تاشقند: 26 فروری 2025.
وزیرِ اعظم محمد شہباز شریف کا دو روزہ دورہءِ ازبکستان
وزیرِ اعظم محمد شہباز شریف آج تاشقند میں مصروف دن گزاریں گے.
وزیرِ اعظم ازبکستان کے صدر عزت مآب شوکت مرزیایوف سے ملاقات کریں گے. کانگرس سینٹر تاشقند پہنچنے پر وزیرِ اعظم کو گارڈ آف آنر پیش کیا جائے گا.
(پاکستان ٹیلی ویژن تقریب کی کاروائی پاکستان کے معیاری وقت کے مطابق صبح 9 بجکر 45 منٹ پر براہ راست نشر کرے گا)
بعد ازاں دونوں رہنماؤں کے مابین دوطرفہ ملاقات اور وفود کی سطح پر ملاقاتیں ہونگی.
وزیرِ اعظم محمد شہباز شریف اور ازبکستان کے صدر عزت مآب شوکت مرزیایوف پاکستان اور ازبکستان کے مابین مختلف شعبوں میں تعاون کی مفاہمتی یادداشتوں و معاہدوں پر دستخط کی تقریب میں شرکت کریں گے اور مشترکہ پریس کانفرنس میں خطاب کریں گے.
(پاکستان ٹیلی ویژن تقریب اور پریس کانفرنس پاکستان کے معیاری وقت کے مطابق 11 بجکر 45 منٹ پر براہ راست نشر کرے گا)
بعد ازاں وزیرِ اعظم اور ازبک صدر پاکستان اور ازبکستان مشترکہ بزنس فورم میں شرکت کریں گے اور گفتگو بھی کریں گے. (جو پاکستان ٹیلی ویژن پاکستان کے معیاری وقت کے مطابق 12 بجکر 10 منٹ پر براہ راست نشر کرے گا)
وزیرِ اعظم تاشقند میں قائم ٹیکنو پارک کا دورہ بھی کریں گے جہاں وزیرِ اعظم کو ازبکستان کی مقامی طور پر تیار کردہ مصنوعات کے صنعتی یونٹس کا دورہ کروایا جائے گا.
