مور خہ 02 مارچ 2025
صوبائی وزیر مکیش کمار چاولہ کی ہدایت پر محکمہ نارکوٹکس کنٹرول سندھ کی منشیات فروشوں کے خلاف کارروائیاں جاری
محکمہ نارکوٹکس کنٹرول سندھ کی ضلع شرقی میں خفیہ اطلاع پر کامیاب کارروائی
پرانی سبزی منڈی کے قریب مکان پر چھاپے کے دوران لاکھوں روپے مالیت کی 800 گرام اعلیٰ کوالٹی کی ویڈ برآمد، ملزم گرفتار
کراچی 02 مارچ ۔صوبائی وزیر ایکسائز، ٹیکسیشن و نارکوٹکس کنٹرول سندھ مکیش کمار چاولہ کی ہدایت پر محکمہ نارکوٹکس کنٹرول سندھ کی منشیات فروشوں کے خلاف کارروائیاں جاری ہیں۔ محکمہ نارکوٹکس کنٹرول سندھ نے ضلع شرقی میں خفیہ اطلاع پر پرانی سبزی منڈی کے قریب مکان پر چھاپے کے دوران لاکھوں روپے مالیت کی 800 گرام اعلیٰ کوالٹی کی ویڈ برآمد کرکے ایک ملزم نوید ولد غلام قادر کو گرفتار کرلیا۔ ترجمان کے مطابق ملزم کے خلاف نارکوٹکس پولیس اسٹیشن شرقی میں مقدمہ نمبر 04/25 درج کرلیا گیا ہے جبکہ ملزم سے مزید تفتیش جاری ہے۔
ہینڈآؤٹ نمبر 273۔۔۔ایس اے بی
