کراچی میں پانی کا بحران شدت اختیار کر گیا ہے حکمرانوں کو عوام کی فکر نہیں، رضوان نیازی،
عوام ماہ رمضان میں بھی پانی کی بوند بوند کو ترس گئے ہے، رضوان نیازی
حکمرانوں نے کراچی کو لاوارث چھوڑ دیا، پانی کی فوری فراہمی یقینی بنائی جائے: رضوان نیازی
پی ٹی آئی عوام کے حقوق کے لیے جہدوجہد جاری رکھے گی، رضوان نیازی
کراچی(پریس ریلیز 2 مارچ 2025) پاکستان تحریک انصاف سندھ کے ایڈیشنل جنرل سیکرٹری اور پارٹی مینجمنٹ سیل سندھ کے سربراہ محمد رضوان نیازی نے کراچی میں جاری پانی کے شدید بحران پر تشویش کا اظہار کرتے ہوئے کہا ہے کہ ماہ رمضان میں بھی شہری پینے کے پانی کے لیے ترس رہے ہیں، جو کہ پیپلز پارٹی کی بدترین حکمرانی کا منہ بولتا ثبوت ہے۔
انہوں نے کہا کہ کراچی کے عوام کا مینڈیٹ چوری کیا گیا، اور اب ان سے ان کے بنیادی حقوق بھی چھینے جا رہے ہیں۔ حکمرانوں کی نااہلی کی وجہ سے کراچی کا ہر شہری پانی جیسی بنیادی ضرورت سے محروم ہے، کراچی ایک میٹروپالیٹن شہر ہے لیکن اس کے باوجود کوئی پرسان حال نہیں۔
رضوان نیازی نے خبردار کیا کہ اگر فوری طور پر کراچی میں پانی کی فراہمی بحال نہ کی گئی تو پی ٹی آئی عوام کے ساتھ مل کر بھرپور احتجاج کرے گی۔ انہوں نے مطالبہ کیا کہ حکومت ہوش کے ناخن لے اور شہریوں کو ان کا حق دے، ورنہ عوامی احتجاج کا سامنا کرنا پڑے گا۔
انہوں نے کہا کہ پی ٹی آئی عوام کے ساتھ کھڑی ہے اور ہر فورم پر ان کے حقوق کے لیے آواز بلند کرتی رہے گی۔ کراچی کے شہریوں کو لاوارث نہیں چھوڑا جائے گا۔
جاری کردہ میڈیا سیل پی ٹی آئی سندھ
