صحافی کو گولی مارنیوالا بھی ارمغان نکلا
کراچی( ثاقب صغیر ) سینئر صحافی کو گولی مار کر زخمی کرنے کے بعد فرار ہونے والا ملزم بھی ارمغان نکلا۔تفصیلات کے مطابق سینئر صحافی ، کراچی پریس کلب کے رکن اور کرائم رپورٹرز ایسوسی ایشن کے سیکریٹری ندیم احمد کو بہادرآباد کے علاقے میں نجی ٹی وی چینل کے دفتر کے باہر 19 نومبر 2024 کو مسلح شخص نے گولی مار کر زخمی کیا تھا اور فرار ہو گیا تھا۔پولیس تین ماہ کا عرصہ گذرنے کے باوجود ملزم کو تلاش نہیں کر سکی تھی تاہم ندیم احمد نے
واقعہ میں ملوث ملزم ارمغان کو شناخت کر لیا ہے۔نمائندہ جنگ سے گفتگو کرتے ہوئے ندیم احمد نے بتایا کہ انہوں نے ملزم کی شاخت کی تفصیلات پولیس حکام کو فراہم کر دی ہیں۔انہوں
نے بتایا کہ اس حوالے سے ایسٹ پولیس اور سی ٹی ڈی ان کے کیس پر کام کر رہی تھی تاہم پولیس ملزم کا پتا لگانے میں ناکام رہی
https://e.jang.com.pk/detail/856735
========================================
ارمغان سے منی لانڈرنگ تفتیش شروع
01 مارچ ، 2025FacebookTwitterWhatsapp
کراچی( ثاقب صغیر )مصطفیٰ عامر قتل کیس میں مرکزی ملزم ارمغان سے منی لانڈرنگ کے حوالے سے تفتیش کے لیے ایف آئی اے نے کام شروع کر دیا ہے۔پولیس کی جانب سے ایف آئی اے اینٹی منی لانڈرنگ سرکل سے باقاعدہ رابطہ کیا گیا ہے ۔پولیس نے ملزم ارمغان کے گھر سے برآمد لیپ ٹاپ اور دیگر سامان ایف آئی اے کے حوالے کر دیا ہےجس کے بعد ایف آئی اے اینٹی منی لانڈرنگ سرکل اور ایف آئی اے سائبر کرائم سرکل کیس کی تفتیش کریں گے۔ ڈائریکٹر ایف آئی کے کراچی زون نعمان صدیقی نے بتایا کہ پولیس نے ہمیں ریفرنس بھیجا ہے اور کیس کی تفتیش میں سائبر کرائم سرکل سے بھی مدد لی جائے گی۔
======================
مصطفیٰ قتل کیس ، وزیراعلیٰ سندھ کے پولیس کو بلاتفریق کارروائیوں کے احکام
01 مارچ ، 2025FacebookTwitterWhatsapp
کراچی (اسٹاف رپورٹر) وزیراعلی سندھ مراد علی شاہ نے مصطفی عامر قتل کیس میں پولیس کو بلاتفریق کارروائیوں کے احکامات جاری کردیئے۔ تفصیلات کے مطابق مصطفی عامر قتل کیس کے سلسلے میں وزیراعلی ہاؤس کراچی میں ایک اجلاس ہوا۔جس میں چیف سیکریٹری سندھ، وفاقی حساس ادارے کے افسران ، آئی جی سندھ غلام نبی میمن اور ایڈیشنل آئی جی کراچی شریک تھے۔ایڈیشنل آئی جی کراچی، ڈی آئی جی سی آئی اے ڈی آئی جی ساوتھ اور وفاقی حساس ادارے کے افسرکی جانب سے وزیراعلی سندھ کو کیس میں اب تک ہونے والی پیشرفت پر مکمل بریفنگ دی گئی۔وزیراعلی سندھ کی جانب سے ہائی پروفائل کیس میں وفاقی حساس ادارے کی کارکردگی کو سراہا گیا۔ وزیراعلی سندھ کو عدالت میں ہونے والی صورتحال سے بھی آگاہ کیا گیا، جس کے بعد وزیراعلی سندھ کی جانب سے پولیس کو بغیر کسی دباو میں کارروائی کے احکامات دیے گئے۔مصدقہ ذرائع کا کہنا تھا کہ وزیراعلی سندھ مراد علی شاہ نے پولیس کو اس ہائی پروفائل کیسے میں بلاتفریق کارروائیوں کے احکامات جاری کردیے ہیں۔مراد علی شاہ ے کہا کہ اس پورے کیس میں تفتیش شفاف طریقے سے کی جائے تاکہ پروسیکیوشن کو کیس چلانے میں آسانی ہو اور مدد ملے تاکہ وہ ملزمان کو تفتیش کی بنا پر قرار واقعی سزا دلوا سکیں۔
======================
سائبر ماہرین پر مشتمل 3 رکنی کمیٹی تشکیل
01 مارچ ، 2025FacebookTwitterWhatsapp
کراچی( ثاقب صغیر)ایف آئی اے سائبر سرکل نے مصطفیٰ عامر قتل کیس کی تفتیش کیلئےماہرین پر مشتمل 3رکنی کمیٹی تشکیل دے دی ۔ ڈائریکٹر آپریشنز سائوتھ ایف آئی اے سائبر کرائم سرکل شہزاد حیدر نے بتایا کہ پولیس کی جانب سے سائبر کرائم سرکل کو کیس ریفر نہیں کیا گیا ہے تاہم اس کیس کے حوالے سے ہم خود پولیس سے رابطہ کر رہے ہیں۔انہوں نے بتایا کہ سائبر کرائم سرکل نے مصطفیٰ قتل کیس میں قومی اسمبلی کی قائمہ کمیٹی کی ہدایت پر ماہرین پر مشتمل تین رکنی کمیٹی تشکیل دی ہے۔کمیٹی ڈپٹی ڈائریکٹر فرانسک ارسلان منظور کی سربراہی میں بنائی گئی ہے۔کمیٹی کے دیگر ممبران میں اسسٹنٹ ڈائریکٹر فرانسک عامر زیب اور سب انسپکٹر محمد شعیب شہاب شامل ہیں۔انہوں نے بتایا کہ کیس کی تفتیش ایف آئی اے کا اینٹی منی لانڈرنگ سیل کرے گا اور پولیس نے اینٹی منی لانڈرنگ سرکل کو اس حوالے سے کیس پراپرٹی اور ریفرنس بھیج دیا ہے۔
