پنجاب پیرا میڈیکل ایسوسی ایشن کے وفد کا نئے ایم ایس پی آئی سی ڈاکٹر عامر رفیق بٹ کو گلدستہ پیش کرتے ہوئے گروپ فوٹو
پنجاب پیرا میڈیکل سٹاف ایسوسی ایشن کے وفد نے صوبائی صدر محمد ارشد بٹ کی قیادت میں نئے ایم ایس پنجاب انسٹیٹیوٹ آف کارڈیالوجی (پی آئی سی ) ڈاکٹر عامر رفیق بٹ سے ملاقات کی۔اس موقع پر انہیں تعیناتی اور عہدہ سنبھالنے پر مبارکباد اور گلدستے پیش کئے۔ صوبائی صدر محمد ارشد بٹ نے ڈاکٹر عامر رفیق بٹ کی تعیناتی کو خوش آئند قرار دیتے ہوئے کہا کہ ڈاکٹر عامر رفیق بٹ ایک اچھے ، قابل آفیسر اور بہترین ایڈمنسٹریٹر ہیں۔ وہ مریضوں کے علاج معالجہ اور ایڈمنسٹریشن کا وسیع تجربہ رکھتے ہیں۔ انہوںنے ایم ایس ڈاکٹر عامر رفیق بٹ کو یقین دلایا کہ ہسپتال کی مزید بہتری اور مریضوں کے علاج معالجہ کیلئے پیرا میڈیکس دل و جان سے مکمل تعاون کرے گی اور شانہ بشانہ چلے گی۔ ایم ایس پی آئی سی ڈاکٹر عامر فیق بٹ نے یقین دلایا کہ ہسپتال کی بہتری سمیت ملازمین کے جائز مسائل و معاملات کا حل میری اولین ترجیح ہے۔ملاقات کرنے والے ملازمین میں لالہ انور، ملک عثمان، ماجد مسیح، اسلم معراج، شیراز بٹ، بادل، اعمانیول مسیح، خالد مسیح، رفیق سہوترا، قاسم و دیگر شامل تھے۔
