چیف سیکرٹری سندھ آصف حیدر شاہ کی ہدایت پر کمشنر لاڑکانہ طاہر حسین سانگی نے چانڈکا میڈیکل کالج کے میڈیکل سپرنٹنڈنٹ ڈاکٹر نیاز حسین ڈہر، پروفیسر ڈاکٹر عالم ابراہیم صدیقی، ڈائریکٹر فنانس کاظم علی بھٹو اور دیگر ڈاکٹروں کے ہمراہ لاڑکانہ ٹراما سینٹر، سٹی او پی ڈی، الٹراساؤنڈ، فارمیسی اور دیگر شعبہ جات کا دورہ کیا جہاں صفائی ستھرائی کے بہتر انتظامات نہ ہونے پر کمشنر نے برہمی کا اظہار کرتے ہوئے متعلقہ ڈاکٹروں اور عملے کو سختی سے ہدایت کی کہ وہ تمام شعبوں میں صفائی کا نظام بہتر کرکے داخل مریضوں کو بہترین طبی سہولیات اور ادویات فراہم کی جائیں تاکہ وہ صحت یاب ہو کر گھروں کو جاسکیں، اس موقع پر میڈیا سے گفتگو کرتے ہوئے کمشنر لاڑکانہ طاہر حسین سانگی کا کہنا تھا کہ ایک ماہ قبل چیف سیکریٹری سندھ کی زیر صدارت اسپتال مینجمنٹ کمیٹی کا اجلاس ہوا تھا جس میں لاڑکانہ کے اسپتالوں کے مسائل کو ہائی لائیٹ کرنے کا فیصلہ کیا گیا جس کے تحت آج ٹراما سینٹر سمیت چانڈکا اسپتال کے دیگر شعبہ جات کا دورہ کیا گیا جس کا مقصد اسپتال سے منسلک مسائل کو ہائی لائیٹ کرنا تھا، جس کی رپورٹ اعلیٰ حکام کو ارسال کی جائے گی تاکہ اسپتالوں میں مزید طبی سہولیات کو بہتر کیا جاسکے، انہوں نے کہا کہ لاڑکانہ کے سرکاری ہسپتالوں میں ایم آر آئی، سی ٹی سکین، ریڈیالوجی، اور پیتھالوجی مشینوں کو فعال کرنے کی کوششیں جاری ہیں تاکہ عام لوگ مستفید ہوسکیں۔ رپورٹ محمد عاشق پٹھان
