سروسز اسپتال کے فالج پروگرام کو ورلڈ اسٹروک آرگنائزیشن (WSO) اسٹروک رجسٹری اینجل پروگرام کی جانب سے عالمی سطح پر پہچان ملنے کی خوشی میں سمزکے شعبہ نیورولوجی نے ایک تقریب کا انعقاد کیا گیا۔اس موقع پر پروفیسر قاسم بشیر نے بتایا کہ سروسز اسپتال لاہور کے فالج پروگرام نے 2024 میں مسلسل دو سہ ماہی کے لیے گولڈ ایوارڈ حاصل کیا، جو فالج کے علاج میں بہترین کارکردگی، فوری ردعمل، اور شواہد پر مبنی علاج کے عزم کا اعتراف ہے۔
سمز اور سروسز اسپتال کے صوبائی اسٹروک مینجمنٹ سینٹر (PSMC)
کے تحت 13 مراکز میں سے ایک ہے۔ یہ خصوصی صحت اور طبی تعلیم کے شعبے کا ایک پروگرام ہے جس کا مقصد ترقی یافتہ ممالک کی طرز پر فالج کے علاج کا نظام قائم کرنا ہے۔
پرنسپل سمز، پروفیسر زہرہ خانم اس تقریب کی مہمان خصوصی تھیں۔ دیگر نمایاں شرکاء میں پروفیسر آفتاب، پروفیسر رفاد، پروفیسر خدیجہ، پروفیسر افشاں، اور ڈاکٹر عدنان محمودشامل تھے، جبکہ بڑی تعداد میں ڈاکٹرز اور فیکلٹی ممبران بھی موجود تھے۔
تقریب کی نظامت ڈاکٹر محمد عدنان اسلم، ایسوسی ایٹ پروفیسر نیورولوجی سیمز نے کی۔ انہوں نے اس بات پر زور دیا کہ یہ کامیابی فالج کے مریضوں کی دیکھ بھال میں بہتری کے لیے انتھک محنت اور عزم کا نتیجہ ہے۔
