینڈ ڈیجیٹلائزیشن کے ذریعے مکمل کیا گیا
0.55کلوواٹ کے 47182 اور 1.1 کلوواٹ کے 47301 سسٹم انسٹال کئے جائیں گے، صارفین کی معاونت او ررہنمائی کیلئے ہیلپ لائن قائم
صارفین کے ماہانہ بل پر درج ریفرنس نمبر اور سی این آئی سی نمبر سے ویری فکیشن کی جائیگی،سولر پینل اور انورٹر کو چوری سے بچانے کیلئے صارف کے کمپیوٹرائزڈ شناختی کارڈ سے منسلک کیا جائیگا
ایک لاکھ سولر سسٹم انسٹال کرنے سے 57ہزار ٹن کاربن کااخراج کم ہوگا، فری سولرپینل سکیم سے وفاقی حکومت پر بھی سبسڈی کا بوجھ کم ہوگا
لاہور03 – مارچ:……وزیراعلیٰ پنجاب مریم نوازشریف نے ڈیجیٹل قرعہ اندازی کرکے چیف منسٹر پنجاب فری سولر پینل سکیم کا باقاعدہ آغاز کر دیا ہے۔ وزیراعلیٰ مریم نوازشریف نے مختلف نمبر بتا کرچیف منسٹر فری سولر پینل سکیم کی خودکار ڈیجیٹل قرعہ اندازی کی اور فری سولر پینل سکیم میں کامیابی حاصل کرنے والے خوش نصیب صارفین کو مبارکباد دی۔وزیراعلیٰ مریم نوازشریف نے سولر پینل انسٹالیش پراسیس جلد از جلد مکمل کرنے کی ہدایت کی۔ وزیراعلیٰ مریم نوازشریف نے کہا کہ عوام کومہنگی بجلی سے ریلیف دینا چاہتے ہیں، ہرگز تاخیر نہ کی جائے۔ فری سولر پینل سکیم کو جلد از جلد پایہ تکمیل تک پہنچا یا جائے۔ اس موقع پر بتایا گیا کہ فزیکل ویری فکیشن کے بعد مارچ کے آخر تک صوبہ بھر میں سولر سسٹم کی انسٹالیشن شروع ہو گی۔جولائی کے آخرتک فری سولر پینل سکیم انسٹالیشن کا پہلا فیز مکمل ہو جائے گا۔ سیکرٹری انرجی نے وزیراعلیٰ مریم نوازشریف کو چیف منسٹر پنجاب فری سولر پینل سکیم کے بارے میں تفصیلی بریفنگ دی۔ سیکرٹری انرجی نے بریفنگ میں بتایا کہ سی ایم پنجاب فری سولر پینل سکیم کے تحت پہلے فیزمیں 94483 سولر سسٹم لگائے جائیں گے۔صوبہ میں ماہانہ 200 یونٹ تک صرف کرنے والے صارفین کے لئے سولر سسٹم مفت انسٹال کیا جائے گا۔فری سولر پینل سکیم کے لئے 861000 صارفین نے اپلائی کیا۔ فری سولر پینل سکیم کا تمام پراسیس اینڈ ٹو اینڈ ڈیجیٹلائزیشن کے ذریعے مکمل کیا گیا۔ بریفنگ میں مزید بتایا کہ 0.55کلوواٹ کے 47182 اور 1.1 کلوواٹ کے 47301 سسٹم انسٹال کئے جائیں گے۔ 100یونٹ ماہانہ اور 200یونٹ تک ماہانہ بجلی صرف کرنے والے صارفین کو سولر سسٹم مفت دیاجائے گا۔ صارفین کے ماہانہ بل پر درج ریفرنس نمبر اور سی این آئی سی نمبر سے ویری فکیشن کی جائے گی۔فری سولر پینل حاصل کرنے والے صارفین کی معاونت او ررہنمائی کے لئے ہیلپ لائن بھی قائم کی گئی ہے۔سولر پینل اور انورٹر کو چوری سے بچانے کے لئے صارف کے کمپیوٹرائزڈ شناختی کارڈ سے منسلک کیا جائے گا۔بریفنگ میں بتایا کہ پنجاب میں ایک لاکھ سولر سسٹم انسٹال کرنے سے 57ہزار ٹن کاربن کااخراج کم ہوگا۔ فری سولرپینل سکیم سے وفاقی حکومت پر بھی سبسڈی کا بوجھ کم ہوگا۔
٭٭٭٭
وزیر اعلیٰ پنجاب مریم نواز شریف کا جنگلی حیات کے عالمی دن پر پیغام
پنجاب کو جنگلات اور جنگلی حیات کے تحفظ اور فروغ کا رول ماڈل بنائیں گے، وزیراعلی مریم نواز شریف
پنجاب میں جنگلات اور جنگلی حیات کے تحفظ کے لئے جامع اقدامات ہمارے عزم کا واضح ثبوت ہے، وزیر اعلی مریم نواز شریف
پہلی حکومت ہے جو انسانوں کے علاوہ جانوروں کے حقوق کے احترام اور تحفظ کی اسلامی تعلیمات اور قانونی تقاضوں پر عمل کرا رہی ہے، وزیر اعلی مریم نواز شریف
ایک سال کے دوران پورے پنجاب میں جانوروں پر تشدد، ایزا رسانی، غیرقانونی تحویل اور شکار پر سخت ترین اقدامات ہوئے ہیں، وزیراعلی مریم نواز شریف
پہلی بار جانوروں کے حقوق اور تحفظ کے قانون کو جامع اور رولز کو موثر بنایا گیا ہے، مریم نواز شریف
جنگلی جانوروں اور پرندوں کے غیر قانونی شکار پر جرمانے اور مقدمات درج ہوئے، وزیر اعلی مریم نواز شریف
پنجاب کی پہلی وائلڈ لائف فورس بنائی، خواتین کو اس کا حصہ بنایا، جنگلی حیات کے تحفظ میں بڑی مدد ملے گی، وزیر اعلی مریم نواز شریف
ننکانہ صاحب:( )03 مارچ 2025۔۔۔۔۔۔ڈپٹی کمشنر ننکانہ صاحب محمد تسلیم اختر راو کا شاہکوٹ سٹی کے مختلف علاقوں کا دورہ۔اسسٹنٹ کمشنر ثناءشرافت و دیگر افسران بھی ڈی سی ننکانہ کے ہمراہ تھے۔ڈی سی نے تحصیل ہیڈ کوارٹر ہسپتال کی ایمرجنسی میں طبی سہولیات کی فراہمی کا جائزہ لیا ، ڈی سی نے مریضوں کی عیادت ، ڈاکٹرز و عملے کی حاضری سمیت دیگر امور کا جائزہ لیا۔انہوں نے شجرکاری مہم کے تحت ہسپتال کے لان میں پودا بھی لگایا۔ڈپٹی کمشنر نے صفائی ستھرائی کا جائزہ لینے کے لیے شاہکوٹ کے مختلف علاقوں کادورہ بھی کیا۔ڈی سی نے شہر میں صفائی کے ناقص انتظامات پر برہمی کا اظہار کیا۔انہوں نے گفتگو کرتے ہوئے کہا کہ ایل ڈبلیو ایم سی صفائی کے معاملات بہتر کرے ، لاہور ویسٹ مینجمنٹ کمپنی اور میونسپل کمیٹی شاہکوٹ مشترکہ صفائی پلان تشکیل دیں۔انہوں نے کہا کہ مجھے ہر صورت شہر صاف چاہیے ، کوئی بہانہ نہیں چلے گا ، کام نہ کرنے والے افسران و اہلکاران کے خلاف سخت ایکشن لیا جائے گا۔انہوں نے اسسٹنٹ کمشنر کو ہدایت جاری کیں کہ ہسپتال و دیگر ملحقہ علاقوں سے سیم نالے تک نئی سیوریج لائن کے لیے پیپر ورک رواں ہفتے میں مکمل کیا جائے۔اور جلد نالے کے تعمیراتی کام کا آغاز کیا جائے۔انہوں نے میونسپل اداروں اور لاہور ویسٹ مینجمنٹ کمپنی کے افسران کو تنبیہ کرتے ہوئے کہا کہ ضلع بھر کی مساجد کے روٹس 24 گھنٹے صاف ہوں ، شہریوں کو صاف ستھرا ماحول فراہم کریں ، ضلع میں کسی جگہ گٹر بغیر کور نہ ہو ، شہری بھی نشاندھی کریں۔انہوں نے مزید کہا کہ ضلع کی خوبصورتی و صفائی ستھرائی کے لیے لوکل کمیونٹی کا تعاون ناگزیر ہے۔
راو نے تحصیل شاہکوٹ اور تحصیل ننکانہ میں قائم سستے رمضان سہولت بازاروں کا دورہ کیا۔ڈی سی نے سستے رمضان سہولت بازاروں میں اشیاءکے معیار ، قیمتوں سمیت دیگر انتظامات و سہولیات کا جائزہ لیا۔اسسٹنٹ کمشنر شاہکوٹ ثناءشرافت ، اسسٹنٹ کمشنر ننکانہ وجیہہ ثمرین سمیت دیگر افسران بھی ڈی سی کے ہمراہ تھے۔ڈپٹی کمشنر نے رمضان بازار میں موجود خریداروں سے اشیاءخوردونوش کی کوالٹی و رعایتی نرخوں بارے دریافت کیا ، شہریوں کا رمضان بازار لگانے اور سستی اشیاءکی فراہمی پر حکومت پنجاب اور ضلعی انتظامیہ کا شکریہ ادا کیا۔اس موقع پر ڈپٹی کمشنر ننکانہ صاحب محمد تسلیم اختر راو نے گفتگو کرتے ہوئے کہا کہ وزیر اعلی پنجاب کی ہدایت پر سستے رمضان بازاروں میں 15 سے 40 فیصد کم ریٹس پر اشیاءضروریہ کی فراہمی جاری ہے ، ضلع کی تینوں تحصیلوں میں سستے رمضان سہولت بازار قائم کیے گئے ہیں ، سستے رمضان بازاروں پر چینی 22 روپے کم فی کلوگرام مارکیٹ سے کم ریٹ پر فروخت کی جا رہی ہے۔ڈی سی ننکانہ نے کہا کہ تمام قسم کے چاول 25 سے 40 روپے فی کلوگرام کم نرخوں پر دستیاب ہیں جبکہ چکن 22 روپے ،مٹن اور بیف 50 روپے فی کلو گرام مارکیٹ سے کم ریٹس پر دستیاب ہے۔انہوں نے کہا کہ سستے رمضان بازاروں میں آٹا ، اشیاءخوردونوش ، پھل ، دالیں ،سبزیاں ، مصالحہ جات، مشروبات و دیگر اشیاءبھی مارکیٹ سے کم نرخوں پر دستیاب ہیں۔ڈپٹی کمشنر نے شاہکوٹ انتظامیہ کو رمضان بازار میں آٹے ، چینی اور چاول کے سٹاک کو بڑھانے کے احکامات بھی جاری کیے۔انہوں نے میڈیا نمائندگان سے گفتگو کرتے ہوئے کہا کہ رمضان بازاروں میں آنے والے شہریوں کے لیے تمام تر سہولیات میسر ہیں ، ضلعی انتظامیہ شہریوں کو زیادہ سے زیادہ ریلیف کی فراہمی کے لیے کوشاں ہے۔ڈپٹی کمشنر ننکانہ نے کہا کہ احترام رمضان آرڈیننس پر مکمل عملدرآمد کروایا جائے گا ، کاروائیوں کے لیے ٹیمیں تشکیل دے دی گئی ہیں ، مصنوعی مہنگائی کا باعث بننے والوں کے خلاف سخت کریک ڈاون ہو گا ، کسی کے ساتھ رعایت نہیں برتی جائے گی۔
ہینڈ آوٹ نمبر125
ننکانہ صاحب:( )03 مارچ 2025۔۔۔۔۔۔وزیر اعلیٰ پنجاب مریم نواز شریف کے احکامات پر شہریوں کو فوری ریلیف کی فراہمی کے لیے اوپن ڈور پالیسی پر عملدرآمد جاری ہے۔ڈپٹی کمشنر ننکانہ صاحب محمد تسلیم اختر راو نے اوپن ڈور پالیسی کے تحت شہریوں کے مسائل سنے اور فوری حل کیلئے متعلقہ افسران کو احکامات جاری کیے۔انہوں نے اس موقع پر کہا کہ حکومت پنجاب کی ہدایت پرروزانہ کی بنیاد پر اوپن ڈور پالیسی کے تحت ضلعی افسران بھی عوامی مسائل سن رہے ہیں۔انہوں نے کہا کہ شہری اپنے مسائل کے حل کیلئے سرکاری دفاتر میں تشریف لائیں تاکہ انہیں فوری ریلیف فراہم کیا جاسکے کیونکہ عوامی مسائل کا حل اور شکایات کا فوری ازالہ پنجاب حکومت کی پالیسی اور ضلعی انتظامیہ کی اولین ذمہ داری جس کیلئے کوئی کسر اٹھا نہ رکھی جائے گی شہریوں کے مسائل حل کرنے کے لیے ڈی سی آفس کے دورازے شہریوں کے لیے ہمیشہ کھلے ہیں۔
